សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សិង្ហបុរី ៖ ទីផ្សារភាគហ៊ុនអាស៊ីបានកើនឡើងវិញបន្ទាប់ពីការហក់ឡើងនៃផ្សារហ៊ុនរបស់ Wall Street ខណៈប្រធានាធិបតីអាមេរិកលោក Joe Biden បានវាយបកទៅលើប្រទេសរុស្ស៊ីជាមួយនឹងទណ្ឌកម្មដ៏តឹងរ៉ឹង បន្ទាប់ពីខ្លួនបានបញ្ជូនកងទ័ព រថក្រោះ និងមីស៊ីលទៅកាន់អ៊ុយក្រែន។ នេះបើយោងតាមការចេញផ្សាយរបស់សារព័ត៌មានរ៉យទ័រ។
សន្ទស្សន៍ភាគហ៊ុនអាស៊ីប៉ាស៊ីហ្វិកដ៏ទូលំទូលាយរបស់ក្រុមហ៊ុនអាមេរិក MSCI បានកើនឡើង ០.៦៨% ខណៈការជួញដូរភាគរយរបស់ក្រុមហ៊ុន Nikkei របស់ជប៉ុនកំពុងជួញដូរកើនឡើង ១.៥៣% និងសន្ទស្សន៍ភាគហ៊ុនរបស់ក្រុមហ៊ុន Hang Seng របស់ហុងកុងបានបន្ថែម ០.១៦%។ ផ្សារហ៊ុននៅអូស្ត្រាលី បានកើនឡើង ០.៣% ដោយការស្ទុះងើបឡើងវិញនៃភាគហ៊ុនបច្ចេកវិទ្យា។
វិនិយោគិនបានគិតគូរឡើងវិញចំពោះហានិភ័យលើការវិនិយោគរបស់ពួកគេ បន្ទាប់ពីការខាតបង់យ៉ាងខ្លាំងជាលើកដំបូង ដោយសន្ទស្សន៍ផ្សារហ៊ុនសំខាន់ៗរបស់សហរដ្ឋអាមេរិកបានប្រកាសពីការកើនឡើងនៅ Wall Street កាលពីថ្ងៃព្រហស្បតិ៍ ដែលភាគច្រើនកើនឡើងនភក្នុងភាគហ៊ុនរបស់ក្រុមហ៊ុនបច្ចេកវិទ្យា។ ទោះជាយ៉ាងណាក៏ដោយ ភាគហ៊ុននៅសហរដ្ឋអាមេរិកបានធ្លាក់ចុះនៅក្នុងការជួញដូរនៅអាស៊ី ដោយភាគហ៊ុនក្រុមហ៊ុន S&P500 ធ្លាក់ចុះ ០.៦១% ហើយភាគហ៊ុរបស់កុ្រមហ៊ុន Nasdaq ធ្លាក់ចុះ ០.៩២% ខណៈដែលអ្នកវិភាគបង្ហាញក្តីបារម្ភថា ការកើនឡើងនៃផ្សារហ៊ុនអាចនឹងមានរយៈពេលខ្លី។
លោក Kyle Rodda អ្នកវិភាគនៅក្រុមហ៊ុន IG Markets នៅទីក្រុងម៊ែលប៊ឺន ប្រទេសអូស្ត្រាលី បាននិយាយថា ៖
“ការដាក់ទណ្ឌកម្ម និងការស្ទាក់ស្ទើរក្នុងការបញ្ជូនកងទ័ពរបស់លោក Biden គឺផ្តល់នូវការសម្រាលនូវស្ថានការបានខ្លះ។ ប៉ុន្តែជម្លោះនេះនឹងក្លាយជាបញ្ហាអូសបន្លាយ និងបន្ថែមសម្ពាធអតិផរណាពិភពលោក ដែលនឹងធ្វើឱ្យធនាគារកណ្តាលនានាឱ្យបន្តការរឹតបន្តឹងបន្ថែម”
លោកបន្តថា៖
“ស្ថានភាពបច្ចុប្បន្នមិនអីទេសម្រាប់ពេលនេះ ប៉ុន្តែក្នុងរយៈពេលវែង ទីផ្សារនឹងអាចធ្លាក់ចុះ”
