បច្ចុប្បន្ន ធ្យូងអនាម័យដែលត្រូវបានច្នៃចេញពីត្រឡោកដូង និងកាកសំណល់ឈើផ្សេងៗនោះ បាន និងកំពុងទទួលការគាំទ្រប្រើប្រាស់ពីសំណាក់ប្រជាពលរដ្ឋខ្មែរយ៉ាងច្រើន ជាពិសេសមានតម្រូវការពីទីផ្សារក្រៅប្រទេសផងដែរ ដូចជាប្រទេសកូរ៉េ ជប៉ុន និងបារាំងផងដែរ
ធ្យូងអនាម័យដែលច្នៃពីសម្បកដូង កំទិចឈើ និងកាកសំណល់ផ្សេងៗដែលអាចកែច្នៃបាននោះ កំពុងទទួលបានការគាំទ្រប្រើប្រាស់ពីសំណាក់ប្រជាជនខ្មែរជាច្រើន ជាពិសេសអ្នកដែលរស់នៅទីប្រជុំជន និងតំបន់ក្រុងដោយសារវាមានផលប្រយោជន៍ច្រើន ដែលក្រៅពីមានភាពងាយស្រួលក្នុងការចម្អិនអាហារ កាត់បន្ថយហានិភ័យជំងឺមហារីក ថែមទាំងបានចូលរួមថែរក្សាបរិស្ថាន និងមិនបំផ្លាញព្រៃឈើទៀតផង។
លោក សាន់ ពុទ្រា ម្ចាស់សិប្បកម្មផលិតធ្យូងអនាម័យ P&H Clean Coal មានទីតាំងនៅស្រុកសន្ទុក ខេត្តកំពង់ធំបានប្រាប់ភ្នាក់ងារ AMS ឱ្យដឹងថា៖
«ធ្យូងអនាម័យត្រូវបានអ្នកជំនាញសិក្សា និងបានបង្កើតឡើងដាក់លក់នៅលើទីផ្សារជាច្រើនឆ្នាំមកហើយ ប៉ុន្តែគ្រានោះហាក់មិនសូវទទួលបានការគាំទ្រពីសំណាក់បងប្អូនប្រជាពលរដ្ឋខ្មែរនៅឡើយនោះទេ ដោយហេតុថាការទទួលបានចំណេះដឹងពីអត្ថប្រយោជន៍ការប្រើប្រាស់ធ្យូងអនាម័យនៅមិនទាន់បានទូលាយ ហើយតម្លៃក៏មានកម្រិតខ្ពស់ជាងធ្យូងធម្មតាដែលបង្កើតឡើងពីការដុតកូនឈើបែបប្រពៃណីនោះដែរ»។

