សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ខណៈពេលដែលសេដ្ឋកិច្ចនៅតាមបណ្តាប្រទេសជាច្រើននៅលើសាកលលោកកំពុងបន្តជួបឱនភាពដែលបណ្តាលមកពីវិបត្តិសាកលនោះ ងាកទៅកាន់ទីក្រុងឌូបៃ នៃប្រទេសអារ៉ាប់រួមឯណោះវិញ គេសង្កេតឃើញទីផ្សារអចលនទ្រព្យក្នុងតំបន់កំពុងផុសផុលយ៉ាងខ្លាំងដោយសារតែបណ្តាអ្នកមានទ្រព្យសម្បត្តិជាច្រើននាំគ្នាផ្អើលទិញលំនៅឋានបែបវីឡាប្រណីតកម្រិតអភិជន និងមានតម្លៃរាប់សិបលានដុល្លារ។
តាមរយៈទិន្នន័យចុងក្រោយដែលត្រូវបានចេញផ្សាយដោយទីភ្នាក់ងារសារព័ត៌មានចិនកាលពីចុងសប្តាហ៍កន្លងទៅបានបង្ហាញថា ទីផ្សារអចលនទ្រព្យនៅក្នុងទីក្រុងឌូបៃត្រូវបានគេមើលឃើញថា កំពុងមានសន្ទុះងើបឡើងវិញយ៉ាងខ្លាំងធៀបទៅនឹងរយៈពេល 6 ឆ្នាំចុងក្រោយនេះ ដោយក្នុងនោះ ក្រុមអ្នកវិនិយោគអន្តរជាតិដែលសម្បូរធនធានបានចំណាយលុយទិញយ៉ាងមមាញឹក ស្ទើរតែបំបែកកំណត់ត្រាទីផ្សារអចលនទ្រព្យសាជាថ្មី។
ប្រភពដដែលខាងលើនេះបានឲ្យដឹងបន្ថែមទៀតថា លំនៅឋានបែបវីឡាប្រណិតគឺជាចំណែកទីផ្សារដែលមានប្រជាប្រិយភាពបំផុត ជាពិសេសលំនៅឋានដែលមានទីតាំងស្ថិតនៅលើកោះសិប្បនិម្មិតដ៏ល្បីបំផុតរបស់ក្រុងឌូបៃ (Palm Jumeirah) និងលំនៅឋានស្ថិតនៅជាប់នឹងទីលានវាយកូនហ្គោលក្នុងតំបន់នេះ ដែលក្លាយជាគោលដៅសំខាន់របស់អ្នកវិនិយោគមកពីប៉ែកអឺរ៉ុប។
ប្រធានប្រតិបត្តិក្រុមហ៊ុនប្រឹក្សាអចលនទ្រព្យ Property Monitor លោក Zhann Zochinke បាននិយាយថា ទីផ្សារអចលនទ្រព្យដែលស្ថិតនៅក្បែរទីតាំងកំសាន្ត rollercoaster របស់ទីក្រុង បានជួបឱនភាពក្នុងការទិញលក់ចាប់តាំងពីឆ្នាំ2014 មកម៉្លេះ ប៉ុន្តែបន្ទាប់ពីមានការបើកទ្វារក្រុងឡើងវិញ សកម្មភាពនៃការទិញលក់អចលនទ្រព្យបានចាប់ផ្តើមមានសន្ទុះខ្លាំងឡើងវិញជារៀងរាល់ឆ្នាំ។
តាមរយៈការសិក្សាដោយក្រុមហ៊ុនជំនាញអចលនទ្រព្យអន្តរជាតិ Property Monitor បានឲ្យដឹងថា អចលនទ្រព្យបែបប្រណិតនៅក្នុងទីក្រុងឌូបៃ ដែលមានតម្លៃលើសពី 10 លាន (លុយអារ៉ាប់) ឬ ស្មើនឹងប្រមាណ 2.7 លានដុល្លារអាមេរិក គឺមានការលក់ចេញបានយ៉ាងច្រើន ដោយនៅក្នុងនោះវិមានមួយកន្លែងដែលមានទីតាំងស្ថិតនៅ Palm Jumeirah ត្រូវបានគេដឹងថាអាចលក់បានក្នុងតម្លៃដ៏ថ្លៃបំផុតមិនធ្លាប់មានប្រមាណជា 111.25 លាន (លុយ dirhams)ឬស្មើប្រមាណ 30.28 លានដុល្លារអាមេរិក ហើយវិឡាដ៏ទំនើមមួយទៀតស្ថិតនៅក្នុងតំបន់វិឡាបែបអ៊ីតាលី ដែលមានទេសភាពឆ្នេរសមុទ្រ 180 ដឺក្រេនោះគឺអាចលក់បានរហូតដល់ទៅ 100 លាន (លុយ dirhams) ឬស្មើនឹងប្រមាណជា 27.22 លានដុល្លារអាមេរិក។
ជាសរុបរួមសម្រាប់ខែមេសា ឆ្នាំ2021កន្លងទៅនេះ ការលក់អចលនទ្រព្យដែលមានតម្លៃលើសពី 10 លាន (លុយ dirhams) បានកើនឡើងដល់ទៅ 6.7 ភាគរយធៀបទៅនឹងខែមីនា ហើយវីឡាទំនើបនៅលើកោះសិប្បនិម្មិត Palm មានចំនួនដល់ទៅ 81ខ្នងត្រូវបានលក់ចេញ ខណៈដែលក្នុងអំឡុងខែមេសាដូចគ្នាកាលពីឆ្នាំ2020 លក់បានត្រឹមតែ 54 វីឡាប៉ុណ្ណោះ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ជិះកង់ទស្សនាសមរាត្រីក្នុងតំបន់អង្គរ ៖ បទពិសោធន៍ថ្មីនៃការភ្ជាប់បេះដូងជាមួយបេតិកភណ្ឌវប្បធម៌ និងធម្មជាតិ
Top News, ព្រឹត្តិការណ៍, សេដ្ឋកិច្ច
• 21/09/2026
សៀមរាប ៖ ក្រសួងទេសចរណ៍ និងស្ថាប័នពាក់ព័ន្ធបានរៀបចំព្រឹត្តិការណ៍ជិះកង់ទស្សនាសមរាត្រីនៅតំបន់អង្គរ ក្នុងគោលបំណងជំរុញផលិតផលទេសចរណ៍កីឡា តាមរយៈការជិះកង់ឆ្លងកាត់តំបន់ព្រៃ និងតំបន់បេតិកភណ្ឌក្នុងតំបន់អង្គរ ព្រមទាំងជួយជំរុញចលនាទេសចរណ៍ក្នុងស្រុក ជាពិសេសការទាក់ទាញភ្ញៀវទេសចរមកកាន់ខេត្តសៀមរាបក្នុងរដូវកាលបៃតង។ ព្រឹត្តិការណ៍ជិះកង់ទស្សនាសមរាត្រីក្នុងតំបន់អង្គរនៅរដូវកាលបៃតង ក្រោមប្រធានបទ «កីឡាផ្សារភ្ជាប់នឹងទេសចរណ៍» បានទាក់ទាញអ្នកចូលរួមជាភ្ញៀវទេសចរជាតិ និងអន្តរជាតិប្រមាណ ១ ៣០០នាក់ ដោយធ្វើដំណើរតាមផ្លូវប្រមាណ ១២គីឡូម៉ែត្រ ឆ្លងកាត់តំបន់បេតិកភណ្ឌវប្បធម៌ និងធម្មជាតិនៃតំបន់អង្គរ។
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content