អ្នកជំនាញនិយាយពីការយកដីស្រែទៅអភិវឌ្ឍជាគម្រោងពុះដីឡូត៍លក់

ភ្នំពេញ ៖ នៅក្នុងរយៈពេលប៉ុន្មានឆ្នាំចុងក្រោយនេះ អ្នកអភិវឌ្ឍន៍ដីធ្លីជាច្រើនបានទិញដីស្រែ ហើយចាក់បំពេញ និងពុះជាដីឡូត៍ ដើម្បីលក់ទៅឲ្យអ្នកដែលមានតម្រូវការ។ ការយកដីស្រែ ឬដីកសិកម្មមកពុះជាដីឡូត៍បែបនេះ មានមតិមួយចំនួនលើកឡើងថានឹងអាចបាត់បង់ដីសម្រាប់ធ្វើស្រែ បាត់បង់លទ្ធភាពផលិតក្នុងវិស័យកសិកម្ម ខណៈតម្រូវការកសិកម្មនៅកម្ពុជាក៏ចាប់ផ្ដើមកើនឡើង។

លោក ព្រាប កុល គ្រូបណ្ដុះបណ្ដាលក្នុងវិស័យអចលនទ្រព្យនៃក្រុមហ៊ុន Century 21 Cambodia បានលើកឡើងថា សម្រាប់ទស្សនៈរបស់លោកផ្ទាល់គឺមិនមានការបារម្ភចំពោះមតិដែលថាការយកដីស្រែមកពុះជាឡូត៍ធ្វើឱ្យបាត់បង់ដីកសិកម្មនោះទេ ពីព្រោះថាដីកសិកម្មនៅកម្ពុជានៅមានច្រើនណាស់ ដែលវានៅមិនទាន់ដល់ពេលកម្ពុជាខ្វះដីធ្វើកសិកម្មនោះទេ។

លោក សន សៀប នាយកប្រតិបត្តិក្រុមហ៊ុនភ្នាកងារអចលនទ្រព្យ  KEY Real Estate បានឱ្យដឹងថា ប្រទេសកម្ពុជាមានដីកសិកម្មច្រើនណាស់ ដែលគិតជាមធ្យមអាចមួយគ្រួសារមានដីមួយហិចតា ដូច្នេះបើយកមួយហិចតាមកពុះដីឡូត៍គឺបានច្រើនឡូត៍ណាស់ ប៉ុន្តែអ្វីដែលគួរបារម្ភសម្រាប់អាជីវកម្មដីឡូត៍នោះគឺការពុះជាឡូត៍រួចហើយ មានអ្នកទិញដែរឬទេ។

លោកបន្តថា ៖

“ដោយសារតែបញ្ហានេះ យើងបានមើលឃើញថា ក្រសួងសេដ្ឋកិច្ច និងហិរញ្ញវត្ថុ បាន និងកំពុងតម្រង់ទិសលើការងារដីឡូត៍នេះដែរ ដោយពីមុនអ្នកមានដីអាចពុះឡូត៍ និងលក់បាន ប៉ុន្តែក្នុងរយៈពេលប្រមាណ២ឆ្នាំចុងក្រោយនេះ គឺមានច្បាប់គ្រប់គ្រងលើអាជីវកម្មដីឡូត៍ ដូចជាការពុះដីឡូត៍ចាប់ពី១ហិកតាចុះក្រោមអាចសុំអាជ្ញាប័ណ្ណនៅមន្ទីរសេដ្ឋកិច្ច និងហិរញ្ញវត្ថុ ហើយបើសិនជាការពុះចាប់ពី១ហិកតាឡើងគឺត្រូវសុំច្បាប់នៅក្រសួងសេដ្ឋកិច្ច និងហិរញ្ញវត្ថុ ដោយការពុះដីឡូត៍នេះដែរ ក៏ត្រូវទុកផ្លូវ ទុកទីតាំងសម្រាប់អភិវឌ្ឍហេដ្ឋារចនាសម្ព័ន្ធនៅពេលបន្ទាប់ផងដែរ”

ដោយឡែកលោកឧកញ៉ា សំ សុខនឿន ប្រធានសមាគមអចលនទ្រព្យសកល (GRA) បានលើកឡើងថា ការពុះដីឡូត៍នេះហាក់មិនបានជួយអ្វីធំដុំដល់ការអភិវឌ្ឍសេដ្ឋកិច្ចជាតិនោះទេ។