លោកបានបន្តថា ៖
«ខ្ញុំបើកអាជីវកម្មមួយនេះឡើងដោយសារខ្ញុំមើលឃើញពីចក្ខុវិស័យវែងឆ្ងាយទៅមុខ ពិសេសតម្រូវការប្រើប្រាស់ប្រចាំថ្ងៃរបស់ប្រជាជនទូទៅលើការចម្អិតអាហារផ្សេងៗ ដូចជាប្រភេទអាហារចម្អិនដោយការអាំងដែលគេមិនអាចចោលធ្យូងបានទេ។ ម៉្យាងវិញទៀត ដោយសារខ្ញុំចង់ចូលរួមថែរក្សាបរិស្ថាន មិនចង់ឱ្យមានការកាប់បំផ្លាញព្រៃឈើកាន់តែច្រើនដើម្បីយកទៅដុតផលិតជាធ្យូងតាមបែបប្រពៃណីនោះទៀតទេ»។
លោក សាន់ ពុទ្រា បានបញ្ជាក់ប្រាប់ឲ្យដឹងថា សិប្បកម្មផលិតធ្យូងអនាម័យមួយនេះបានចាប់ផ្ដើមដំណើរការដំបូងនៅដើមឆ្នាំ2020 បន្ទាប់ពីលោកបានធ្វើការស្រាវជ្រាវ និងចំណាយដើមទុនប្រមាណ 30,000ដុល្លារទៅលើការទិញម៉ាស៊ីន សម្ភារៈផលិត ធ្វើឡសម្ងួត និងសង់រោងសុវត្ថិភាពសម្រាប់ធ្វើជាទីតាំងផលិត រួមជាមួយនឹងកន្លែងស្តុកផងដែរ។
លោកបន្តទៀតថា៖
«ខ្ញុំបានផ្ដួចផ្ដើមបង្កើតសិប្បកម្មនេះឡើងដោយមានការគាំទ្រពីសំណាក់ក្រុមគ្រួសារ ដោយមានរូបខ្ញុំជាអ្នកចាត់ចែងគ្រប់គ្រងប្រព័ន្ធប្រតិបត្តិការ និងផែនការអាជីវកម្ម។ ដោយឡែក សមាជិកគ្រួសាររបស់ខ្ញុំដទៃទៀតជាអ្នកគ្រប់គ្រងលើដំណើរការផលិតនៅក្នុងសិប្បកម្មផ្ទាល់ ដែលបុគ្គលិកកម្លាំងជំនាញសរុបចំនួន9នាក់»។
ម្ចាស់សិប្បកម្មរូបនេះបានបញ្ជាក់ឲ្យដឹងថា ការផលិតផលធ្យូងអនាម័យនេះមានពីប្រភេទគឺ ប្រភេទធ្យូងលេខ1 និងប្រភេទលេខ2 សម្រាប់ដាក់លក់នៅលើទីផ្សារ ដែលអាចទទួលបានចំណូលប្រចាំខែប្រមាណ5,000ដុល្លារសម្រាប់ដោះស្រាយទៅលើការចំណាយប្រតិបត្តិការផ្សេងៗ ក៏ដូចជាប្រាក់បៀរវត្ស៍បុគ្គលិក។ ចំពោះតម្លៃរាយនៅលើទីផ្សារ គឺ1គីឡូក្រាមគឺចន្លោះពី 1,150-1,700 អាស្រ័យទៅតាមការបញ្ជាទិញតិច ឬច្រើន ហើយក្នុងមួយថ្ងៃគិតជាមធ្យមគេអាចផលិតបាន1តោន សម្រាប់ចែកចាយទៅតាមបណ្ដាលខេត្ត រាជធានីភ្នំពេញ និងនាំចេញទៅបរទេសផងដែរ ដូចជា កូរ៉េ ជប៉ុន និងបារាំងជាដើម។ ដោយឡែកចំពោះគុណភាពវិញ បើធៀបនឹងធ្យូងធម្មតាវាមានគុណភាពល្អជាង ឆេះងំបានយូរ មិនផ្ទុះ គ្មានផ្សែង និងមិនប្រឡាក់ជាប់ដៃនោះឡើយ។
ជាមួយគ្នានេះ លោកក៏បានបង្ហើបប្រាប់ពីផលលំបាកនៅក្នុងកិច្ចដំណើរការអាជីវកម្មផងដែរថា ចំពោះកត្តាប្រឈមដែលលោកបានជួបប្រទះកន្លង គឺការស្វែងរកទីផ្សារ ព្រោះការផ្គត់ផ្គង់ធ្យូងអនាម័យនៅលើទៅផ្សារមានច្រើន ហើយអ្នកគាំទ្រនៅមានកម្រិត។ អ្វីដែលកាន់តែលំបាកខ្លាំងគឺចាប់តាំងពីកើតមានវិបត្តិជំងឺកូវីដ-19ដែលធ្វើឱ្យតម្រូវការប្រើប្រាស់ធ្លាក់ចុះយ៉ាងគំហុករហូតលោកត្រូវបង្ខំចិត្តកាត់បន្ថយការផលិតមកនៅត្រឹម10-15 តោនក្នុង1ខែដែលខុសពីផែនការដែលបានរំពឹងទុកយ៉ាងតិចចំនួន30តោនក្នុង1ខែ។
យ៉ាងណាក៏ដោយ លោកក៏បានបង្ហាញពីចក្ខុវិស័យផងដែរថា នៅថ្ងៃខាងមុខលោកនឹងព្យាយាមពង្រីកអាជីវកម្មមួយនេះឲ្យកាន់ធំដែលអាចមានលទ្ធភាពផលិតបានធ្យូងអនាម័យឲ្យបានកាន់តែច្រើនដែលអាចផ្គង់ផ្គត់តម្រូវប្រើប្រាស់បានទាំងក្នុងស្រុក និងអាចនាំចេញទៅបរទេសបាន ហើយក៏ជាការបង្កើតឱកាសការងារច្រើនកន្លែងសម្រាប់បងប្អូនប្រជាជនខ្មែរផងដែរ៕

ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
បណ្តាញផ្លូវដែកចិនបំបែកកំណត់ត្រាថ្មី ដោយមានអ្នកដំណើរជាង ៤ ពាន់លានដងក្នុងឆ្នាំ ២០២៦
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត, អាជីវកម្មថ្មី និងនវានុវត្ត
• 19/11/2026

CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026

បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026

កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026

ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ទំហំពាណិជ្ជកម្មកម្ពុជា-អូស្ត្រាលី ហក់ឡើងជាង ៣.៥ពាន់លានដុល្លារនៅក្នុងរយៈប៉ុន្មានឆ្នាំចុងក្រោយ
Top News, ព្រឹត្តិការណ៍, សេដ្ឋកិច្ច
• 19/11/2026
ភ្នំពេញ ៖ ពាណិជ្ជកម្មរវាងប្រទេសកម្ពុជា -អូស្ត្រាលី នាពេលបច្ចុប្បន្នបានកើនឡើងប្រមាណ ៣ដង គិតត្រឹមរយៈពេល ៥ ឆ្នាំចុងក្រោយនេះ ដែលកាន់តែបង្កើតឱកាសការងារជាច្រើនសម្រាប់ពលរដ្ឋក្នុងស្រុក ក៏ដូចជាអាជីវកម្មរបស់អូស្ត្រាលីផងដែរ។ យោងតាមរបាយការណ៍របស់ក្រសួងពាណិជ្ជកម្មបានបង្ហាញថា បច្ចុប្បន្ន ទំហំពាណិជ្ជកម្មសរុបរវាងកម្ពុជា និងអូស្ត្រាលី បានកើនឡើងលើសពី ៣ ០០០លានដុល្លារ គិតចាប់ពីឆ្នាំ២០២០ រហូតដល់ដំណាច់ខែតុលា

