សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សមាគមប្រជាជាតិអាស៊ីអាគ្នេយ៍អាស៊ាន(ASEAN) និងមហាយក្សឧស្សាហកម្មជប៉ុន អាចនឹងសហការគ្នាក្នុងវិស័យផលិត និងលក់រថយន្តអគ្គិសនីដើម្បីចូលរួមចំណែកជាយុទ្ធសាស្ត្រក្នុងការទប់ទល់ទៅនឹងការហូរចូល និងហក់ឡើងខ្លាំងពេកនៃតម្លៃរថយន្តអគ្គិសនីដែលផលិតនៅប្រទេសចិន។
អត្ថបទដែលត្រូវបានចេញផ្សាយដោយកាសែតជប៉ុន Nikkei កាលពីដើមសប្តាហ៍បានសរសេរថា កិច្ចសហការមួយនេះនឹងក្លាយទៅជាយុទ្ធសាស្ត្រជាដំបូងរបស់ជប៉ុន និងអាស៊ានក្នុងការជំរុញឧស្សាហកម្មផលិត និងលក់រថយន្តអគ្គិសនីនៅពីក្នុងតំបន់អាស៊ី ពោលគឺធ្វើយ់ាងណាអាចប្រកួតប្រជែងទៅនឹងទីផ្សារផលិត និងលក់រថយន្តអគ្គិសនីរបស់មហាយក្សចិន។
តាមផែនការ យុទ្ធសាស្ត្រដំណាក់កាលដំបូងនេះអាចនឹងដំណើរការរហូតទៅដល់ឆ្នាំ២០៣៥ ហើយវានឹងអាចចាប់ផ្តើមយ៉ាងយូរបំផុតនៅក្រោយកិច្ចប្រជុំថ្នាក់រដ្ឋមន្ត្រីសេដ្ឋកិច្ចរបស់អាស៊ានបូកជប៉ុននៅក្នុងខែកញ្ញាខាងមុខនាប្រទេសឡាវ។
ប្រភពដដែលបានឲ្យដឹងដែរថា កន្លងមក ជប៉ុន បានខិតខំព្រឹងប្រែងយ៉ាងខ្លាំង ជាមួយនឹងការបញ្ចេញថវិកាជំនួយប្រមាណជា១៤០ពាន់លានយេន ឬត្រូវជា ៨៩៩លានដុល្លារ ដើម្បីផ្តល់ទៅឲ្យបណ្តាប្រទេសនៅអាស៊ីខាងត្បូងមួយចំនួនរួចទៅហើយក្នុងការរៀបចំកម្មវិធីសិក្សា និងបណ្តុះបណ្តាលជំនាញនេះ។
ក្រៅតែពីការប្រឹងប្រែងរបស់រដ្ឋាភិបាលនៃទីក្រុងតូក្យូហើយនោះ ក្រុមហ៊ុនក្នុងស្រុករបស់ជប៉ុនក៏បានបង្ហាញនូវការគាំទ្រយ៉ាងខ្លាំងចំពោះយុទ្ធសាស្ត្រនេះផងដែរដោយក្នងនោះកាលពីសប្តាហ៍មុនក្រុមហ៊ុនផលិតរថយន្តយក្សរបស់ជប៉ុន Honda បានប្រកាសថានឹងធ្វើការវិនិយោគក្នុងទំហំដល់ទៅ២ដងទៅលើការអភិវឌ្ឍកម្មវិធី និងបច្ចេកវិទ្យាអេឡិចត្រូនិកសម្រាប់រថយន្តអគ្គិសនី ដោយគិតជាទឹកប្រាក់សរុបដល់ទៅ ៦៥ពាន់លានដុល្លារសម្រាប់អនុវត្តទៅដល់ឆ្នាំ២០៣០ ដែលអ្នកវិភាគមើលឃើញថា ក្រុមហ៊ុន Honda កំពុងប្រជែងទីផ្សារនេះយ៉ាងខ្លាំងជាមួយនឹងក្រុមហ៊ុនផលិតរថយន្តអគ្គិសនីរបស់ចិនជាច្រើន បូករួមទាំង BYD ផងដែរ៕
Account
Security
Favourite Content