សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
មានមតិជាច្រើនបានលើកឡើងពីផលលំបាកក្នុងការស្វែងរកទិញទំនិញចាំបាច់សម្រាប់ផ្គត់ផ្គង់ការរស់នៅប្រចាំថ្ងៃ ជាពិសេសម្ហូបអាហារបន្ទាប់ពីមានការបិទផ្សារជាច្រើននៅទូទាំងរាជធានីភ្នំពេញ ដែលកំពុងអនុវត្តវិធនាការបិទខ្ទប់ដើម្បីទប់ស្កាត់ការរីករាលដាលនៃជំងឺកូវីដ-19ក្នុងសហគមន៍ដ៏គួរឱ្យព្រួយបារម្ភនាពេលបច្ចុប្បន្ន។
ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន បានលើកឡើងថា ឃើញក្រសួងពាណិជ្ជកម្មចាត់ចែងបើកស្តង់លក់ទំនិញក្នុងពេលបិទខ្ទប់ នេះជាគំនិតផ្តួចផ្តើមមួយល្អ។ ប៉ុន្តែខ្ញុំគិតលេងៗថា ក្រសួងពាណិជ្ជកម្មអាចលក់បង់រំលស់ជូនអ្នកដែលមិនមានលុយគ្រប់គ្រាន់ ហើយអនុញ្ញាតឱ្យអ្នកលក់ដូរធម្មតាលក់នៅជិតនោះសម្រាប់អ្នកមានលុយគ្រប់គ្រាន់។ ធ្វើយ៉ាងនេះយើងជួយអ្នកមានជីវភាពខ្វះខាតផង អនុញ្ញាតឱ្យប្រជាពលរដ្ឋ(អ្នកចាក់វ៉ាក់សាំងបាន2លើកហើយ)មានប្រភពចំណូលវិញផង ឬបើមិនចង់ស្មុគស្មាញលក់រំលស់ទេ ក្រសួងមិនបាច់លក់ ហើយទុកឱ្យឯកជនទាំងអស់ក៏បាន( ក្រសួងត្រួតពិនិត្យតម្លៃ) ធ្វើបែបនេះ គឺមន្ត្រីរាជការមិនលំបាកនឹងមកលក់ដូរផងដែរ។
លោកបណ្ឌិត ច័ន្ទ សុផល អ្នកជំនាញវិភាគសេដ្ឋកិច្ចឯករាជ្យកម្ពុជាបានមានប្រសាសន៍ថា ៖
“ខ្ញុំគាំទ្រការបិទផ្សារទាំងអស់ដែលមានមនុស្សច្រើន និងគ្រប់គ្រងហានិភ័យចម្លងមេរោគកូរ៉ូណាមិនបាន ក៏ប៉ុន្តែ គួរមានការអនុញ្ញាតឱ្យលក់ទំនិញបរិភោគ លក្ខណៈតូចៗដោយមានវិធានការគ្រប់គ្រងហានិភ័យបាន ដូចជាការលក់តាមផ្ទះ និងតាមរ៉ឺម៉ក។ បើបិទតែមួយ ឬពីរសប្តាហ៍អាចថាមិនបាច់គិតរឿងនេះបាន។ ប៉ុន្តែ បើបិទខ្ទប់ពីមួយខែឡើងទៅត្រូវតែគិតរឿងនេះ។ ភាគច្រើននៃមនុស្សដែលឆ្លងមេរោគ ហើយមិនឈឺធ្ងន់ គឺដោយសារមានសុខភាពល្អមិនមែនដោយសារថ្នាំទេ”
លោកលើកឡើងថា បន្លែនៅចម្ការចុះថោកដោយខ្វះអ្នកទិញ ពីព្រោះផ្សារជាច្រើននៅទូទាំងប្រទេសត្រូវបានបិទ។ រីឯបន្លែនៅទីក្រុងភ្នំពេញឡើងថ្លៃដោយខ្វះអ្នកលក់។ តម្រូវការបន្លែស្រស់នឹងកើនឡើងក្រោយពេលប្រជាពលរដ្ឋបានបរិភោគមីកញ្ចប់ ត្រីខកំប៉ុង ឬអាហារក្រៀមអស់មួយ ឬពីរសប្តាហ៍។ ដូច្នេះ គួរមានការជំរុញឱ្យមានការលក់បន្លែ ត្រី សាច់ ដោយរ៉ឺម៉កចល័តតាមភូមិនៅក្នុងរាជធានីភ្នំពេញ និងទីក្រុងដែលត្រូវបានបិទខ្ទប់។
លោកបណ្ឌិត ច័ន្ទ សុផល បានបញ្ជាក់ថា ៖
