សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ គុយវ៉ែត បញ្ឈប់ការនាំចេញប្រេងឆៅជាលើកដំបូងរបស់ខ្លួនចាប់តាំងពីអាក់ខានក្រោយសង្គ្រាមឈូងសមុទ្រឆ្នាំ១៩៩១រហូតមក នេះបើយោងតាមសេចក្ដីរាយការណ៍ពី RT News ។
កាលពីខែមេសា ឆ្នាំ២០២៦ កន្លងទៅនេះ គុយវ៉េត មិនបាននាំចេញប្រេងឆៅសូម្បីតែ ១ បារ៉ែល ដែលជាលើកដំបូងរបស់ខ្លួនក្នុងរយៈពេល ៣៥ ឆ្នាំ បើគិតចាប់តាំងពីមានសង្គ្រាមឈូងសមុទ្រកាលពីឆ្នាំ១៩៩១រហូតមក។ គុយវ៉ែត គឺជាសមាជិកដ៏សំខាន់មួយនៅក្នុងអង្គការនៃបណ្តាប្រទេសនាំចេញប្រេង (OPEC) និងបម្រើការជាមជ្ឈមណ្ឌលដឹកជញ្ជូនដ៏សំខាន់មួយក្នុងតំបន់មជ្ឈិមបូព៌ា។ កាលពីមុនពេលមានសង្គ្រាម គុយវ៉េត ផលិតប្រេងឆៅប្រមាណ ២,៧ លានបារ៉ែលក្នុងមួយថ្ងៃ និងនាំចេញប្រហែល ១,៨៥ លានបារ៉ែល ដែលភាគច្រើនដឹកជញ្ជូនទៅកាន់ទីផ្សារអាស៊ី រួមមាន ប្រទេសចិន ឥណ្ឌា និងកូរ៉េខាងត្បូង ជាដើម។ ជាមួយគ្នានេះ ការផលិតប្រេងមានចំណែកប្រហែល ៥០% នៃ GDP សរុបរបស់គុយវ៉ែត ទទួលបានចំណូលពីការនាំចេញប្រេងឥន្ធនៈបង្កើតបានជាថវិការដ្ឋប្រហែល ៩០%។
យ៉ាងណាមិញ កាលពីថ្ងៃទី១៧ ខែមេសា សាជីវកម្មប្រេងគុយវ៉ែតបានប្រកាសពីការផ្អាកនាំចេញប្រេងបន្ទាប់ពីចរាចរណ៍នៅច្រកសមុទ្រ Hormuz ត្រូវបានរងការរំខានយ៉ាងធ្ងន់ធ្ងរ ដោយសារសង្រ្គាមអាម៉េរិក សហការជាមួយអ៊ីស្រាអែល វាយប្រហារទៅលើអ៊ីរ៉ង់។ បើគិតត្រឹមដើមខែឧសភានេះ ទិន្នផលប្រេងរបស់គុយវ៉ែតបានធ្លាក់ចុះមកនៅត្រឹមប្រហែល ១,២ លានបារ៉ែលប៉ុណ្ណោះក្នុងមួយថ្ងៃ។ យ៉ាងណាក៏ដោយ ថ្វីត្បិតប្រទេសនេះបន្តផលិតប្រេងឆៅពិតមែន ប៉ុន្តែមិនមានការនាំចេញទៅកាន់គោលដៅណាមួយទេនៅក្នុងខែមេសា កន្លងទៅនេះ ដែលជាការបញ្ឈប់ការនាំចេញលើកដំបូងរបស់ខ្លួនចាប់តាំងពីមានសង្គ្រាមឈូងសមុទ្រឆ្នាំ១៩៩០-១៩៩១។
គួរកត់សម្គាល់ថា ចាប់តាំងពីមានសង្គ្រាមក្រោមកិច្ចសហការរវាង អាម៉េរិក ជាមួយអ៊ីស្រាអែល វាយប្រហារទៅលើអ៊ីរ៉ង់កាលពីចុងខែកុម្ភៈ តម្លៃប្រេងសកលបានបន្តឡើងថ្លៃ ដោយសារមានការបិទច្រកសមុទ្រ Hormuz ដែលជាផ្លូវនាំចេញទៅផ្គត់ផ្គង់ទីផ្សារពិភពលោកប្រមាន ២០% និងឧស្ម័ន LNG ឆ្លងកាត់ជារៀងរាល់ថ្ងៃ ជាពិសេស ទៅកាន់អាស៊ី។ យ៉ាងណាក៏ដោយ បច្ចុប្បន្ន ស្របពេលដែលកិច្ចចរចាកំពុងបន្ត និងមិនទាន់មានដំណោះស្រាយច្បាស់លាស់ តម្លៃប្រេងឆៅបានឡើងថ្លៃដល់ ១២០ ដុល្លារក្នុងមួយបារ៉ែលកាលពីប៉ុន្មានថ្ងៃមុន ដែលជាកម្រិតខ្ពស់បំផុតមិនធ្លាប់មានចាប់តាំងពីមានសង្គ្រាមរវាងរុស្ស៊ី-អ៊ុយក្រែន ឆ្នាំ២០២២៕
Account
Security
Favourite Content