អ្នកជំនាញហិរញ្ញវត្ថុ ៖ មូលហេតុធំៗចំនួន ៤ អាចឱ្យមនុស្សជាច្រើនបាត់បង់ទ្រព្យសម្បត្តិ

ភ្នំពេញ ៖ ជារឿយៗ គេសង្កេតឃើញមានមនុស្សមួយចំនួនតែងជួបប្រទះនៅបញ្ហាផ្នែកហិរញ្ញវត្ថុ ដោយសារមិនចេះគ្រប់គ្រងប្រព័ន្ធហិរញ្ញវត្ថុផ្ទាល់ខ្លួនឱ្យបានត្រឹមត្រូវ ដែលជាហេតុបណ្តាលឱ្យបាត់បង់ទ្រព្យសម្បត្តិ និងអាចធ្លាក់ខ្លួនក្រ។ ដូច្នេះ ដើម្បីជៀសវាងបញ្ហាទាំងនេះ អ្នកជំនាញសេដ្ឋកិច្ច និងហិរញ្ញវត្ថុ បានលើកឡើងពីមូលហេតុធំៗចំនួន ៤ ដែលជាឬសគល់នៃបញ្ហាដែលគួរស្វែងយល់ឱ្យបានច្បាស់។

លោក ង៉ែត ជូ អ្នកជំនាញសេដ្ឋកិច្ច និងហិរញ្ញវត្ថុមួយរូប បានលើកឡើងថា តាមបទពិសោធន៍របស់លោក ក៏ដូចជាការសង្កេតមើលទូទៅបានបង្ហាញថា មនុស្សជាច្រើនដែលជួបបញ្ហាបាត់បង់ទ្រព្យសម្បត្តិ និងអាចធ្លាក់ខ្លួនក្រ គឺកើតឡើងដោយសារមូលហេតុធំៗចំនួន ៤ រួមមាន ៖

១) ចំណាយហួសលទ្ធភាព៖ ការចំណាយទាក់ទងនឹងរបៀបនៃការរស់នៅ ការដើរកំសាន្ត ការចំណាយលើរបស់របរប្រើប្រាស់ និងផ្ទះសម្បែង។ល។ ជារើយៗមានមនុស្សជាច្រើននិយមរថយន្តទំនើប និងផ្ទះធំទ្រនំខ្ពស់ហួសពីលទ្ធភាពដែលខ្លួនមាន។ គួរចងចាំថា គ្រឿងអលង្កា រថយន្ត និងផ្ទះដែលមានតម្លៃថ្លៃមិនបានជួយរកចំណូល ឬមានការកើនតម្លៃនោះទេ។ ផ្ទុយទៅវិញវាគឺជាការចំណាយដែលជាបន្ទុកដ៏ធ្ងន់ធ្ងរ។ ដើម្បីប្រើប្រាស់គ្រឿងអលង្កា រថយន្ត និងផ្ទះឱ្យស្របនឹងលទ្ធភាពទ្រព្យទាំងនេះ គឺមិនគួរមានតម្លៃលើសពី ៣៣% នៃទ្រព្យសម្បត្តិសរុបដែលអ្នកមាននោះទេ។ ឧទាហរណ៍ ប្រសិនបើអ្នកមានទ្រព្យសម្បត្តិសុទ្ធ (ក្រោយទូទាត់បំណុលរួច) សរុប ៣០ ម៉ឺនដុល្លា តម្លៃសរុបនៃគ្រឿងអលង្កា រថយន្ត និងផ្ទះរបស់អ្នកគួរមានតម្លៃយ៉ាងច្រើនបំផុតត្រឹម ១០ ម៉ឺនដុល្លា។ ភាគរយនៃទ្រព្យសម្បត្តិដែលមិនចំរើនទាំងនេះធៀបនឹងទ្រព្យសម្បត្តិសុទ្ធសរុបកាន់តែទាបកាន់តែប្រសើរ ព្រោះការគ្រប់គ្រងទ្រព្យសម្បត្តិ និងចំណាយកាន់តែមានប្រសិទ្ធភាពខ្ពស់។

