សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បើទោះបីជាការបិទខ្ទប់ត្រូវបានបិទបញ្ចប់ ហើយផ្សាររដ្ឋនៅទូទាំងរាជធានីភ្នំពេញត្រូវបានអនុញ្ញាតឲ្យបើកដំណើរការឡើងវិញហើយក្ដី ប៉ុន្តែស្ថានភាពជាក់ស្ដែងនៃជំងឺកូវីដ-19 ដែលផ្ទុះចេញពីព្រឹត្តិការណ៍សហគមន៍20កុម្ភៈ ហាក់នៅតែអូសបន្លាយពីមួយខែទៅមួយខែដោយមិនទាន់អាចសន្មត់បញ្ចប់នៅពេលណានោះឡើយ ហើយនៅតែជះឥទ្ធិពលអាក្រក់ដល់ដំណើរការអាជីវកម្មស្ទើរគ្រប់ប្រភេទដដែល។
អ្វីដែលជាការគួរឲ្យកត់សម្គាល់នៅក្នុងចំណោមបណ្តាអាជីវកម្មដែលបានអនុញ្ញាតឲ្យដំណើរការឡើងវិញ និងមានសកម្មភាពឡើងវិញ ប៉ុន្តែស្ថិតនៅក្នុងការប្រុងប្រយ័ត្នខ្ពស់ដើម្បីការពារការរីករាលដាលជំងឺកូវីដ-19 នៅពេលនេះ សម្រាប់អ្នកប្រកបអាជីវកម្មខ្នាតតូច ឬលក្ខណៈគ្រួសារដែលជាផ្នែកមួយនៃសេដ្ឋកិច្ចក្រៅប្រព័ន្ធត្រូវបានគេមើលឃើញថា បានរងនូវផលប៉ះពាល់ស្ទើរតែទ្វេដង ដោយសារតែនៅមិនទាន់មានអ្វីដែលអាចយកមកធានាបានចំពោះសុវត្ថិភាពនៃការប្រកបមុខរបរជាប្រចាំថ្ងៃរបស់ពួកគេ។
ជុំវិញបញ្ហានេះ លោកឧកញ៉ា ឃាង ពុទ្ធី អនុប្រធានសភាមុខរបរ និងមីក្រូសហគ្រាសកម្ពុជា បានគូសបង្ហាញថា៖
“ការបើកផ្សាររដ្ឋឡើងវិញនេះ វាជាសញ្ញាមួយនៃការងើបឡើងនៃសេដ្ឋកិច្ចក្រៅប្រព័ន្ធ ប៉ុន្តែការងើបឡើងនេះវាមានដំណើរយឺតបន្តិចម្ដងៗ ព្រោះថាហានិភ័យដែលអាចនឹងប្រឈម គឺនៅតែមានភាគរយខ្ពស់។ មានន័យថា ភាពមិនទាន់ធូរស្រាលនៃការរាលដាលជំងឺកូវីដ-19 នៅតែផ្តល់នូវភាពខ្លាចរអាដល់ប្រជាពលរដ្ឋក្នុងការបញ្ចេញសកម្មភាពលក់ដូរ ក៏ដូចជាចេញក្រៅជាសាធារណៈផងដែរ។ ទោះបីជាផ្សារបើកឡើងវិញ ប៉ុន្តែចរាចរណ៍ និងសកម្មភាពទិញលក់ដូរគឺនៅមានកម្រិតទាបនៅឡើយ។ ជាទស្សនៈរួមរបស់ខ្ញុំ សេដ្ឋកិច្ចក្រៅប្រព័ន្ធពិតជាមិនសូន្យដូចកាលនៅបិទខ្ទប់នោះទេ ប៉ុន្តែលទ្ធផលចំណូល និងសកម្មភាពគឺអាចនៅត្រឹមចន្លោះពី 30 ទៅ 50ភាគរយប៉ុណ្ណោះ រីឯប្រាក់ចំណូលរបស់ពួកគេក៏នៅទាបទៅតាមនោះដែរ“
ជាមួយគ្នានេះ លោកឧកញ៉ាក៏បានផ្ដល់ជាទស្សនៈទានបន្ថែមទៅដល់អ្នកប្រកបរបរសេដ្ឋកិច្ចក្រៅប្រព័ន្ធថា ពួកគេគួរតែរៀនសម្របខ្លួនជាមួយស្ថានការណ៍បច្ចុប្បន្ន ហើយគួរតែងាកមករៀនប្រើប្រាស់បណ្ដាញសង្គមសម្រាប់ធ្វើការផ្សព្វផ្សាយផលិតផល ឬសេវាកម្មរបស់ពួកគេ។ ធ្វើបែបនេះ ទើបអាចជួយជាដំណោះស្រាយបានខ្លះក្នុងមុខរបរអាជីវកម្មរបស់ពួកគេ ក៏ដូចជាអាចកាត់បន្ថយហានិភ័យបានមួយចំនួនផងដែរ។
