សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កម្ពុជានារយៈពេលប៉ុន្មានទសវត្សរ៍ចុងក្រោយនេះ បានក្លាយជាតំបន់ដែលមានកំណើនសេដ្ឋកិច្ចលឿនក្នុងចំណោមបណ្តាប្រទេសដែលមានកំណើតសេដ្ឋកិច្ចលឿនជាងគេនៅលើពិភពលោក។ កត្តាទាំងអស់នេះ បានជំរុញឱ្យកម្ពុជាមានឱកាសពង្រីកវិស័យសំខាន់ៗរបស់ខ្លួន ទាំងកសិកម្ម ឧស្សាហកម្ម និងសេវាកម្ម ដើម្បីបន្តកំណើនអភិវឌ្ឍលើគ្រប់វិស័យនៅក្នុងប្រទេស។
ជុំវិញមូលហេតុដែលធ្វើឱ្យកម្ពុជារកឃើញនូវល្បឿនរីកចម្រើនប្រកបដោយសក្តានុពលដែលពុំធ្លាប់មានក្នុងប្រវត្តិសាស្រ្តនេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានមានប្រសាសន៍នៅក្នុងពិធីទទួលពានរង្វាន់សមិទ្ធផលពេញមួយជីវិតរបស់មេដឹកនាំឆ្នើមពិភពលោកថា ការដឹកនាំដ៏ត្រឹមត្រូវរបស់រាជរដ្ឋាភិបាលកម្ពុជា ជាពិសេសតាមរយៈការអនុវត្តគោលនយោបាយឈ្នះ-ឈ្នះ ដែលនាំមកនូវការបង្រួបបង្រួមជាតិ សន្តិភាព និងស្ថិរភាពនយោបាយ បានក្លាយជាចលករ និងចន្ទល់រឹងមាំក្នុងការជំរុញកំណើនសេដ្ឋកិច្ចកម្ពុជា។
សម្តេចបានមានប្រសាសន៍ផងដែរថា សេដ្ឋកិច្ចកម្ពុជាសម្រេចបានអត្រាកំណើន ៧ភាគរយ ជាមធ្យមប្រចាំឆ្នាំ រហូតធ្វើឱ្យកម្ពុជាក្លាយជាប្រទេសមានចំណូលមធ្យមកម្រិតទាបក្នុងឆ្នាំ២០១៥ និងកំពុងបោះជំហានឆ្ពោះទៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសមានចំណូលខ្ពស់នៅឆ្នាំ២០៥០។
គួរបញ្ជាក់ផងដែរថា តាមរយៈរបាយការណ៍របស់ធនាគារពិភពលោក (world bank) បានឱ្យដឹងថា កម្ពុជា ជាប្រទេសដែលមានកំណើនសេដ្ឋកិច្ចល្អជាងគេក្នុងរង្វង់ប្រមាណ ៧% ក្នុងមួយឆ្នាំ នារយៈពេល២ទសវត្សរ៍ចុងក្រោយនេះ។ ស្ថានភាពនេះ បានអនុញ្ញាតឱ្យប្រជាជនទទួលបានឱកាស និងសេវាសាធារណៈស្មើៗគ្នា ដែលធ្វើឱ្យកម្រិតជីវភាព និងចំណូលរបស់ប្រជាជនកើនឡើងល្អប្រសើរ។
ជាមួយគ្នានេះ ធនាការពិភពលោកក៏បានបញ្ជាក់ដែរថា កំណើនសេដ្ឋកិច្ចដ៏ឆាប់រហ័សរបស់កម្ពុជាពីឆ្នាំ២០០៩ ដល់ឆ្នាំ២០១៩ គួបផ្សំជាមួយនឹងការផ្លាស់ប្តូរជារចនាសម្ព័ន្ធផង បានធ្វើឱ្យប្រាក់ចំណូលរបស់ពលកម្មកើនឡើង និងភាពក្រីក្រកាន់តែធ្លាក់ចុះ ដែលជំរុញឱ្យកម្រិតជីវភាពកាន់តែប្រសើរ។
