សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។
យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael (ជាអ្នកបង្កើតប្រព័ន្ធការពារដែនអាកាស Iron Dome) ជាដៃគូកាន់កាប់ចំណែកហ៊ុនធំជាងគេ។ ការរៀបចំឱ្យក្រុមហ៊ុន Aurelius ធ្វើជាហ៊ុនមួយចំណែកនេះ គឺដើម្បីចៀសវាងមិនឱ្យក្រុមហ៊ុនអុីស្រាអែលកាន់កាប់រោងចក្រដោយផ្ទាល់បន្ទាប់ពីមានការជំទាស់ពីមូលនិធិវិនិយោគរដ្ឋកាតា ដែលជាអ្នកវិនិយោគធំមួយរបស់
Volkswagen។
រោងចក្រនេះនឹងត្រូវកែប្រែបន្តិចម្តងៗទៅជាមជ្ឈមណ្ឌលផលិតបរិក្ខារការពារជាតិសម្រាប់ប្រទេសអាល្លឺម៉ង់ និងអតិថិជននៅអឺរ៉ុប។ យ៉ាងណាក៏ដោយ បើទោះបីជាមិនមានការផលិតគ្រាប់មីស៊ីលស្ទាក់ចាប់ដោយផ្ទាល់នៅទីនោះក៏ដោយ រោងចក្រនេះនឹងផលិតគ្រឿងបន្លាស់សំខាន់ៗដូចជា យានយន្តយោធា គ្រឿងបាញ់មីស៊ីល និងម៉ាស៊ីនភ្លើងសម្រាប់ប្រព័ន្ធការពារអាកាសជាដើម។ ការផ្លាស់ប្តូរនេះក៏ជួយរក្សាការងារជូនបុគ្គលិកជាង ១២០០ នាក់វិញផងដែរ បន្ទាប់ពី Volkswagen ធ្លាប់បានប្រកាសថានឹងឈប់ផលិតរថយន្តនៅទីនោះត្រឹមឆ្នាំ២០២៧។
រោងចក្រនៅ Osnabrück នេះធ្លាប់មានប្រវត្តិផលិតគ្រឿងបន្លាស់យន្តហោះចម្បាំងកាលពីសម័យអាល្លឺម៉ង់ណាស៊ី មុនពេល Volkswagen ទិញយកកាលពីឆ្នាំ២០០៩។ អាជ្ញាធរអាល្លឺម៉ង់បានបញ្ជាក់ថា ការកែប្រែមុខងាររោងចក្រនេះធ្វើឡើងដោយសារតែស្ថានភាពសន្តិសុខនៅអឺរ៉ុបមានការប្រែប្រួលខ្លាំង។
គួរឲ្យដឹងដែរថា ការលក់រោងចក្រនេះកើតឡើងចំពេលដែលក្រុមហ៊ុន Volkswagen កំពុងជួបវិបត្តិសេដ្ឋកិច្ច រហូតដល់មានផែនការក្នុងការកាត់បន្ថយបុគ្គលិករហូតដល់ ១០០ ០០០ នាក់ នៅទូទាំងពិភពលោកឲ្យបានត្រឹមឆ្នាំ២០៣០ ដោយសារការធ្លាក់ចុះនៃតម្រូវការទីផ្សារ ការកើនឡើងតម្លៃថាមពល ការបាត់បង់ឧស្ម័នថោកពីរុស្ស៊ី និងការប្រកួតប្រជែងខ្លាំងពីក្រុមហ៊ុនចិនផងដែរ។ ជាមួយគ្នានេះ ក្រុមហ៊ុនរថយន្តអឺរ៉ុបផ្សេងទៀត ដូចជា Mercedes-Benz ក៏កំពុងចាប់អារម្មណ៍លើការផលិតអាវុធដែរ ខណៈដែលប្រទេសរុស្ស៊ីបានចេញមុខរិះគន់ថា ការពង្រីកវិស័យយោធារបស់អឺរ៉ុប គឺជាការរៀបចំខ្លួនដើម្បីប្រឈមមុខដាក់គ្នាក្នុងសង្គ្រាម៕
Account
Security
Favourite Content