គួរជម្រាបថា សេចក្ដីសម្រេច ស្ដីពីការអនុញ្ញាតឱ្យបើកដំណើរការគ្រប់អាជីវកម្មការលក់ដូរជាប្រក្រតីឡើងវិញ ក្នុងក្របខ័ណ្ឌផ្សាររដ្ឋទាំងអស់នៅរាជធានីភ្នំពេញត្រូវបានរដ្ឋបាលរាជធានីភ្នំពេញប្រកាសអនុញ្ញាតបើកឲ្យដំណើរការលក់ដូរឡើងវិញកាលពីថ្ងៃទី15 ខែមិថុនា ឆ្នាំ2021 កន្លងទៅ ប៉ុន្តែតម្រូវឲ្យមានការបង្កើនការប្រុងប្រយ័ត្នឲ្យបានខ្ពស់បំផុត៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
លោក Trump សន្យាចែកលុយឱ្យពលរដ្ឋម្នាក់ ៥០០០ ដុល្លារ ពេលឈ្នះឆ្នោតពាក់កណ្តាលអាណត្តិខាងមុខនេះ
ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
បរទេស ៖ ប្រធានាធិបតីអាមេរិក លោក Donald Trump បានសន្យាយ៉ាងភ្ញាក់ផ្អើលមួយដល់ពលរដ្ឋដោយថ្លែងថា លោកនឹងផ្តល់ប្រាក់លើកទឹកចិត្ត ដែលហៅថា «Trump Dividend» ចំនួន ៥០០០ ដុល្លារ ជូនដល់ប្រជាពលរដ្ឋអាមេរិកាំងពេញវ័យគ្រប់ៗរូបប្រសិនបើគណបក្សសាធារណៈ អាចបន្តគ្រប់គ្រង និងរក្សាកៅអីភាគច្រើនក្នុងសភាទាំងពីរនាពេលបោះឆ្នោតពាក់កណ្តាលអាណត្តិ អំឡុងខែវិច្ឆិកាខាងមុខនេះ។ យោងតាមការចេញផ្សាយរបស់ RT
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
បរទេស ៖ ប្រមុខរដ្ឋាភិបាលឥណ្ឌា កំពុងព្យាយាមរុញច្រានយុទ្ធសាស្ត្រផលិតបន្ទះឈីបរបស់ខ្លួនឱ្យកាន់តែធំជាងមុន ដោយមិនត្រឹមតែផ្តោតលើការផលិតឈីបប៉ុណ្ណោះទេ ប៉ុន្តែថែមទាំងគ្រប់គ្រងលើខ្សែច្រវាក់ផ្គត់ផ្គង់ទាំងមូលនៅក្នុងប្រទេសផងដែរ។ យោងតាមអត្ថបទដែលបានចេញផ្សាយដោយកាសែត Novinata បានឲ្យដឹងថា គោលដៅចម្បង គឺកាត់បន្ថយការពឹងផ្អែកលើការនាំចូលពីបរទេស និងប្រែក្លាយខ្លួនទៅជាប្រទេសនាំមុខគេមួយក្នុងវិស័យបច្ចេកវិទ្យាដ៏សំខាន់នេះ។ បច្ចុប្បន្ន បន្ទះឈីប គឺជាបេះដូងនៃបច្ចេកវិទ្យាទំនើបៗជាច្រើន ដូចជា ទូរស័ព្ទស្មាតហ្វូន រថយន្ត ប្រព័ន្ធបញ្ញាសិប្បនិម្មិត (AI)និងកុំព្យូទ័រដែលមានសមត្ថភាពខ្ពស់។
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
អ្នកប្រកបមុខរបរ និងអាជីវកម្មសេដ្ឋកិច្ចក្រៅប្រព័ន្ធ គឺជាឆ្អឹងខ្នងនៃសេដ្ឋកិច្ចរបស់ប្រទេសជាតិ
កម្មវិធីថ្នាក់ជាតិ ស្ដីពី«ប័ណ្ណជំនាញសម្រាប់សេដ្ឋកិច្ចក្រៅប្រព័ន្ធ» ត្រូវបានដាក់ឱ្យអនុវត្តជាផ្លូវការ
Account
Security
Favourite Content