ឧកញ៉ា ឃាង ពុទ្ធី ៖ ពាក្យ​វិបត្តិគឺជាឱកាស​បានជំរុញឱ្យ​ពលរដ្ឋ ​និងអ្នកវិនិយោគមួ​យ​ចំនួន​ជួប​បញ្ហា​ប្រឈម​កាន់តែខ្លាំង​

ភ្នំពេញ ៖ ចាប់តាំង​ពីឆ្នាំ២០២០​មក វិស័យ​អចលនទ្រព្យ​ក៏ដូចជាវិស័យផ្សេងទៀត​បានជួបប្រទះនឹង​បញ្ហា​ប្រឈមកាន់​តែខ្លាំង​ឡើងៗ។ ​​នៅក្នុងវិបត្តិ​នេះដែរ មានអ្នកជំនាញមួយចំនួន​បាន​លើ​ក​​​ទឹកចិត្ត​ឱ្យ​វិនិយោគិន ​និងប្រជាពលរដ្ឋដែលមានដើមទុន​បន្តវិនិយោគ​លើអចលនទ្រព្យ​ដោយ​បាន​លើ​ក​ឡើង​​ថា «វិបត្តិ ​គឺជា​ឱកាស»​ ហើយពាក្យ​នេះ​បានជំរុញឱ្យ​ពលរដ្ឋ ​និងវិនិយោគិន​ជាច្រើន​ជួប​បញ្ហា​កាន់តែច្រើន។

ដូច​ដែលបានឃើញ​ និងបានដឹង​បានឮហើយពីបញ្ហានៅ​ក្នុងវិស័យ​អចលនទ្រព្យ​​ឆ្នាំ២០២៣​​នេះ ដោយក្នុងនោះ​ពលរដ្ឋ​មួយចំនួនដែលបានដាក់ទុន​វិនិយោគ​ជាមួយក្រុមហ៊ុន​អចលនទ្រព្យ​ដោយ​យក​កម្ចីពីគ្រឹះស្ថានធនាគារឯកជន ​និងមីក្រូហិរញ្ញវត្ថុ​ កំពុង​ប្រឈម​នឹងវិបត្តិដោយក្រុមហ៊ុនវិនិយោគ​លែង​ទទួល​ខុស​ត្រូវ​ចំពោះ​កិច្ច​សន្យា​ ហើយម្ចាស់​ក្រុមហ៊ុនទាំងនោះ​មានខ្លះជាប់ពន្ធនាគារ ហើយខ្លះ​ទៀត​កំពុង​ជាប់បណ្ដឹង​របស់​ពល​រដ្ឋ​។ ការ​វិនិយោគរបស់​ពលរដ្ឋទាំង​នេះគឺត្រូវ​ធ្វើឡើង​នៅក្នុងអំឡុងនៃវិបត្តិ​កូវីដ​១៩ ដោយពួកគាត់រំពឹងថា​អាច​ទទួល​បាន​ប្រាក់ចំណេញពីកា​រវិនិយគរបស់ពួកគាត់ត្រឡប់មកវិញ។​

ក្រៅពីនេះ ក៏​មានអ្នកទិញផ្ទះ​ដោយបងរំលស់​ជាច្រើនក្នុងអំឡុង​នៃវិបត្តិ​ត្រូវ​បានម្ចាស់បុរីរឹបអូស ដោយ​សារ​តែមិនមានលទ្ធភាពបង់ប្រចាំខែទៅម្ចាស់បុរី​ ​ក្នុងនោះក៏មានអ្នកទិញ​ដើម្បីវិនិយោគ ដោយគិតថា​ទិញក្នុងវិបត្តិ​តម្លៃ​ទាប ហើយអាច​លក់ចេញវិញក្នុងតម្លៃខ្ពស់ និងគិតថា​វិបត្តិ​នឹ​ងចប់​នៅពេលឆាប់ៗ ប៉ុន្តែផ្ទុយទៅវិញ ​វិបត្តិ​កាន់​តែ​អូស​​បន្លាយដោយ​អស់ពីវិបត្តិកូវីដ​១៩​ ក៏ចូលដល់វិបត្តិ​នៃអតិផរណា​ដែលបណ្ដាលមកពីសង្គ្រាបមរ៉ាំរ៉ៃរវាង​រុស្ស៊ី​ និងអ៊ុយក្រែន។

