សហគមន៍សំបូរមានជ័យ បានត្រៀមរួចជាស្រេចក្នុងការក្លាយខ្លួនជាសហគមន៍កសិកម្មទំនើប

ភ្នំពេញ ៖ មន្ត្រីជាន់ខ្ពស់ក្រសួងកសិកម្ម រុក្ខាប្រមាញ់ និងនេសាទ កាលពីថ្មីៗនេះបានលើកទឹកចិត្តដល់ប្រជាសហគមន៍ក្នុងខេត្តកំពង់ចាម និងខេត្តកំពង់ធំ ឱ្យធ្វើកសិកម្មបែបទំនើប ស្របតាមបច្ចេកទេស ដើម្បីអាចប្រកួតប្រជែងលើទីផ្សារ និងទទួលបានតម្លៃខ្ពស់ ព្រមទាំងបានជំរុញឱ្យប្រជាសហគមន៍ ក៏ដូចជាប្រជាកសិករផ្សេងៗទៀត ស្ម័គ្រចិត្តរួមគ្នាចូលរួមក្នុងកម្មវិធីគោលនយោ​បាយកសិកម្មបែបទំនើបនេះដើម្បីទទួលយកផលវិជ្ជមានទាំងអស់គ្នា។

ឯកឧត្តម ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានមានប្រសាសន៍ប្រាប់ប្រជាសហគមន៍សំបូរមានជ័យក្នុងខេត្តកំពង់ចាម និងខេត្តកំពង់ធំថា ៖ ការធ្វើកសិកម្មបែបទំនើបស្របតាមបច្ចេក​ទេស មានសារៈសំខាន់ខ្លាំងណាស់ ដែលតម្រូវឱ្យប្រជាកសិករចូលរួមផលិតរួមគ្នា គ្រប់គ្រងរួមគ្នា ដើម្បីងាយស្រួលផ្គត់ផ្គង់លើទីផ្សារ និងផ្តល់ផលចំណេញបានច្រើនជាងការធ្វើកសិកម្មតាមបែបប្រពៃណី។

ឯកឧត្តមបានបញ្ជាក់ថា ៖

«បើប្រជាសហគមន៍ដែលធ្វើកសិកម្មបែបទំនើប ហើយត្រូវការដើមទុនធ្វើអាជីវកម្ម ក្រសួងមានគម្រោងហិរញ្ញវត្ថុ ដែលផ្តល់ការគាំទ្រចាប់ពីការកសាងផែនការអាជីវកម្ម ការផ្តល់ប្រាក់កម្ចី ផ្តល់ជាអំណោយមូលធុន ប្រសិនបើគម្រោងវិនិយោគដែលបានដាក់ស្នើត្រូវបានជាប់នឹងទទួលបានអំណោយចំនួន៤០ភាគរយនៃដើមទុនវិនិយោគសរុប និងជួយគាំទ្រស្វែងរកទីផ្សារជាដើម»។

ចំពោះដើមទុនវិនិយោគនេះ ឯកឧត្តមបានបញ្ជាក់ថា ក្រសួងកសិកម្ម រុក្ខាប្រមាញ់ និងនេសាទ បានចុះអនុស្សរណៈយោគយល់គ្នាមួយជាមួយធនាគារវីង ដោយធនាគារវីងបានតម្កល់លុយ៥លានដុល្លារទុកនៅក្រសួងកសិកម្ម សម្រាប់ផ្តល់កម្ចីជូនប្រជាសហគមន៍ និងកសិករ ក្នុងអត្រាការប្រាក់ទាប ចន្លោះពី ៧ ទៅ៨ភាគរយ ក្នុងមួយឆ្នាំ ហើយកម្ចីនេះ មិនតម្រូវឱ្យដាក់វត្ថុបញ្ចាំអ្វីនោះទេ។

ឯកឧត្តម ឃឹម ហ្វីណង់ បានបញ្ជាក់បន្ថែមថា ចូលរួមក្នុងសហគមន៍កសិកម្មទំនើប នឹងជួយឱ្យប្រជាកសិករទទួលបានផលចំណេញច្រើន តាមរយៈការរៀបចំផែនការផលិតច្បាស់លាស់ ហើយផ្សារភ្ជាប់ទៅកាន់ទីផ្សារដោយត្រង់ មិនត្រឹមតែប៉ុណ្ណោះ សហគមន៍កសិកម្មទំនើបនឹងទទួលបានការគាំទ្រផ្នែកហេដ្ឋារចនាសម្ព័ន្ធផ្សេងៗ ដូចជា ផ្ទះសំណាញ់ ប្រព័ន្ធស្រោចស្រពត្រឹមត្រូវតាមបច្ចេកទេស ដើម្បីធ្វើយ៉ាងណាកាត់បន្ថយការចំណាយឱ្យបានជាអតិបរិមា។