លោកឧកញ៉ាបន្តថា ៖

“ការពុះដីឡូត៍អាចបង្កើតបានជាសហគមន៍មួយក្រោយមានមនុស្សសាងសង់លំនៅដ្ឋានស្នាក់នៅអចិន្ត្រៃយ៍ ប៉ុន្តែជាការរស់នៅមិនមានរបៀបរៀបរយ ពីព្រោះថាអ្នកទិញដីឡូត៍មិនមែនជាអ្នកដែលមានជីវភាពដូចៗគ្នាឡើយ ខ្លះមាន ខ្លះក៏មធ្យម និងខ្លះខ្សត់ខ្សោយ ហើយការអភិវឌ្ឍហេដ្ឋារចនាសម្ព័ន្ធនៅក្នុងតំបន់ដីឡូត៍ក៏មានផលពិបាកដែរ”

យ៉ាងណាក៏ដោយ លោកមិនលើកទឹកចិត្តឱ្យមានការអភិវឌ្ឍដីឡូត៍ទំហំតូចនោះទេ ប៉ុន្តែលើកទឹកចិត្តឱ្យមានការអភិវឌ្ឍលំនៅឋានតម្លៃសមរម្យសម្រាប់លក់ជូនអ្នកដែលមានចំណូលមធ្យម និងទាបប្រសើរជាង ព្រោះក្នុងគម្រោងអភិវឌ្ឍលំនៅឋាន ក៏ដូចជាបុរីនីមួយៗ គឺមានការរៀបចំហេដ្ឋារចនាសម្ព័ន្ធត្រឹមត្រូវ ដូចជាការអភិវឌ្ឍផ្លូវ បណ្តាញអគ្គិសនី បណ្តាញទឹកស្អាត បណ្តាញលូ ដែលមានការត្រួតពិនិត្យកម្រិតស្តង់ដារត្រឹមត្រូវពីស្ថាប័នជំនាញដែលពាក់ព័ន្ធ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

My Dream Home ធរុកិច្ចបរិយាបន្នបង្កើតឡើងដើម្បីបំពេញក្តីសុបិនពលរដ្ឋដែលមានជីវភាពខ្វះខាតអាចសាងសង់ផ្ទះផ្ទាល់ខ្លួន

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 29/03/2024

My Dream Home ជាអ្នកជំនាញផលិតឥដ្ឋបរិស្ថាន ឬ Eco-brick ដែលមានតម្លៃទាប ងាយស្រួលប្រើប្រាស់ និងពុំចាំបាច់មានជំនាញក្នុងការងារជាជាងសំណង់ឡើយ

ទោះបីជាខ្លាំងទាំងការអភិវឌ្ឍ ខ្លាំងទាំងសេដ្ឋកិច្ច-នយោបាយ តែអាមេរិកមិនមើលរំលងទីផ្សារចិញ្ចឹមគោយកសាច់ឡើយ

ព្រឹត្តិការណ៍, សេដ្ឋកិច្ច

• 28/03/2024

ការចិញ្ចឹមសត្វគោនិងឧស្សាហកម្មផលិតសាច់គោប៉ុណ្ណោះសហរដ្ឋអាមេរិកអាចទាញរកចំណូលបានទៅដល់រាប់ពាន់លានដុល្លារជារៀងរាល់ឆ្នាំនិងថែមទាំងមានឈ្មោះជា អ្នកផលិតសាច់គោច្រើនជាងគេបំផុតរបស់ពិភពលោក

World Bank ៖ កម្ពុជាអាចសម្រេចគោលដៅដ៏មានមហិច្ឆតារបស់ខ្លួនក្នុងការបង្កើនចំនួន​យានយន្ត​​អគ្គិសនីនៅលើដងផ្លូវ

ព្រឹត្តិការណ៍, សេដ្ឋកិច្ច

• 28/03/2024

World Bank បានឱ្យដឹងថា ប្រទេសកម្ពុជាអាចសម្រេចគោលដៅដ៏មានមហិច្ឆតារបស់ខ្លួន ក្នុងការបង្កើនចំនួនយានយន្តអគ្គិសនីនៅលើដងផ្លូវ

យុវជនសម័យថ្មីមានទំនោរគាំទ្រអាជីវកម្មបែបទំនើប

ព្រឹត្តិការណ៍, សេដ្ឋកិច្ច

• 28/03/2024

ជាការពិត ការហូរចូលមកនូវប្រព័ន្ធឌីជីថល បានធ្វើឱ្យមានការប្រែប្រួលយ៉ាងខ្លាំងនៅក្នុងស្ថានភាពរស់នៅប្រចាំថ្ងៃរបស់ប្រជាជនកម្ពុជាដែលកាន់តែមានភាពទំនើបកម្មជាងមុន ជាពិសេសបណ្តាមិត្តយុវវ័យកាន់តែមានទំនោរគាំទ្រទៅលើអ្វីដែលថ្មី ប្លែក និងទំនើប...

ពិព័រណ៍ទេសចរណ៍ និងពាណិជ្ជកម្មឆ្នាំ២០២៤ នៅក្រុងព្រះសីហនុ ជំរុញការវិនិយោគ និងបង្កើតផលិតផលទេសចរណ៍ថ្មីៗ

ព្រឹត្តិការណ៍, សេដ្ឋកិច្ច

• 28/03/2024

«ទេសចរណ៍ផ្តល់ឱកាសសម្រាប់ទាំងអស់គ្នា» ជាប្រធានបទនៅក្នុងព្រឹត្តិការណ៍តាំងពិព័រណ៍ទេសចរណ៍ និងពាណិជ្ជកម្មឆ្នាំ២០២៤ ដែលធ្វើឡើងនៅក្រុងព្រះសីហនុ ចាប់ពីថ្ងៃទី២៦-៣០ ខែមីនា ឆ្នាំ២០២៤

ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍លើកទី២ បិទបញ្ចប់ជាមួយនឹងក្តីសង្ឃឹមសម្រាប់អនាគតផ្នែកវិទ្យាសាស្ត្ររបស់កម្ពុជា

ព្រឹត្តិការណ៍, សេដ្ឋកិច្ច

• 27/03/2024

ទិវាជាតិវិទ្យាសាស្ត្រ បច្ចេកវិទ្យា នវានុវត្តន៍លើកទី២ បានបញ្ចប់ទៅយ៉ាងជោគជ័យ ជាមួយនឹងការអបអរសាទរយ៉ាងក្លៀវក្លានៃកិច្ចសហប្រតិបត្តិការភាពច្នៃប្រតិដ្ឋ

សហគ្រាសឧស្សាហកម្មធំៗចំនួន១៧ របស់ប្រទេសចិន បានបង្ហាញពីចំណាប់អារម្មណ៍ និងបំណងពង្រីកការវិនិយោគ

ព្រឹត្តិការណ៍, សេដ្ឋកិច្ច

• 27/03/2024

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ជួបលោក Shen Mingrong ប្រធានក្រុមហ៊ុន Zhenjiang Zhoung និងប្រតិភូសហគ្រាសឧស្សាហកម្មធំៗ១៧ របស់ចិន

វេទិកា Maekyung Cambodia ទាក់ទាញការវិនិយោគ ពាណិជ្ជកម្ម និងធុរកិច្ច

ព្រឹត្តិការណ៍, សេដ្ឋកិច្ច

• 27/03/2024

កម្ពុជា ធ្វើជាម្ចាស់ផ្ទះរៀបចំវេទិកា Maekyung កម្ពុជា ក្រោមមូលបទ "ព្រះរាជាណាចក្រពោរពេញដោយកាលានុវត្តភាព កិច្ចសហប្រតិបត្តិការជាយុទ្ធសាស្រ្តដើម្បីរុញច្រានកំណើនសម្រាប់អនាគត"

ដំណឹងល្អ ! ជនមានពិការភាពជាម្ចាស់អាជីវកម្មខ្នាតមីក្រូ តូច និងមធ្យម នឹងទទួលបានការលើកកម្ពស់ការបង្កើតផលិតផល និងកម្មសិទ្ធិបញ្ញា

ព្រឹត្តិការណ៍, សេដ្ឋកិច្ច

• 27/03/2024

ជនមានពិការភាពដែលជាម្ចាស់អាជីវកម្ម មីក្រូ តូច និង មធ្យម នឹងទទួលបានការលើកកម្ពស់ក្នុងការបង្កើតផលិតផល សេវាកម្មថ្មីៗ និងរក្សាកម្មសិទ្ធិបញ្ញា

ការជិះរទេះគោនៅប្រដាក គឺជាផលិតផលថ្មីនៃសេវាកម្មទេសចរណ៍កំពុងទាក់ទាញទេសចរបរទេស

ព្រឹត្តិការណ៍, សេដ្ឋកិច្ច

• 27/03/2024

ការជិះរទេះគោ មើលភូមិអ្នកស្រុក និងជីវភាពរស់នៅប្រចាំថ្ងៃរបស់ប្រជាជននៅភូមិប្រដាក បានក្លាយជាគោលដៅទេសចរណ៍យ៉ាងសំខាន់របស់ទេសចរបរទេស