កាណាឌីយ៉ា អ៊ីមផេក ហ្វាន់ ចាប់ដៃគូជាមួយ Plug and Play APAC ដើម្បីតភ្ជាប់ក្រុមហ៊ុនធុរកិច្ចថ្មី របស់កម្ពុជា ទៅកាន់ឱកាសនានានៅលើឆាកអន្តរជាតិ
ព្រឹត្តិការណ៍, អត្ថបទពាណិជ្ជកម្ម
• 19/11/2026
ភ្នំពេញ ៖ កាណាឌីយ៉ា អ៊ីមផេក ហ្វាន់ (Canadia Impact Fund) បានចុះហត្ថលេខាលើអនុស្សរណៈនៃការយោគយល់គ្នា (MoU) ជាមួយក្រុមហ៊ុន Plug and Play APAC នៅក្នុងព្រឹត្តិការណ៍ហ្រ្វង់កូតិច (FrancoTech) 2026 ដែលបានរៀបចំឡើងនៅមជ្ឈមណ្ឌលតាំងពិព័រណ៍កោះពេជ្រ ក្នុងឱកាសនៃកិច្ចប្រជុំកំពូលហ្វ្រង់កូហ្វូនី

ប្រមុខដឹកនាំអន្តរជាតិកំពូលៗដែលចូលរួមកិច្ចប្រជុំ ហ្វ្រង់កូហ្វូនី លើកទី២០ ឆ្លៀតពេលលម្ហែនៅក្នុងរាជធានីភ្នំពេញយ៉ាងសាមញ្ញ
ព្រឹត្តិការណ៍, អាជីវកម្មថ្មី និងនវានុវត្ត
• 19/11/2026
ក្រៅពីកិច្ចប្រជុំការទូតផ្លូវការ និងកាលវិភាគរដ៏មមាញឹកនៃកិច្ចប្រជុំកំពូលហ្វ្រង់កូហ្វូនីលើកទី២០ ថ្នាក់ដឹកនាំបរទេសជាច្រើនរូបបានទទួលយកបទពិសោធន៍នៃការដើរកម្សាន្តក្នុងរាជធានីភ្នំពេញ ក្រោមទិដ្ឋភាពដ៏សាមញ្ញ។

FBI ទម្លាយថា ក្រុម Hacker គាំទ្រដោយកូរ៉េខាងជើង ប្រើល្បិច call Video ក្លែងក្លាយ លួចលុយគ្រីបតូជាង ៤០០ លានដុល្លារពីជនរងគ្រោះជាង ៩០០ នាក់
ព្រឹត្តិការណ៍, អាជីវកម្មថ្មី និងនវានុវត្ត
• 19/11/2026
បរទេស ៖ ការិយាល័យស៊ើបអង្កេតសហព័ន្ធអាម៉េរិក (FBI) បានរាយការណ៍ថា ក្រុម Hacker ដែលគាំទ្រដោយរដ្ឋាភិបាលកូរ៉េខាងជើង លួចយករូបិយប័ណ្ណគ្រីបតូ ដែលគិតជាទឹកប្រាក់ជាង ៤០០ លានដុល្លារ ពីជនរងគ្រោះជាង ៩០០ នាក់ ក្នុងរយៈពេល ១៨ ខែកន្លងមក នេះបើយោងតាមការចុះផ្សាយរបស់ BBC។

បណ្តាញផ្លូវដែកចិនបំបែកកំណត់ត្រាថ្មី ដោយមានអ្នកដំណើរជាង ៤ ពាន់លានដងក្នុងឆ្នាំ ២០២៦
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត, អាជីវកម្មថ្មី និងនវានុវត្ត
• 19/11/2026
បណ្តាញផ្លូវដែកដ៏ធំរបស់ប្រទេសចិន បានដឹកជញ្ជូនអ្នកដំណើររហូតដល់ ៤,១៣ ពាន់លានដង ក្នុងរយៈពេល ១០ ខែដំបូងនៃឆ្នាំ ២០២៦ ដែលជាកំណត់ត្រាថ្មី និងកើនឡើង ៤,៧ ភាគរយ បើធៀបនឹងរយៈពេលដូចគ្នាកាលពីឆ្នាំមុន





វិថីហិរញ្ញវត្ថុ























































Account
Security
Favourite Content