សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
(កែប)៖ នៅលើទឹកដីសន្ដិភាពនៃកម្ពុជា មានតំបន់ឆ្នេរសមុទ្រស្អាតៗជាច្រើន ដែលអាចទាក់ទាញទេសចរណ៍ជាតិ និងអន្តរជាតិគួរជាទីមោទន។ ចំណុចសក្តានុពលទាំងអស់នេះហើយធ្វើឱ្យមានការចាប់អារម្មណ៍ និងយកចិត្តទុកដាក់ពីសំណាក់ប្រមុខរាជរដ្ឋាភិបាលក្នុងការថែទាំ និងអភិវឌ្ឍន៍ឱ្យកាន់តែប្រសើរ ពោរពេញដោយសោភ័ណភាព ដោយមានគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា ប្រើប្រាស់តួនាទីរបស់ខ្លួន ដើម្បីប្រែក្លាយតំបន់ឆ្នេរសមុទ្រកម្ពុជា ឱ្យក្លាយទៅជារបៀងសេដ្ឋកិច្ចមួយដ៏រឹងមាំ។ រឹងមាំក៏ព្រោះ លក្ខណៈអំណោយផលពីទីតាំងភូមិសាស្ត្រ ពីធម្មជាតិ និងជាចំណុចទាក់ទាញ់ដ៏មានប្រជាប្រិយភាព។
ឯកឧត្ដមឧបនាយករដ្ឋមន្រ្តី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជាបានបញ្ជាក់ថា កិច្ចការគ្រប់គ្រង និងអភិវឌ្ឍន៍តំបន់ឆ្នេរសមុទ្រ សំខាន់គឺឆ្នេរស្អាត ហើយត្រូវយកចិត្តទុកដាក់លើការបង្កើតចរន្តសេដ្ឋកិច្ច និងលើកកម្ពស់ជីវភាពរស់នៅរបស់ប្រជាពលរដ្ឋឱ្យប្រសើរឡើង ដោយបំផុសគំនិតឲ្យមានការឯកភាពគ្នា ផ្ដល់មតិយោបល់ដើម្បីកែលម្អរ។ ឆ្នេរសមុទ្រកម្ពុជា គួរក្លាយជារបៀងសេដ្ឋកិច្ច ដែលទ្រទ្រង់ជីវភាពពលរដ្ឋតគ្រប់ជំនាន់ ដោយបង្កើតការងារធ្វើ ព្រោះពេលវេលានេះ សមស្របសម្រាប់រៀបចំសមុទ្រឱ្យមានដំណើរការល្អប្រសើរ។
ជាយុទ្ធសាស្ត្រ ក្នុងនាមតំណាងដ៏ខ្ពស់ខ្ពស់សម្តេចមហាបវរធិបតី ហ៊ុន ម៉ាណែត ឯកឧត្តម បានស្នើឱ្យមានការគ្រប់គ្រង និងអភិវឌ្ឍន៍តំបន់ឆ្នេរ គឺត្រូវខិតខំថែរក្សាសន្តិភាព និងស្ថិរភាពនយោបាយ ដែលជាកត្តាគន្លឹះមិនអាចខ្វះបាន អាជ្ញាធរមូលដ្ឋានស្រុក ឃុំ និងមន្ទីរជំនាញ ត្រូវរៀបចំកសាងហេដ្ឋារចនាសម្ព័ន្ធ ផ្លូវថ្នល់ ស្ពាន ដោយដាំដើមឈើលំអ រៀបចំប្លង់គោលនៃការប្រើប្រាស់ដី និងរៀបចំកសាងប្រព័ន្ធចែកចាយទឹកស្អាត ព្រមទាំងបណ្តាញអគ្គិសនីឱ្យបានគ្រប់គ្រាន់ក្នុងបណ្ដាខេត្តជាប់តំបន់ឆ្នេរសមុទ្រ។
ក្នុងសិក្ខាសាលាវិបស្សនា (Retreat Seminar) សេចក្តីព្រាងផែនការយុទ្ធសាស្ត្រគ្រប់គ្រង និងអភិវឌ្ឍន៍តំបន់ឆ្នេរសមុទ្រកម្ពុជា ដែលបានធ្វើឡើងនៅខេត្តកែប នាថ្ងៃទី ១៨ ខែវិច្ឆិកាឆ្នាំ ២០២៥ ក៏បានបំផុសឱ្យមានការគិតគូរពីកិច្ចការជលផលសម្រាប់ជាសរសៃឈាមសេដ្ឋកិច្ចដល់ប្រជាពលរដ្ឋ ដោយមានការប្រមូលផលពីធម្មជាតិ ចិញ្ចឹមត្រី និងគ្រឿងសមុទ្រផ្សេងៗ សម្រាប់តម្រូវការទីផ្សារក្នុងស្រុក និងអន្តរជាតិ។
សូមរំលឹកថា ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ បានបង្ហាញឆន្ទៈលើកកម្ពស់ជីវភាពប្រជាពលរដ្ឋក្នុងសហគមន៍នានា រួមមាន សហគមន៍កសិកម្មទំនើប មកបង្ហាញដល់អង្គសិក្ខាសាលា ជាពិសេសស សហគមន៍ត្រពាំងសង្កែ ដោយឯកឧត្តមឧបនាយករដ្ឋមន្ត្រី គឺជាអ្នកកសាងផ្លូវចូល បន្ទប់ទឹក ចំណតរថយន្ត ដើម្បីបង្កើនភាពទាក់ទាញចំនួនអ្នកទេសចរ និងចំណូលជូនប្រជាពលរដ្ឋកាន់តែមានភាពល្អប្រសើរជាលំដាប់៕
អត្ថបទ ៖ ហេង វណ្ណា / រូបភាព ៖ គ្រី សម្បត្តិ
Account
Security
Favourite Content