សូមរំលឹកថា ឧកញ៉ា លឹម ហេង អនុប្រធានសភាពាណិជ្ជកម្មកម្ពុជា ធ្លាប់បានប្រាប់ AMS ថា ការលើកកម្ពស់ជីវភាពប្រជាជនអាស្រ័យលើគោលនយោបាយរបស់ថ្នាក់ដឹកនាំរាជរដ្ឋាភិបាលដែលបានដាក់ចេញនូវគោលនយោបាយសេដ្ឋកិច្ចល្អ និងបើកទូលាយធ្វើឱ្យប្រជាជន ជាពិសេសវិស័យឯកជនអាចប្រកបរបរដោយសេរី។ ចំណុចខ្លាំងទាំងអស់នេះ បានធ្វើឱ្យវិស័យឯកជន រួមទាំងផ្នែកផ្សេងៗទៀតដែលជាចលករក្នុងសេដ្ឋកិច្ចកម្ពុជា អាចរីកលូតលាស់យ៉ាងប្រសើរក្នុងប្រទេសដែលមានស្ថិរភាព និងអំណោយផលខ្ពស់សម្រាប់ការវិនិយោគ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
លោក Trump សន្យាចែកលុយឱ្យពលរដ្ឋម្នាក់ ៥០០០ ដុល្លារ ពេលឈ្នះឆ្នោតពាក់កណ្តាលអាណត្តិខាងមុខនេះ
ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
បរទេស ៖ ប្រធានាធិបតីអាមេរិក លោក Donald Trump បានសន្យាយ៉ាងភ្ញាក់ផ្អើលមួយដល់ពលរដ្ឋដោយថ្លែងថា លោកនឹងផ្តល់ប្រាក់លើកទឹកចិត្ត ដែលហៅថា «Trump Dividend» ចំនួន ៥០០០ ដុល្លារ ជូនដល់ប្រជាពលរដ្ឋអាមេរិកាំងពេញវ័យគ្រប់ៗរូបប្រសិនបើគណបក្សសាធារណៈ អាចបន្តគ្រប់គ្រង និងរក្សាកៅអីភាគច្រើនក្នុងសភាទាំងពីរនាពេលបោះឆ្នោតពាក់កណ្តាលអាណត្តិ អំឡុងខែវិច្ឆិកាខាងមុខនេះ។ យោងតាមការចេញផ្សាយរបស់ RT
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
បរទេស ៖ ប្រមុខរដ្ឋាភិបាលឥណ្ឌា កំពុងព្យាយាមរុញច្រានយុទ្ធសាស្ត្រផលិតបន្ទះឈីបរបស់ខ្លួនឱ្យកាន់តែធំជាងមុន ដោយមិនត្រឹមតែផ្តោតលើការផលិតឈីបប៉ុណ្ណោះទេ ប៉ុន្តែថែមទាំងគ្រប់គ្រងលើខ្សែច្រវាក់ផ្គត់ផ្គង់ទាំងមូលនៅក្នុងប្រទេសផងដែរ។ យោងតាមអត្ថបទដែលបានចេញផ្សាយដោយកាសែត Novinata បានឲ្យដឹងថា គោលដៅចម្បង គឺកាត់បន្ថយការពឹងផ្អែកលើការនាំចូលពីបរទេស និងប្រែក្លាយខ្លួនទៅជាប្រទេសនាំមុខគេមួយក្នុងវិស័យបច្ចេកវិទ្យាដ៏សំខាន់នេះ។ បច្ចុប្បន្ន បន្ទះឈីប គឺជាបេះដូងនៃបច្ចេកវិទ្យាទំនើបៗជាច្រើន ដូចជា ទូរស័ព្ទស្មាតហ្វូន រថយន្ត ប្រព័ន្ធបញ្ញាសិប្បនិម្មិត (AI)និងកុំព្យូទ័រដែលមានសមត្ថភាពខ្ពស់។
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
កំណាត់ផ្លូវជាតិលេខ៧ ពីស្គន់ទៅ ក្រុងកំពង់ចាម នឹងផ្ដល់អត្រាចំណេញផ្នែកសេដ្ឋកិច្ចដល់កម្ពុជារហូតដល់ ១៥,២៧ ភាគរយ
អគ្គបណ្ឌិតសភាចារ្យ អូន ព័ន្ធមុនីរ័ត្ន ៖ SME ជាអាទិភាពដ៏សំខាន់ជំរុញផលិតកម្មក្នុងស្រុក និងគាំទ្រកំណើនសេដ្ឋកិច្ចជាតិ
Account
Security
Favourite Content