២) ការប្រើបំណុលមិនបានត្រឹមត្រូវ ៖ ឬសគល់នៃការប្រើប្រាស់បំណុលមិនបានត្រឹមត្រូវគឺការប្រើប្រាស់បំណុលមិន​សំដៅ​បង្កើន​ផលចំណេញ បំណុលមានការប្រាក់ខ្ពស់ និងទំហំបំណុលធំហួសលទ្ធភាពសងត្រឡប់។ បំណុលដែលមានការប្រាក់ខ្ពស់ភាគច្រើនគឺជាបំណុលពីឈ្មួញចងការឯកជន និងតុងទីន ដែលជាធម្មតាមានការប្រាក់ប្រចាំខែចាប់ពី ៣% រហូតដល់ ២០% ក៏មាន។ ប្រសិនបើអ្នកមិនសូវមានចំណេះដឹងហិរញ្ញវត្ថុ អ្នកគួរប្រើប្រាស់តែកម្ចីពីធនាកគារ ឬគ្រឹះស្ថានមីក្រូហិរញ្ញវត្ថុដែលជាស្ថាប័នផ្លូវការបានហើយ ហើយប្រើប្រាស់ឱ្យត្រូវគោលដៅក្នុងការបង្កើនចំណូល។

៣) ការវិនិយោគដែលមានហានិភ័យខ្ពស់ ៖ រាប់ទាំងការលេងតុងទីន និងការវិនិយោគទាំងឡាយណាដែលសន្យាថានឹងឱ្យប្រាក់​ចំណេញ​ខ្ពស់ ដូចជាការឱ្យចំណេញស្មើ១០០%នៃទុនវិនិយោគក្នុងរយៈពេល៣ឆ្នាំ។ ជាទូទៅមិនមានការវិនិយោគឯណាដែលអាចធានាថានឹងបានផលចំណេញរហូតដល់ទៅ៣៣%ក្នុងមួយឆ្នាំរហូតដល់ទៅ៣ឆ្នាំជាប់គ្នានោះទេ។ នេះគ្រាន់តែជាការខ្ចីចងការប្រាក់ក្នុងរូបភាពនៃការវិនិយោគដោយអោយការប្រាក់ខ្ពស់ និងគ្មានទ្រព្យធានាតែប៉ុណ្ណោះ។៤) ការមិនយល់ពីរបត់សេដ្ឋកិច្ច និងទីផ្សារ ៖ ការមិនយល់ពីរបត់សេដ្ឋកិច្ច និងទីផ្សារធ្វើអោយមនុស្សមិនបានត្រៀមខ្លួន និងសម្រេច​ចិត្តបាន​ត្រឹម​ត្រូវទាន់ពេលវេលាដែលអាចបញ្ជៀសបាននូវហានិភ័យនានា។ ឧទាហរណ៍ កាលពី៥-១០ឆ្នាំមុន មានមនុស្សជាច្រើនអាចរកប្រាក់ចំណេញ​បានច្រើនដោយគ្រាន់តែទិញផ្ទះទុកលក់យកចំណេញ។ ប៉ុន្តែប៉ុន្មានឆ្នាំចុងក្រោយនេះការផ្គត់ផ្គង់ផ្ទះមានច្រើនហួសពីតំរូវការទីផ្សារធ្វើអោយអ្នកដែលទិញផ្ទះទុកលក់យកចំណេញខ្លះត្រូវប្រឈមនឹងការរឹបអូសពីម្ចាស់បំណុល៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

រម្លឹកឡើងវិញពីអត្ថប្រយោជន៍ដែលទទួលបានក្រោយក្លាយខ្លួនជាគំរូអាជីវកម្មបរិយាបន្ន

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

អាជីវកម្មបរិយាប័ន្ន គឺជាអាជីវកម្មឈរលើគោលការណ៍ធុរកិច្ច ដែលបង្កើតដំណោះស្រាយជាប្រព័ន្ធ មានភាពច្នៃប្រឌិត និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈម ពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប

ក្រសួងពាណិជ្ជកម្មកម្ពុជា និងអង្គភាពកម្មសិទ្ធិបញ្ញាកូរ៉េ ពង្រឹងកិច្ចសហប្រតិបត្តិការកម្មសិទ្ធិបញ្ញារួមគ្នា

ព្រឹត្តិការណ៍, សេដ្ឋកិច្ច

• 17/05/2024

ក្រសួងពាណិជ្ជកម្មនៃព្រះរាជាណាចក្រកម្ពុជា និង អង្គភាពកម្មសិទ្ធិបញ្ញា នៃសាធារណរដ្ឋកូរ៉េ បានឯកភាពគ្នាសហការលើវិស័យកម្មសិទ្ធិបញ្ញា ។

KOTO ភោជនីយដ្ឋានដ៏ល្បីមួយនៅវៀតណាមមានជំនាញខាងបណ្តុះបណ្តាលសិស្ស-និស្សិតក្រីក្រ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

KOTO បានក្លាយទៅជាអាជីវកម្មដែលមានម៉ូដេលលើសពីម្ហូបអាហារ ហើយវាថែមទាំងមានបង្កើតជាកម្មវិធីផ្តល់អាហារូបករណ៍ និងបទពិសោធជាក់ស្តែងដល់និស្សិតក្រីក្រទៀតផង

ក្រុមហ៊ុនសំណង់​កូរ៉េ​ដ៏ធំមួយចាប់ដៃជាមួយក្រុមហ៊ុនអភិវឌ្ឍន៍អចលនទ្រព្យនៅ​កម្ពុជា​ ស្វែងរក​​​​​​​​​​​​​​​​ឱកាស​វិនិយោគ​នៅកម្ពុជា

ព្រឹត្តិការណ៍, អចលនទ្រព្យ

• 17/05/2024

ក្រុមហ៊ុនអភិវឌ្ឍន៍​អចលនទ្រព្យ​នៅក្នុង​ប្រទេស​កម្ពុជាដ៏ធំមួយ បានចាប់ដៃ​ជាមួយកក្រុមហ៊ុន​សំណង់​និងវិស្វកម្ម​របស់កូរ៉េ​ ដើម្បីស្វែងរក​ការ​វិនិយោគ​​បន្ថែមនៅ​កម្ពុជា​

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

កំពង់ផែអន្តរជាតិកំពត តម្លៃ១៤០លានដុល្លារមានសមត្ថភាពខ្ពស់លើកដាក់ទំនិញចេញ-ចូលប្រមាណ ២០ម៉ឺន TEU

ព្រឹត្តិការណ៍, អចលនទ្រព្យ

• 17/05/2024

កំពង់ផែអន្តរជាតិកំពត ដែលសាងសង់ក្នុងទំហំទឹកប្រាក់១៤០លានដុល្លារអាម៉េរិកមានសមត្ថភាពខ្ពស់ក្នុងការលើកដាក់ទំនិញចេញ-ចូល ប្រមាណ ២០ម៉ឺន TEU ។

ក្រុមហ៊ុនចម្រាញ់ប្រេងអាស៊ីកំពុងចាប់អារម្មណ៍ប្រេងឆៅពីសហរដ្ឋអាម៉េរិក និងប្រេស៊ីល

ព្រឹត្តិការណ៍, សេដ្ឋកិច្ច

• 17/05/2024

តម្លៃប្រេងឆៅម៉ាក Brent ឡើងថ្លៃ ០,៦ ភាគរយ ឬ ៨៣,២៧ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៧៩,២៣ ដុល្លារក្នុងមួយបារ៉ែល

វេទិកាធុរកិច្ច កម្ពុជា-សាធារណរដ្ឋកូរ៉េ បញ្ជាក់ថាកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា

ព្រឹត្តិការណ៍, សេដ្ឋកិច្ច

• 17/05/2024

សាធារណរដ្ឋកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា ដែលមានទំហំពាណិជ្ជកម្មទ្វេភាគីសរុបប្រមាណ ៧៥១លានដុល្លារ

កិច្ចសហប្រតិបត្តិការទូទាត់ឆ្លងដែនតាមឃ្យូអរកូត កម្ពុជា-កូរ៉េ នឹងបម្រើប្រយោជន៍ដល់ប្រជាពលរដ្ឋ និងធុរជនរវាងប្រទេសទាំងពីរ

ព្រឹត្តិការណ៍, ហិរញ្ញវត្ថុ

• 17/05/2024

កម្ពុជា និងសាធារណរដ្ឋកូរ៉េ បានចុះហត្ថលេខាលើអនុស្សរណៈយោគយល់ទ្វេភាគីលើ កិច្ចសហប្រតិបត្តិការទូទាត់ឆ្លងដែនតាមឃ្យូអរកូត ដែលនឹងជួយសម្រួលដល់សកម្មភាពពាណិជ្ជកម្ម វិស័យទេសចរណ៍ លើកកម្ពស់ប្រតិបត្តិការទូទាត់ឆ្លងដែន ការផ្ទេរប្រាក់ និងការទូទាត់ប្រាក់ដោយប្រើរូបិយវត្ថុជាតិ និងជាប្រយោជន៍សម្រាប់ប្រជាពលរដ្ឋ និងធុរជនរបស់ប្រទេសទាំងពីរ។

ឧបនាយករដ្ឋមន្ត្រី ស៊ុន ចាន់ថុល ជួបក្រុមហ៊ុន ៩ នៅកូរ៉េ ដើម្បីទាក់ទាញការវិនិយោគ

ព្រឹត្តិការណ៍, សេដ្ឋកិច្ច

• 17/05/2024

ឯកឧត្តម ស៊ុន ចាន់ថុល បានជម្រាបជូនអំពីសក្ដានុពលនានារបស់កម្ពុជា ការចំហនៃច្បាប់វិនិយោគរបស់កម្ពុជា ដែលអនុញ្ញាតឱ្យវិនិយោគិនបរទេសមានសិទ្ធិជាម្ចាស់