សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងឆ្នាំ២០២៦នេះ កំណើននៃអចលនទ្រព្យដែលដាក់លក់ឡៃឡុងមានចំនួនកាន់តែច្រើននៅលើទីផ្សារ ដែលមើលទៅហាក់ជាតម្លៃអចលនទ្រព្យនៅលើទីផ្សារធ្លាក់ចុះខ្លាំង ប៉ុន្តែបើតាមការវាយតម្លៃរបស់អ្នកជំនាញនៃវិស័យនេះបង្ហាញថា អចលនទ្រព្យដែលមានតម្រូវការខ្ពស់នៅតែមានតម្លៃល្អ ។
លោកស្រីអាន សុធីតា នាយិការប្រតិបត្តិក្រុមហ៊ុនអចលនទ្រព្យ PropNex Cambodia បានថ្លែងប្រាប់បណ្ដាញព័ត៌មាន AMS ឱ្យដឹងថា ក្នុងមួយរយៈចុងក្រោយនេះ ពិតជាមានអចលនទ្រព្យដាក់លក់ឡៃឡុងច្រើនមែន ប៉ុន្តែដោយសារតែទ្រព្យមួយចំនួន មិនត្រូវនឹង តម្រូវការលើទីផ្សារ ក៏នៅតែរកអ្នកមិនបាន និងលក់មិនចេញ ។
លោកស្រីបន្តថា តាមរយៈការដាក់លក់ឡៃឡុងអចលនទ្រព្យច្រើននៅលើទីផ្សារ ដោយសារតែបញ្ហាសេដ្ឋកិច្ច ធ្វើឱ្យតម្លៃអចលនទ្រព្យនៅលើទីផ្សារបច្ចុប្បន្នធៀបនឹងឆ្នាំមុនមានវិបត្តិកូវីដ១៩ ឃើញថាមានការធ្លាក់ចុះខ្លាំង ទ្រព្យខ្លះធ្លាក់ចុះ២០ភាគរយ ៣០ភាគរយ និងខ្លះទៀតធ្លាក់ចុះរហូតដល់៤០ភាគរយ ប៉ុន្តែជាធម្មតាក្នុងវិស័យអចលនទ្រព្យតែងតែមានឡើងមានចុះ ឬអាចនិយាយថាវាជាវដ្តនៃទីផ្សារ ដោយសារតែបម្រែបម្រួលទីផ្សារ ឬស្ថានភាពសេដ្ឋកិច្ច ។
លោកស្រីបានមើលឃើញថាសម្រាប់ស្ថានភាពអចលនទ្រព្យនៅកម្ពុជានាពេលនេះ គឺត្រូវការពេលវេលា ដើម្បីស្ដារឡើងវិញ ឱ្យដូចនឹងស្ថានកាលឆ្នាំ ២០២៦ ហើយបើតាមស្ថានភាពដូចបច្ចុប្បន្ននេះ ដើម្បីស្ដារវិស័យនេះឡើងវិញ ត្រូវការពេលវេលាប្រមាណ ៣ទៅ៥ឆ្នាំទៀត ។
លោកចេង វុទ្ធី អគ្គនាយកក្រុមហ៊ុនអចលនទ្រព្យ INVA Real Estate And Valuation បានមានប្រសាសន៍ថា អចលនទ្រព្យដែលដាក់លក់ឡៃឡុងនៅលើទីផ្សារបច្ចុប្បន្ននេះភាគច្រើនចេញមកពីធនាគារ ដោយសារតែម្ចាស់អចលនទ្រព្យបានយកទ្រព្យនោះទៅធានា ដើម្បីយកឥណទានពីធនាគារមកប្រើប្រាស់ ។ នៅពេលដែលសេដ្ឋកិច្ចជួបបញ្ហាហើយការរកស៊ី ឬធ្វើអាជីវកម្មមិនទទួលបានជោគជ័យ និងគ្មានលទ្ធភាពបង់សងត្រលប់ផងនោះ ជម្រើសចុងក្រោយមានតែដាក់លក់ទ្រព្យធានានោះដើម្បីយកប្រាក់សងធនាគារ ។
លោកបន្តថា ការលក់ឡៃឡុងអចលនទ្រព្យកាន់តែច្រើន បានទាញទម្លាក់ទីផ្សារអចលនទ្រព្យទាំងនោះឱ្យមើលឃើញទៅហាក់ដូចជាធ្លាក់ចុះខ្លាំង ប៉ុន្តែសម្រាប់អចលនទ្រព្យដែលមិនមែនជាទ្រព្យធានា ឬជាទ្រព្យម្ចាស់មិនមានបញ្ហាហិរញ្ញវត្ថុ នៅតែដាក់លក់ក្នុងតម្លៃទៅតាមទីផ្សារដដែល ។ យ៉ាងណាក៏ដោយសម្រាប់អ្នកទិញអចលនទ្រព្យទុកចំណេញនៅពេលអនាគត ឬទុកវិនិយោគនៅពេលស្ថានភាពសេដ្ឋកិច្ចប្រសើរដូចមុន គឺជាឱកាសល្អប្រសើរខ្លាំងណាស់ ព្រោះថាពួកគេអាចមានឱកាសក្នុងការជ្រើសរើសទ្រព្យដែលពេញចិត្ត និងអាចជ្រើសរើសទីតាំងល្អៗបានផងដែរ ។
គួរបញ្ជាក់ថា កាលពីពេលថ្មីៗនេះដែរ ក្រុមហ៊ុនអភិវឌ្ឍន៍អចលនទ្រព្យធំមួយនៅកម្ពុជា ដែលកំពុងមានបញ្ហាហិរញ្ញវត្ថ ក៏បានប្រកាសលក់គម្រោងដីឡូត៍ឡៃឡុង រាប់ពាន់ឡូត៍ដើម្បីយកលុយមកបញ្ចប់ផ្សេងទៀត ដែលមានបញ្ហាជាមួយអតិថិជន ។ តាមរយៈការប្រកាសលក់ដីឡូត៍ឡៃឡុងរាប់ពាន់ឡូត៍នេះ មានការគាំទ្រ និងមានអតិថិជនជាច្រើនរង់ចាំទិញ ៕
Account
Security
Favourite Content