លោកឧកញ៉ា ​ឃាង ពុទ្ធី​ ប្រធានក្រុមប្រឹក្សា​ភិបាលនៃសមាគមអ្នកជំនាញអចលនទ្រព្យ​កម្ពុជា (CREA) បានមានប្រ​សា​​ស​ន៍​ថា ពាក្យថា «​វិបត្តិគឺជា​ឱកាស» ​​ក្នុងជំនាន់កូវីដ​បានរុញឱ្យ​ពលរដ្ឋ ​និងអ្នកវិនិយោគ​ដែលមិនសូវ​មានដើមទុន​កាន់តែធ្លាក់​ក្នុងវិបត្តិ​កាន់តែខ្លាំងរហូតដល់​ចំណុច​មួយ​ដែលពិបាកស្ដារឡើងវិញ ដូច្នេះ​ក្នុងអំឡុង​នេះ គ្មា​ន​​​​អ្នកណាមានលុយទិញនោះទេ។

លោកឧកញ៉ាបានអះអាងថា ៖

“ពាក្យថា ​វិបត្តិ​វា​នៅតែជាឱកាស​សម្រាប់អ្នកមានលុយ​ប៉ុណ្ណោះ ហើយ​អ្នកមានលុយ​ គេនឹងមិនជួប​វិបត្តិ​ទេ ពីព្រោះលុយដែលគេ​យកទៅវិនិយោគគឺជា​លុយ​ដែលនៅសល់​ និង​មិនត្រូវកា​រប្រើប្រាស់ជា​ចាំបាច់ ដូច្នេះគេអាចទិញអចលនទ្រព្យ ឬទិញដីក្នុង​តម្លៃទាប​ជាង​ទីផ្សារ​ដើម្បីលក់​វិញ​នៅពេល​វិបត្តិ​នានា​ត្រូវ​បានបញ្ចប់​​។”

ជាមួយគ្នានេះ លោកឧកញ៉ា ឃាង ពុទ្ធី ក៏បានបង្ហាញពីទស្សនទានមិនលើកទឹកចិត្តដល់​វិនិយោគិន ឬប្រជាពលរដ្ឋ​ទៅយកលុយកម្ចីពី​ធនាគារ ឬប្រភពទុនពីខាងណា​ដែល​បង្កើតជា​ការ​ប្រាក់ទៅវិនិយោគនោះឡើយ​ ព្រោះថា ការ​វិនិយោគអចលនទ្រព្យ​ដែលយក​ប្រ​ភព​ទុនមានការ​ប្រាក់ គឺមិនអាចកំណត់ពេលវេលា​ក្នុងការលក់​ចេញនោះទេ។ អចលនទ្រព្យ​ខ្លះ​ត្រូវ​ការ​ពេ​លខ្លី​ ខ្លះត្រូវការពេលវេលា​យូរ ជាក់ស្ដែង​អ្នកខ្លះប្រកាស​លក់អចលនទ្រព្យ៣ឆ្នាំ ៥ឆ្នាំមិនទាន់​លក់​ចេញ​ផង ហើយប្រសិនជា​យកលុយពី​ធនាគារ ​ឬពីប្រភពដែល​បង្កើត​ជាការ​ប្រាក់​ គឺ​ត្រូវ​បង់​ការ​ប្រាក់ទៅ​ម្ចាស់​បំណុល​រៀងរាល់ខែ​ ទម្រាំតែអចលនទ្រព្យនោះលក់ចេញគឺជួបការខាតបង់ជាមិនខាន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច

កម្ពុជាទទួលបានទេសចរជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ

ព្រឹត្តិការណ៍, សេដ្ឋកិច្ច

• 17/07/2024

កម្ពុជាទទួលបានទេសចរជាតិ និង អន្តរជាតិ ជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ គិតចាប់ពីថ្ងៃទី ០៨ ដល់ថ្ងៃទី ១៤ ខែកក្កដា ឆ្នាំ២០២៤

IMF បង្កើនការព្យាករណ៍កំណើន GDP របស់ចិន ខណៈកំណើនសេដ្ឋកិច្ចរបស់សហរដ្ឋអាមេរិកធ្លាក់ចុះ

ព្រឹត្តិការណ៍, សេដ្ឋកិច្ច

• 17/07/2024

IMF បានបង្កើនការព្យាករណ៍កំណើនផលិតផលក្នុងស្រុកសរុប​ (GDP) របស់ចិនសម្រាប់ឆ្នាំនេះ ខណៈដែលព្យាករណ៍ពីកំណើនសេដ្ឋកិច្ចរបស់សហរដ្ឋអាមេរិកអាចធ្លាក់ចុះនៅឆ្នាំក្រោយ