“ខ្ញុំយល់ថា អាជ្ញាធរគួររៀបចំបង្កើតផ្សារលក់ដុំជាបណ្តោះអាសន្នថែមទៀត ក្រៅពីនៅទីក្រុងតាខ្មៅ ដើម្បីអាជីវករអាចទៅទិញទំនិញយកមកជិះលក់តាមភូមិ និងដើម្បីជាទីផ្សារសម្រាប់លក់បន្លែរបស់កសិករផង។ ការធ្វើដូច្នេះនឹងជំរុញដល់ផលិតកម្មបន្លែ ត្រី សាច់ នៅក្នុងស្រុក ខណៈដែលមានការបញ្ឈប់នាំមកពីប្រទេសវៀតណាមជាបណ្ដោះអាសន្ន។ ប្រសិនបើយន្តការនេះត្រូវបានអនុវត្តបានល្អវាអាចឈានទៅជាភាពឈ្នះយូរអង្វែងផង ក្នុងការជំនួសឱ្យការនាំចូលបន្លែគីមីមួយចំនួនធំ”
អ្នកស្រី សុវណ្ណា ជាពលរដ្ឋរស់នៅសង្កាត់បឹងត្របែក ខណ្ឌចំការមន រាជាធានីភ្នំពេញ បានមានប្រសាសន៍ថា ចាប់តាំងពីអនុវត្តវិធានការបិទក្រុង ជាពិសេសក្នុងរយៈពេលជិតមួយសប្ដាហ៍ចុងក្រោយនេះ ក្រៅពីបាត់បង់ចំណូលប្រចាំថ្ងៃថែមទាំងមានភាពលំបាកក្នុងការស្វែងរកទំនិញសម្រាប់ម្ហូបអាហារប្រចាំថ្ងៃថែមទៀត ព្រោះទីតាំងដែលធ្លាប់ដាក់លក់នៅក្នុងតំបន់ត្រូវបានបិទអស់។
អ្នកស្រីបានបញ្ជាក់ថា ៖
“ពីមុន ក្រៅពីមានកន្លែងដូរនៅក្នុងភូមិ ថែមទាំងមានអ្នកដឹកបន្លែ ត្រី សាច់ ដែលផ្តោតសំខាន់លើម្ហូបអាហារប្រចាំថ្ងៃចល័តតាមម៉ូតូ ឬរឺម៉ក់ជាដើម មិនពិបាករឿងម្ហូបអាហារនោះទេ ប៉ុន្តែប៉ុន្មានថ្ងៃនេះទោះជាមានលុយក៏ពិបាកទិញដែរ។ ខ្ញុំឮគេថា មានឡានក្រសួងចេញលក់ក្នុងតំបន់ ប៉ុន្តែនៅតំបន់ខ្ញុំរស់នៅនេះគ្មានឡានណាចូលមកដល់ទេ អាចមកពីផ្លូវចូលតូចចង្អៀតឡានចូលមិនដល់ក៏ថាបាន ប៉ុន្តែជាក់ស្ដែងគឺអត់មានឡានចូលតែម្ដង”
នៅក្នុងឱកាសនេះ អ្នកស្រី សុវណ្ណា បានសំណូមពរដល់ថ្នាក់ដឹកនាំមេត្តាជួយសម្រួលដល់ការដឹកជញ្ជូនផ្នែកលក់ទំនិញម្ហូបអាហារចល័តដូចជាម៉ូតូ ឬរឺម៉ក់តូចៗដែលចូលបានគ្រប់ច្រកល្ហកផង ព្រោះបើនៅតែក្នុងផ្ទះ ហើយខ្វះផ្នែកម្ហូបអាហាទៀត អាចនឹងពិបាកខ្លាំងជាក់ជាមិន៕
ផ្ទាំងបដាទម្រង់
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ជប៉ុន ដាក់មហិច្ឆតាដំណើរការឡានហោះពាណិជ្ជកម្មនៅឆ្នាំ២០២៨
ព្រឹត្តិការណ៍, អាជីវកម្មថ្មី និងនវានុវត្ត
• 19/06/2026
SkyDrive ដែលជាក្រុមហ៊ុនធុរកិច្ចបង្កើតថ្មី មានឯកទេសខាងផលិតឡានហោះរបស់ប្រទេសជប៉ុន បានដាក់មហិច្ឆតាបើកដំណើរការឡានហោះពាណិជ្ជកម្មជាផ្លូវការនៅឆ្នាំ២០២៨
ផ្ទាំងបដាទម្រង់
កម្មវិធីពិសេសរបស់ AMS ECONOMY
Account
Security
Favourite Content