សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ផ្ទះយុវជនដើម្បីមិត្តភាពកម្ពុជា-ចិន បានសហការជាមួយមូលនិធិចិនដើម្បីសន្តិភាព និងការអភិវឌ្ឍ (CFPD) ក្រោមការគាំទ្រពី ស្ថានទូតចិនប្រចាំនៅកម្ពុជា និងរាជរដ្ឋាភិបាលកម្ពុជា និងតាមរយៈដៃគូសហការជាច្រើនរៀបចំ វេទិកាផ្លាស់ប្តូរមិត្តភាពកម្ពុជា-ចិន “ផ្លូវសូត្រផ្សារភ្ជាប់ប្រជាជននិងប្រជាជន” ឆ្នាំ២០២៥ ក្រោមមូលបទ “មិត្តភាពដ៏រឹងមាំគ្រប់រដូវកាល ផ្សារភ្ជាប់បេះដូងប្រជាជន និង ប្រជាជន” ពីថ្ងៃទី១៤-១៦ ខែធ្នូ ឆ្នាំ២០២៥ នៅសណ្ឋាគារ ហៃយ៉ាត់ រឺជេនស៊ីភ្នំពេញ។ វេទិកានេះរៀបចំឡើងដើម្បីជំរុញនិងតភ្ជាប់ កិច្ចសហប្រតិបត្តិការដែលមានស្រាប់ និងបង្កើតនូវកិច្ចសហប្រតិបត្តិការថ្មីៗបន្ថែមទៀត ទាំងរវាងវិស័យឯកជន សាកលវិទ្យាល័យ ស្ថាប័នស្រាវជ្រាវ អង្គការ/សមាគមជាដើម។ ជាមួយគ្នានេះ ក៏ដើម្បីបំផុសការយល់ដឹងពីគ្នាទៅវិញទៅមករបស់ប្រជាជន ការកសាង ទំនុកចិត្តនិងការយោគយល់គ្នាទៅវិញទៅមក សំដៅរួមចំណែកក្នុងការជំរុញការរួមគ្នាកសាងសហគមន៍ជោគវាសនារួមចិន-កម្ពុជា ក្នុងយុគសម័យថ្មី គ្រប់រដូវកាល។
ពិធីបើកជាផ្លូវការនៃវេទិកាប្រចាំឆ្នាំនេះមានការអញ្ជើញចូលរួមជាប្រធានគណៈអធិបតីពី ឯកឧត្តម ហ៊ុន ម៉ានី ឧបនាយករដ្ឋ មន្ត្រី រដ្ឋមន្ត្រីក្រសួងមុខងារសាធារណៈ តំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណា ចក្រកម្ពុជា និងឯកឧត្តម វ៉ាង វិនពីន ឯកអគ្គរដ្ឋទូតសាធារណរដ្ឋប្រជាមានិតចិនប្រចាំនៅកម្ពុជា ព្រមទាំងសំណាក់ថ្នាក់ដឹកនាំ របស់កម្ពុជា ថ្នាក់ដឹកនាំវិស័យឯកជន អង្គការ សមាគម សាកលវិទ្យាល័យ សហគ្រិន អ្នកសិក្សាស្រាវជ្រាវ សិល្បៈករ យុវជន ប្រព័ន្ធ ផ្សព្វផ្សាយ មកពីចិន និងកម្ពុជា។
ជាលទ្ធផល វេទិកាផ្លាស់ប្តូរមិត្តភាពកម្ពុជា-ចិន “ផ្លូវសូត្រផ្សារភ្ជាប់ប្រជាជននិងប្រជាជន ឆ្នាំ២០២៥ បានប្រព្រឹត្តទៅដោយ ភាពរលូន និងជោគជ័យដូចដែលបានគ្រោងទុក។ វេទិកាដ៏មហាឡេរិកនេះបានផ្តល់ជាឱកាសនាំរបស់ប្រតិភូកម្ពុជា និងចិន មកជួប ជុំគ្នា ពិភាក្សា ជំរុញការផ្លាស់ប្តូរដែលបានផ្តោតលើការពង្រឹង និងពង្រីកទំនាក់ទំនងរវាងប្រជាជនកម្ពុជា និងចិន តាមរយៈការផ្លាស់ប្តូរ ចំណេះដឹង និងកម្មវិធីអភិវឌ្ឍន៍សម្រាប់ឱកាសអាជីវកម្ម និងការស្វែងយល់ពីគ្នាទៅវិញទៅមកអំពីវប្បធម៌ សង្គម សហគ្រិនភាព និង បច្ចេកវិទ្យា។
ផ្ទះយុវជនដើម្បីមិត្តភាពកម្ពុជា-ចិនជឿជាក់យ៉ាងមុតមាំថាមិត្តភាពរវាងកម្ពុជា និងចិននឹងបន្តរីកលូតលាស់និងរីកចម្រើន ទៅមុខ ហើយប្រជាជននៃប្រទេសទាំងពីរនឹងចូលរួមជំរុញបន្តលើកិច្ចសហប្រតិបត្តិការ ការផ្លាស់ប្តូរបទពិសោធន៍យុវជន និងការ ផ្លាស់ប្តូរវប្បធម៌នៃប្រទេសទាំងពីរឱ្យកាន់តែមានភាពជិតស្និទ្ធដែលស្របទៅតាមយុទ្ធសាស្ត្ររបស់រាជរដ្ឋាភិបាលនៃប្រទេសទាំងពីរ ក្នុងបេសកកម្ម នៃការរួមគ្នាកសាង “សហគមន៍ជោគវាសនារួមកម្ពុជា-ចិនក្នុងយុគសម័យថ្មី”។
Account
Security
Favourite Content