សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ទោះបីជាធ្លាប់បានទទួលរងការបរាជ័យម្តងហើយកាលពីឆ្នាំ២០២២ដោយសារតែរដ្ឋាភិបាលអង់គ្លេសបានបដិសេធមិនផ្តល់សិទ្ធក្នុងការសាងសង់គម្រោងស្ថានទូតថ្មីដ៏ធំរបស់ចិននៅក្នុងទីក្រុងឡុងក្តី ប៉ុន្តែជាច្រើនសប្តាហ៍ចុងក្រោយនេះ រដ្ឋាភិបាលទីក្រុងប៉េកាំងបានបង្ហាញនូវការតាំងចិត្តម្តងទៀតដើម្បីចរចាគម្រោងនេះឡើងវិញជាមួយនឹងរដ្ឋាភិបាលថ្មីអង់គ្លេស។
កាសែត The Telegraph កាលពីចុងសប្តាហ៍កន្លងមកនេះបានសរសេរថា រដ្ឋាភិបាលចិនបានធ្វើការរំលឹក និងចាប់ផ្តើមឡើងវិញនូវកិច្ចការងារអនុវត្តគម្រោងសាងសង់ដ៏ធំអស្ចារ្យមួយរបស់ខ្លួនជាមួយនឹងអគារស្ថានទូតថ្មីដែលមានទីតាំងស្ថិតនៅចំកណ្តាលបេះដូងនៃប្រទេសអង់គ្លេស គឺក្នុងទីក្រុងឡុង។
ក្រុមមន្ត្រីចិនមានក្តីសង្ឃឹមជឿជាក់ថា កិច្ចខិតខំសាជាថ្មីនេះនឹងទទួលលទ្ធផលវិជ្ជមានដោយពឹងផ្អែកទាំងស្រុងទៅលើទំនាក់ទំនងដែលល្អប្រសើរឡើងវិញរវាងរដ្ឋាភិបាលក្រុងប៉េកាំងជាមួយនឹងរដ្ឋាភិបាលអង់គ្លេសថ្មីដែលទើបតែបានប្រកាសចូលកាន់តំណែងដោយនាយករដ្ឋមន្ត្រី លោក Keir Starmer កាលពីថ្ងៃទី៥ ខែកក្កដា កន្លងមកនេះ។
កាសែតដដែលបានពណ៍នាគម្រោងដ៏ធំសម្បើមនេះថា ជា Super Embassy ដោយសារតែទីតាំងស្ថានទូតថ្មីនេះនឹងលាតសន្ធឹងលើផ្ទៃក្រឡាដល់ទៅ ៦គីឡូម៉ែត្រការ៉េនៅចំកណ្តាលទីក្រុងឡុង ពោលគឺនៅព័ទ្ធជុំវិញអគារស្នាក់ Royal Mint Court ដែលក្បែរទៅនឹងអគារតំណាងឲ្យទីក្រុងឡុងដ៏ល្បីល្បាញ Tower of London។
តាមផែនការទីតាំងស្ថានទូតថ្មីនេះមានផ្ទៃក្រឡាធំជាងស្ថានទូតចិនចាស់ដល់ទៅ១០ដង ដែលស្ថិតនៅសង្កាត់ Marylebone ហើយមិនត្រឹមតែមានអគារស្ថានទូតប៉ុណ្ណោះទេគម្រោង Super Embassy ក៏មានសង់មកជាមួយនឹងអគារការិយាល័យជាច្រើនកន្លែង លំនៅដ្ឋានប្រមាណជា២២៥ខ្នង ព្រមទាំងមជ្ឈមមណ្ឌលទំនាក់ទំនងវប្បធម៍មួយកន្លែងផងដែរ។
គួររំលឹកឡើងវិញថា រដ្ឋាភិបាលក្រុងប៉េកាំង បានចំណាយលុយទិញអគារ Royal Mint Court ក្នុងតម្លៃប្រមាណជា២៥៥លានផោន ឬត្រូវជា ៣២៤,៦លានដុល្លារកាលពីអំឡុងឆ្នាំ២០១៨ ប៉ុន្តែលិខិតស្នើសុំសិក្សាគម្រោង Super Embassy មិនត្រូវបានបញ្ជូនទៅដល់រដ្ឋាភិបាលអង់គ្លេសឡើយរហូតដល់ឆ្នាំ២០២២ ហើយជាលទ្ធផលសំណើរសុំរបស់ចិនគឺមិនទទួលបានជោគជ័យឡើយ ដោយក្នុងនោះអង់គ្លេសបានលើកឡើងអំពីបញ្ហាព្រួយបារម្ភពាក់ព័ន្ធទៅនឹងបញ្ហាសន្តិសុខជាតិជាមូលហេតុចម្បង។ យ៉ាងណាក៏ដោយ ជាថ្មីម្ដងទៀត ចិនបានដាក់ពាក្យស្នើសុំពិនិត្យសាជាថ្មីទៅលើគម្រោងសាងសង់ស្ថានទូតថ្មីនេះ ក្រោយពេលដែលការបោះឆ្នោតជាសកលរបស់អង់គ្លេសត្រូវបានបញ្ចប់ការពីដើមខែមុន៕
Account
Security
Favourite Content