តម្លៃប្រេង ដែលបានហក់ឡើង ដោយសារការឈ្លានពានរបស់រុស្ស៊ីកាលពីថ្ងៃព្រហស្បតិ៍ បានកើនឡើងម្តងទៀតកាលពីថ្ងៃសុក្រ ដោយសារការព្រួយបារម្ភអំពីការរំខានការផ្គត់ផ្គង់។ ប្រេងឆៅបានកើនឡើង ២% នៅក្នុង ១០១.២០ ដុល្លារ ក្នុងមួយបារ៉ែល ខណៈប្រេងឆៅរបស់ក្រុមហ៊ុន US West Texas Intermediate (WTI) ក៏បានកើនឡើងដល់ ៩៤.៤៦ ដុល្លារ ទោះបីជាតម្លៃប្រេងទាំងពីរបានធ្លាក់ចុះពីកម្រិតខ្ពស់រួចហើយក៏ដោយ។
ទោះជាយ៉ាងណាក៏ដោយ តម្លៃមាស (Spot Gold) បានធ្លាក់ចុះ ០.៤% មកនៅត្រឹម ១ ៩១០.៩៦ ដុល្លារក្នុងមួយអោន (រង្វាស់អន្តរជាតិ) បន្ទាប់ពីបានឡើងដល់កម្រិតខ្ពស់បំផុតចាប់តាំងពីខែកញ្ញា ឆ្នាំ ២០២២ ដោយមានតម្លៃ ១ ៩៧៣.៩៦ ដុល្លារ ខណៈវិនិយោគិនចាត់ទុកថាមាសជាការវិនិយោគដ៏មានសុវត្ថិភាព។ សន្ទស្សន៍ប្រាក់ដុល្លារអាមេរិក ធៀបនឹងរូបិយប័ណ្ណសំខាន់ៗ បានកើនឡើង ០.១២% ដល់ ៩៦.៩៨ ដែលនេះជាការកើនឡើងកាលពីថ្ងៃព្រហស្បតិ៍ ចាប់តាំងពីវិបត្តិជំងឺឆ្លងរាតត្បាត៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
៧ខែដំបូងនៃឆ្នាំ២០២៦ ពាណិជ្ជកម្ម កម្ពុជា-ម៉ាឡេស៊ី មានទំហំជិតដល់ ១០០០លានដុល្លារអាម៉េរិក
Top News, ព្រឹត្តិការណ៍, សេដ្ឋកិច្ច
• 19/08/2026
៧ខែដំបូងនៃឆ្នាំ២០២៦ ពាណិជ្ជកម្ម កម្ពុជា-ម៉ាឡេស៊ី មានទំហំជិតដល់ ១០០០លានដុល្លារអាម៉េរិក កើនឡើង ៥៨,២៧% បើធៀបនឹងរយៈពេលដូចគ្នាក្នុងឆ្នាំ២០២៥
រលកកម្ដៅ និងគ្រោះរាំងស្ងួត អាចបង្កវិបត្តិស្បៀងអាហារនៅអឺរ៉ុប
ព្រឹត្តិការណ៍, អាជីវកម្មថ្មី និងនវានុវត្ត
• 19/08/2026
រលកកម្ដៅខ្លាំង និងគ្រោះរាំងស្ងួតធ្ងន់ធ្ងរ អាចបង្កឱ្យមានវិបត្តិក្នុងវិស័យកសិកម្ម និងជំរុញការឡើងថ្លៃអាហារនៅទូទាំងអឺរ៉ុប ខណៈផលិតកម្មដំណាំ និងការចិញ្ចឹមសត្វកំពុងរងផលប៉ះពាល់យ៉ាងខ្លាំង
ចិនចំណាយ ៦៥ ពាន់លានដុល្លារ ពង្រីកបណ្តាញផ្លូវដែកជាតិ ក្នុង ៧ ខែដំបូងឆ្នាំនេះ
ព្រឹត្តិការណ៍, អាជីវកម្មថ្មី និងនវានុវត្ត
• 18/08/2026
ប្រទេសចិនបានបង្កើនការវិនិយោគលើការពង្រីកបណ្តាញផ្លូវដែកជាតិរបស់ខ្លួន ដោយចំណាយប្រមាណ ៤៤០,៦ ពាន់លានយ័ន ឬប្រហែល ៦៥ ពាន់លានដុល្លារអាម៉េរិក ក្នុងរយៈពេល ៧ ខែដំបូងឆ្នាំ ២០២៦ ស្របពេលដែលទីក្រុងប៉េកាំងបន្តផ្តោតលើការតភ្ជាប់ទីក្រុង និងសមាហរណកម្មសេដ្ឋកិច្ចតំបន់
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content