សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ទំហំពាណិជ្ជកម្មអន្តរជាតិសរុបរបស់កម្ពុជា បានឈានដល់ ៣០ពាន់លានដុល្លារ ក្នុងរយៈពេល ៥ខែដំបូងនៃឆ្នាំ២០២៦ កើនឡើងជិត ១៩ភាគរយ បើប្រៀបធៀបទៅនឹងរយៈពេលដូចគ្នាកាលពីឆ្នាំមុន។ ក្នុងនោះ កម្ពុជា បាននាំចេញទំនិញមានតម្លៃ ១៤ពាន់លានដុល្លារ កើនឡើង ១៩ភាគរយ ខណៈដែលកម្ពុជាបាននាំចូលទំនិញមកវិញ ជាមួយទំហំទឹកប្រាក់ប្រមាណ ១៦ពាន់លានដុល្លារ បានកើនឡើងជិត ១៩ភាគរយដូចគ្នាបើធៀបនឹងឆ្នាំមុន។ នេះបើយោងតាមទិន្នន័យរបស់អគ្គនាយកដ្ឋានគយ និងរដ្ឋាករកម្ពុជា។
ប្រទេសចិន គឺជាដៃគូពាណិជ្ជកម្មដ៏ធំបំផុតរបស់កម្ពុជា ជាមួយទំហំទឹកប្រាក់ជាង ៩ពាន់លានដុល្លារ។ ក្នុងនោះ កម្ពុជា បាននាំចូលទំនិញពីចិន ក្នុងទំហំទឹកប្រាក់ជាង ៨ពាន់លានដុល្លារ។ ចំណែកការនាំចេញទំនិញពីកម្ពុជាទៅចិនវិញមានទំហំទឹកប្រាក់ត្រឹមជាង ៧៥៣លានដុល្លារប៉ុណ្នោះ។
សហរដ្ឋអាម៉េរិក គឺជាគោលដៅនាំចេញធំជាងគេរបស់កម្ពុជា និងជាដៃគូពាណិជ្ជកម្មធំទី២ របស់កម្ពុជា។ ទំហំពាណិជ្ជកម្មកម្ពុជា-អាម៉េរិក នៅរយៈពេល ៥ខែ ឆ្នាំ២០២៦នេះ មានទំហំទឹកប្រាក់ជិត ៦ពាន់លានដុល្លារ។ ក្នុងនោះ កម្ពុជា បាននាំចេញទំនិញទៅកាន់សហរដ្ឋអាម៉េរិក ជាមួយទំហំទឹកប្រាក់ជាង ៥,៧ពាន់លានដុល្លារ។ ទំនិញដែលកម្ពុជា នាំចេញទៅសហរដ្ឋអាម៉េរិក មានដូចជា សម្លៀកបំពាក់ ស្បែកជើង សម្ភារៈធ្វើដំណើរ កង់ គ្រឿងសង្ហារឹម និងផលិតផលផ្សេងទៀត។ ចំណែក អាម៉េរិក បាននាំចូលទំនិញពីកម្ពុជាវិញ ត្រឹមតែជាង ២៣០លានដុល្លារប៉ុណ្ណោះ។
ចំណែក វៀតណាម គឺជាដៃគូពាណិជ្ជកម្មធំទី៣ ដែលមានទំហំទឹកប្រាក់ជាង ៤ពាន់លានដុល្លារ។ ក្នុងនោះ កម្ពុជា បាននាំចូលទំនិញពីវៀតណាម ក្នុងទំហំទឹកប្រាក់ជាង ១,៧ពាន់លានដុល្លារ។ ចំណែក ការនាំចេញទំនិញពីកម្ពុជាទៅវៀតណាមវិញ មានទំហំទឹកប្រាក់ត្រឹមជាង ២,៣ពាន់លានដុល្លារ៕ ដោយ ៖ ខន ណារី AMS
Account
Security
Favourite Content