ជាក់ស្ដែង ​ផ្អែក​តាម​ការរៀបចំ​ផែនការផលិតច្បាស់លាស់ ហើយផ្សារភ្ជាប់ទៅកាន់ទីផ្សារដោយត្រង់ លោក ឆេង ថុង ប្រធាន​ក្រុមប្រឹក្សាសហគមន៍សំបូរមានជ័យ ​ស្ថិតក្នុង​ភូមិ​​សូភាស ឃុំ​សូភាស ស្រុកក្រូចឆ្មា ខេត្តកំពង់ចាម ​ដែលបានចូលជាសហគមន៍កសិកម្មទំនើបបានឱ្យដឹងថា ​បច្ចុប្បន្ន​ក្នុង​សហគមន៍​របស់​លោកមា​ន​ផ្ទះ​សំណាញ់ ៤ទៅ ៥ខ្នងប៉ុណ្ណោះ ​ហើយសហគមន៍របស់លោកនឹងទទួលបានការគាំទ្រផ្នែកហេដ្ឋារចនាសម្ព័ន្ធផ្សេងៗបន្ថែមទៀតពីក្រសួងកសិកម្ម ដើម្បីចូលរួមក្នុងសហគមន៍កសិកម្មទំនើប និងជួយឱ្យប្រជាកសិករទទួលបានផលចំណេញច្រើន។

តាមផែនការនៃការផលិតកសិផលមានគុណភាពស្របតាមស្តងដា សហគមន៍លោកត្រូវការផ្ទះសំណាញ់រហូតដល់​ទៅ​ប្រមាណជាង​៤០០​ខ្នង ​សម្រាប់ដំណាំបន្លែ ប៉ុន្តែ​ការផ្តល់ជំនួយពីក្រសួងត្រូវបានធ្វើឡើងជាដំណាក់កាល (ជាគម្រោងបដិភាគ) ដោយក្នុងមួយដំណាក់កាលសហគមន៍ទទួលបានផ្ទះសំណាញ់ចំនួន៥០ខ្នងសិន ដោយបានចាប់ផ្តើមដំណើរការសាសសង់ជាបណ្តើរៗហើយ។

លោកលោក ឆេង ថុង ក៏បានបញ្ជាក់​ឱ្យដឹង​ដែរថា​ ​កាលពីដំបូងឡើយ រាល់​ការដាំដុះ​របស់ប្រជាសហគមន៍គឺ​ធ្វើឡើងដោយ​ពឹង​ផ្អែកលើ​កត្តា​ធម្មជាតិ​ទាំងស្រុង ​ពោលគឺ​ដាំ​បាន​តែមួយ​រដូវ​កាល​ប៉ុណ្ណោះ​ក្នុង​មួយឆ្នាំ​ ហើយ​ផលដំណាំ​ដែល​ទទួលបាន​ក៏​មិន​សមប្រកប​តាម​ការខិតខំ​ប្រឹងប្រែង​នោះទេ។ ដោយ​មើលឃើញ​ពី​ផលវិបាក​ទាំងនេះ គាប់ជួនមានការណែនាំពីអ្នកជំនាញ ជាពិសេសក្រសួងកសិកម្មឱ្យចូលរួមអនុវត្តតាមបែបសហគមន៍កសិកម្មទំនើបមួយរយៈក្រោយមកក៏ទទួលបានលទ្ធផលល្អមិននឹកស្មានដល់ ខណៈដែលតម្រូវការទីផ្សារបន្លែសុវត្ថិភាពក៏មានភាពទូលាយ។

ត្រង់ចំណុច​នេះ​ លោក ឆេង ថុង​ ក៏បាន​បញ្ជាក់​ច្បាស់​ថា ​មិនថាតែ​សមាជិក​សហគមន៍​ប៉ុណ្ណោះ​ទេ សូម្បីតែរូបលោក​ផ្ទាល់ដែលធ្លាប់តែបង្កបង្កើនផលដោយការដាំដុះតាមបែបប្រពៃណីអាស្រ័យផលតាមធម្មជាតិនោះ បានត្រៀមខ្លួនរួចជាស្រេចក្នុងការអនុវត្ត​កសិកម្ម​តាមបែប​​ទំនើប ពោលគឺប្រើ​ផ្ទះសំណាញ់​ដែលមាន​សារៈសំខាន់​ចំពោះការដាំដុះបានគ្រប់រដូវកាល និងមានភាពធន់ទៅនឹងអាកាសធាតុ ជាពិសេស បញ្ចៀសបញ្ហាជាមួយសត្វល្អិតចង្រៃ កាត់បន្ថយការប្រើប្រាស់ទឹក កាត់បន្ថយ​ការប្រើ​ជី ឬ​ថ្នាំ និងអាចទទួលបានផលច្រើន​៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល