សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្នុងពេលដែលម្ចាស់ក្រុមហ៊ុនភាគច្រើនកំពុងរៀបចំផែនការ និងដំណោះស្រាយអាជីវកម្មនានានៅឆ្នាំក្រោយនោះ នាយកប្រតិបត្តិរបស់ក្រុមហ៊ុនបច្ចេកវិទ្យា AI ដ៏ធំមួយបានផ្តោតសំខាន់តែទៅលើការព្យាករណ៍របស់ខ្លួនចំពោះវិស័យឧស្សាហកម្ម និងអាជីវកម្មនៅឆ្នាំ២០២៥ខាងមុខនេះជាមួយនឹងបញ្ហាមួយចំនួនធំ។
លោក Clement Delangue នាយកប្រតិបត្តិនៃក្រុមហ៊ុនបច្ចេកវិទ្យា AI ដែលមានឈ្មោះថា Hugging Face និងកំពុងមានតម្លៃទីផ្សារដល់ទៅ ៤,៥ពាន់លានដុល្លារបានធ្វើការព្យាករណ៍ចំពោះបច្ចេកវិទ្យា AI ដែលម្ចាស់ក្រុមហ៊ុនគួរតាមដាន និងត្រៀមខ្លួនជាមុនឱ្យរួចរាល់ ដោយក្នុងនោះមានចំណុចមួយចំនួនវានឹងអាចធ្វើឲ្យប៉ះពាល់ខ្លាំងដល់សហគ្រាស និងក្រុមហ៊ុនក្នុងទ្រង់ទ្រាយធំផងដែរ។
លោក Delangue ជឿជាក់ថា មួយក្នុចំណោមផលប៉ះពាល់ធ្ងន់ធ្ងរជាងគេសម្រាប់បច្ចេកវិទ្យា AI ទៅលើក្រុមហ៊ុននោះគឺវានឹងអាចធ្វើឲ្យតម្លៃទីផ្សាររបស់បណ្តាក្រុមហ៊ុនទាំងនោះមានការធ្លាក់ចុះទៅដល់ពាក់កណ្តាល។
លោកបានលើកឡើងថា៖ បច្ចេកវិទ្យាដ៏ទំនើបរបស់ AI បានធ្វើឲ្យប៉ះពាល់ដល់បច្ចេកវិទ្យាស្នូល និងតម្លៃនៃកិច្ចសហប្រតិបត្តិការស្នូលរបស់ក្រុមហ៊ុនដែលជាឧទាហរណ៍ក្នុងសម័យកាលដែលបច្ចេកវិទ្យា Streaming ឬវីដេអូអនឡាញបានធ្វើឲ្យទីផ្សារនៃការលក់ផលិតឌីសវីដេអូត្រូវបានបាត់រូបរាងទាំងស្រុង ក៏ដូចជាទីផ្សារ ហ្វីលរូវភាពត្រូវបានត់បង់ក្រោយពេលមានចរាចរណ៍បន្ទះអង្គចង់ចាំ (memory card)។
ក្រុមហ៊ុន Teleperformance ដែលជាក្រុមហ៊ុនផ្តល់សេវាកម្ម call center បានធ្លាក់ចុះតម្លៃហ៊ុនយ៉ាងខ្លាំងកាលពីខែកុម្ភៈកន្លងទៅ ពោលគឺរហូតទៅដល់២៩ភាគរយដែលឬសគល់បញ្ហាគឺបណ្តាលមកពីការមកដល់នៃបច្ចេកវិទ្យា AI ខណៈពេលដែលក្រុមហ៊ុន Klarna បានប្រកាសថា បច្ចេកវិទ្យាជំនួយ ឬ AI Assitant របស់ខ្លួនមានកំណើនឡើងដល់ទៅ ២ ភាគ ៣ នៃប្រតិបត្តិការបច្ចុប្បន្ន។
ក្រៅពីនោះលោក Delangue ក៏បានព្យាករណ៍អំពីការតវ៉ាប្រឆាំងរបស់សាធារណៈជនក្នុងទំហំដ៏ធំមួយទៅនឹងបច្ចេកវិទ្យា AI នៅឆ្នាំក្រោយនេះ ខណៈដែលក្រុមមនុស្សក្នុងកម្រិតអ្នកជំនាញ និងថ្នាក់ដឹកនាំនឹងត្រូវប្រឈមមុខទៅនឹងការងារធ្ងន់ធ្ងរដើម្បីអាចរកវិធីដោះស្រាយលើការគ្រប់គ្រងនៃការកើនឡើងបច្ចេកវិទ្យាដ៏ទំនើបនេះ។
ដោយឡែក សម្រាប់ឆ្នាំ២០២៥នេះផងដែរ ចំពោះមនុស្សយន្តរ៉ូបូត លោក Delangue ជឿជាក់ថានឹងមានការផលិតក្នុងទ្រង់ទ្រាយធំដូចទៅនឹងឧបករណ៍ប្រើប្រាស់ប្រចាំថ្ងៃផ្សេងទៀតដែរ ជាពិសេសចំពោះមនុស្សយន្តរ៉ូបូតជំនួយ ឬ Personal AI Robot ខណៈដែលបច្ចេកវិទ្យា AI របស់ចិននឹងអាចក្លាយទៅជាអ្នកនាំមុខគេក្នុងទីផ្សារពិភពលោក៕
Account
Security
Favourite Content