ADB ៖ ឆ្នាំ២០២៤ កំណើនសេដ្ឋកិច្ចប្រទេសកំពុងអភិវឌ្ឍនៅអាស៊ី និងប៉ាស៊ីហ្វិកកើនដល់ ៥%

ព្រឹត្តិការណ៍, សេដ្ឋកិច្ច

• 17/07/2024

ADB ព្យាករថាឆ្នាំ ២០២៤ កំណើនសេដ្ឋកិច្ចនៃ ប្រទេសកំពុងអភិវឌ្ឍនៅអាស៊ី និង ប៉ាស៊ីហ្វិកនឹងកើនដល់៥% ដែលការព្យាករលើកមុនតែ ៤.៩ ភាគរយ

រដ្ឋាភិបាលចេញ​ប្រកាសលើកទឹកចិត្តផ្នែកពន្ធដារសម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ព្រឹត្តិការណ៍, សេដ្ឋកិច្ច

• 17/07/2024

រាជរដ្ឋាភិបាល​ តាមរយៈក្រសួងសេដ្ឋកិច្ច និងហិរញ្ញវត្ថុ បានចេញប្រកាសស្ដីពី ការណែនាំអនុវត្តអនុក្រឹត្យស្ដីពីការលើកទឹកចិត្តផ្នែកពន្ធដារ សម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ប្រធានសហគមន៍ជីផាត ៖ ភ្ញៀវក្នុងស្រុកមានទំនោរទៅទស្សនាតំបន់ធម្មជាតិច្រើនជាងឆ្នាំមុន

ព្រឹត្តិការណ៍, សេដ្ឋកិច្ច

• 17/07/2024

សហគមន៍អេកូទេសចរណ៍ជីផាត ជាសហគមន៍ចំណាស់មួយ ដែលត្រូវបានបង្កើតឡើងតាំងតែពីឆ្នាំ២០០៧ នៅក្នុងស្រុកថ្មបាំងខេត្តកោះកុង

អាល្លឺម៉ង់ គ្រោងកាត់ផ្ដាច់ក្រុមហ៊ុនចិន Huawei ចេញពីបណ្តាញ 5G របស់ខ្លួន

ព្រឹត្តិការណ៍, សេដ្ឋកិច្ច

• 17/07/2024

នៅក្រោមកិច្ចព្រមព្រៀងនេះ គ្រឿងបន្លាស់ដែលផលិតដោយក្រុមហ៊ុន Huawei ដែលជាក្រុមហ៊ុនផលិតគ្រឿងបន្លាស់ 5G ឈានមុខគេរបស់ប្រទេសចិន នឹងត្រូវហាមឃាត់ពីហេដ្ឋារចនាសម្ព័ន្ធបណ្តាញស្នូលដែលរសើបរបស់អាល្លឺម៉ង់មុនចុងឆ្នាំ ២០២៦

៥ខែ ឆ្នាំ២០២៤ កម្ពុជា នាំចេញបង្កងប៉ាករស់ ២,៥តោន អន្ទង់០.២០តោន និងកំពិសបង្កកជាង៣៥តោនទៅទីផ្សារចិន

ព្រឹត្តិការណ៍, សេដ្ឋកិច្ច

• 16/07/2024

៥ខែនៃឆ្នាំ២០២៤ កម្ពុជាបាននាំចេញបង្កងប៉ាករស់ ២,៥តោន អន្ទង់០.២០តោន និង កំពិសបង្កកជាង​៣៥តោនទៅទីផ្សារប្រទេសចិន

ទីផ្សារហ៊ុននៅអាស៊ីកំពុងស្ថិតក្រោមស្រមោលនៃព្រឹត្តិការណ៍ប៉ុនប៉ងបាញ់សម្លាប់លោក Trump

ព្រឹត្តិការណ៍, សេដ្ឋកិច្ច

• 16/07/2024

គិតត្រឹមព្រឹកព្រលឹមថ្ងៃចន្ទសប្ដាហ៍នេះ សម្រាប់ទីផ្សារហ៊ុនរបស់លុយគ្រីបតូ Bitcoin បានហក់ឡើងទៅដល់ប្រមាណ ៦ម៉ឺនដុល្លារក្នុងមួយកាក់នៅក្នុងទីផ្សារលក់របស់សកល

សត្វចង្រៃ ដង្កូវ​ហ្វូង និង​រុយ​ស​ បំផ្លាញ​ស្រូវ​កសិករជាច្រើនហិកតា តែអាចគ្រប់គ្រងបាន

ព្រឹត្តិការណ៍, សេដ្ឋកិច្ច

• 16/07/2024

ឯកឧត្តម ងិន ឆាយ ប្រតិភូររាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានកសិកម្ម បានបញ្ជាក់ឱ្យដឹងថា ការខូចខាតដំណាំស្រូវ​ដោយសារសត្វល្អិតចង្រៃអាចគ្រប់គ្រងបាន