សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖នៅសប្តាហ៍នេះប្រទេសឥណ្ឌូនេស៊ីបានធ្វើការបង្ហាញជាផ្លូវការនូវតួលេខដ៏គួរឲ្យភ្ញាក់ផ្អើលទៅលើទំហំនៃពាណិជ្ជកម្មរបស់ខ្លួនដែលបានទទួលកាលពីខែឧសភាកន្លងមក ពោលគឺមានកំណើនគួរឲ្យកត់សម្គាល់ទាំងការនាំចូល និងការនាំចេញទៅកាន់ទីផ្សារអន្តរជាតិ។
នៅក្នុងទិន្នន័យជាផ្លូវការបានបង្ហាញពីតួលេខនៃការនាំចេញរបស់ឥណ្ឌូនេស៊ីក្នុងខែឧសភាបានស្ទុះឡើងខ្លាំងរហូតទៅដល់ 16.6 ពាន់លានដុល្លារក្នុងអត្រាកើនឡើងដល់ទៅ 58.76 ភាគរយ ហើយការនាំចូលក៏មានសន្ទុះខ្លាំងដល់ទៅ 14.23 ពាន់លានដុល្លារក្នុងអត្រាកើនឡើងដល់ទៅ 68.68 ភាគរយធៀបជាមួយនឹងខែឧសភាកាលពីឆ្នាំ2020។
ទោះបីជាយ៉ាងណាក៏ដោយ តួលេខនេះមានការធ្លាក់ចុះបន្តិចធៀបទៅនឹងតួលេខកាលពីខែមេសាដោយអត្រានៃការនាំចេញស្ថិតនៅទាបជាង 10.25 ភាគរយ ហើយការនាំចូលមានកម្រិតទាបជាងប្រមាណជា 12.16 ភាគរយ។
ប្រធានការិយាល័យទទួលបន្ទុកកិច្ចការងារគ្រប់គ្រងទិន្នន័យជាតិ លោក Kecuk Suhariyanto បានអះអាងថា ទោះជាតួលេខខាងលើនេះហាក់ទាបជាងខែមេសាបន្តិច ប៉ុន្តែវានៅតែជាសញ្ញាល្អនៃការងើបឡើងវិញសម្រាប់សេដ្ឋកិច្ចជាតិ។
លោក Suhariyanto បានបន្តទៀតថា ការនាំចេញដែលមានចំនួនច្រើនជាងគេកាលពីពេលកន្លងទៅនេះ គឺជារ៉ែឥន្ធនៈដែលឥណ្ឌូនេស៊ីអាចទទួលបានរហូតទៅដល់ 218.9 លានដុល្លារត្រូវជា 13.91 ភាគរយនៃការនាំចេញសរុប ចំណែក ឯការនាំចេញដែលធ្លាក់ចុះខ្លាំងបំផុតនោះគឺផលិតផលប្រើប្រាស់ដូចជារថយន្តដែលមានត្រឹមតែ 272លានដុល្លារ ឬត្រូវជា 34.33 ភាគរយនៃការនាំចេញសរុប។
នៅក្នុងរបាយការណ៍ដដែលក៏បានបង្ហាញដែរថា ការនាំចេញសរុបគិតចាប់ពីខែមករាដល់ខែឧសភាឥណ្ឌូនេស៊ីអាចធ្វើបានរហូតទៅដល់ 83.99 ពាន់លានដុល្លារ ឬក្នុងអត្រាកើនឡើងប្រមាណជា 30.58 ភាគរយធៀបទៅនឹងពេលវេលាដូចគ្នាកាលពីឆ្នាំ2020កន្លងទៅ ដោយក្នុងនោះទីផ្សារនាំចេញផលិតផលធំបំផុតរបស់ខ្លួនគឺជាប្រទេសចិន សហរដ្ឋអាមេរិក និងជប៉ុន ដែលមានទំហំនាំចេញរៀងគ្នាគឺ 17.12ពាន់លានដុល្លារ បន្ទាប់គឺ9.34ពាន់លានដុល្លារ និង 6.25ពាន់លានដុល្លារ។
ក្រៅពីនោះ ការនាំចូលដ៏ធំរបស់ឥណ្ឌូនេស៊ីក្នុងពេល 5 ខែដើមឆ្នាំនេះគឺមានដូចជាប្រេង និងហ្គាសដែលប្រទេសចិនឈរនៅលំដាប់លេខ 1 នាំចូលមកក្នុងប្រទេសច្រើនជាងគេ ឬប្រមាណជា 20.56 ពាន់លានដុល្លារ ប្រទេសជប៉ុនមានទំហំ 5.28 ពាន់លានដុល្លារនិងកូរ៉េខាងត្បូងក្នុងទំហំប្រមាណជា 3.71 ពាន់លានដុល្លារ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
Barefoot College ជួយផ្លាស់ប្តូរជីវភាពសហគមន៍ក្រីក្រ និងជួយបណ្តុះបណ្តាលស្ត្រីទៅជាវិស្វករក្នុងវិស័យថាមពលសូឡា
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 24/04/2024
Barefoot College បាន និងបន្តបេសកកម្មរបស់ខ្លួនទៅតាមគោលការណ៍អភិវឌ្ឍប្រកបដោយចិរភាព ហើយបានចូលរួមក្នុងកិច្ចការងារជាច្រើនជាមួយប្រជាសហគមន៍ក្រីក្រ
កម្ពុជាអំពាវនាវឱ្យមានកិច្ចសហប្រតិបត្តិការជាសាកលក្នុងវិស័យវិទ្យាសាស្ត្រ បច្ចេកវិទ្យា និងនវានុវត្តន៍
ព្រឹត្តិការណ៍, អាជីវកម្មថ្មី និងនវានុវត្ត
• 24/04/2024
ក្នុងសន្និសីទរដ្ឋមន្ត្រី OECD ប្រទេសកម្ពុជាបានអំពាវនាវឱ្យមានកិច្ចសហប្រតិបត្តិការជាសាកលក្នុងវិស័យវិទ្យាសាស្ត្រ បច្ចេកវិទ្យា និងនវានុវត្តន៍ ។
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ឥណ្ឌូនេស៊ី ចង់បង្កើនការធ្វើពាណិជ្ជកម្មផលិតផលកសិកម្ម និងវិនិយោគនៅកម្ពុជា
ជោគជ័យរបស់សម្តេចមហាបវរធិបតី ក្នុងជំហានដំបូងលើឆាកអន្តរជាតិនៅហ្សាការតា ប្រទេសឥណ្ឌូណេស៊ី
Account
Security
Favourite Content