សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ Happy Grocers ជាអាជីវកម្មបើកហាងលក់គ្រឿងទេស ដូចជា បន្លែ ផ្លែឈើធម្មជាតិគួរឲ្យចាប់អារម្មណ៍មួយប្រភេទដែលពោរពេញទៅដោយនិរន្តរភាពចំពោះបរិស្ថាន និងមានមូលដ្ឋាននៅទីក្រុងបាងកក។
មិនត្រឹមតែអាចជួយដល់កសិករក្រីក្រដែលមានជីវភាពលំបាកប៉ុណ្ណោះទេ វាថែមទាំងត្រូវបានគេស្គាល់ថា ជាអាជីវកម្មគំរូក្នុងការតភ្ជាប់អ្នកប្រើប្រាស់ជាមួយនឹងផលិតផលក្នុងស្រុកដែលមានគុណភាពខ្ពស់ ហើយកំពុងពង្រីកគំនិតផ្តួចផ្តើមដែលនឹងផ្តល់ប្រយោជន៍ដល់សង្គមកាន់តែច្រើនដើម្បីនាំយកអាហារស្រស់ដោយផ្ទាល់ទៅកាន់សហគមន៍ដែលជួបការលំបាកទៀតផង។
បេសកកម្មរបស់ Happy Grocers តាំងតែពីថ្ងៃដំបូងនៃការចាប់ផ្តើម គឺជាអាជីវកម្មដែលមានគោលដៅធ្វើការឲ្យកាន់តែខិតទៅជិតប្រភពអាហារដ៏ចាំបាច់ប្រចាំថ្ងៃ និងជួយគាំទ្រយ៉ាងជិតស្និទ្ធទៅដល់កសិករក្រីក្រ។
ខ្សែសង្វាក់ផ្គត់ផ្គង់របស់អាជីវកម្មត្រូវបានរចនាឡើងដើម្បីកាត់បន្ថយចំងាយ និងតម្លៃនាំចេញពីកសិដ្ឋានក្នុងស្រុកទៅដល់អ្នកប្រើប្រាស់ចុងក្រោយឱ្យបានច្រើនតាមដែលអាចធ្វើទៅបាន ដើម្បីធានាបាននូវភាពស្រស់ និងគុណភាពខ្ពស់ព្រមទាំងតម្លៃធូរថ្លៃខ្លាំង។
កាលពីឆ្នាំ២០២០ក្នុងអំឡុងពេលកូវីដ អាជីវកម្មបានកកើតឡើងដោយសារតែមើលឃើញពីបញ្ហាលំបាកនៃក្រុមកសិករតូចៗដែលមិនអាចផ្គត់ផ្គង់ផលិតផលទាំងនោះចូលទៅក្នុងទីផ្សារដូចធម្មតា ខណៈដែលអតិថិជនជាច្រើនមិនអាចស្វែងរកទីផ្សារដែលផ្គត់ផ្គង់ចំណីអាហារស្រស់ៗបែបនេះ និងមានតម្លៃធូរថ្លៃ។
គួរឲ្យដឹងដែរថា អាជីវកម្មនេះត្រូវបានទទួលស្គាល់ជាអាជីវកម្មសហគ្រាសសង្គមតាមរយៈការជួយគាំទ្រ និងផ្តល់អត្ថប្រយោជន៍ដល់ក្រុមមនុស្សដែលងាយរងគ្រោះ ទាំងកសិករជួបផលលំបាក និងអតិថិជនដែលកំពុងមានបញ្ហាចំណាយកើនឡើងផងដែរ។ ក្នុងនោះ Happy Grocers ធ្លាប់បានទទួលពានរង្វាន់ជាច្រើន ដូចជា Forbes Under 30, Women of the Future: Risting Stars in ESG, Gen.T Thailand by Tatler Magazine និង Startup Thailand League 2020៕
គួរឲ្យដឹងដែរថា ធុរកិច្ចបរិយាប័ន្ន គឺជាអាជីវកម្មឈរលើគោលការណ៍ធុរកិច្ច សំដៅទៅលើអង្គភាពទាំងឡាយណាដែលបង្កើតដំណោះស្រាយជាប្រព័ន្ធ មានភាពច្នៃប្រតិដ្ឋ និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈមពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប (BoP និង B40)។ បន្ទាត់អាជីវកម្មបរិយាប័ន្ន ត្រូវបានបង្កើតឡើងក្នុងគោលបំណងផ្តល់ប្រាក់ចំណូលខ្ពស់គួរសម និងបង្កើននូវស្តង់ដារជីវភាពរស់នៅប្រសើរជាងមុនដល់ក្រុមមនុស្សដែលមានចំណូលទាបនៅបាតពីរ៉ាមីត ៤០% និងក្រុមមនុស្សដែលងាយរងគ្រោះ៕
Account
Security
Favourite Content