សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពី Barron’s លើកឡើងថា តម្លៃប្រេងបានបន្តឡើងថ្លៃដល់កម្រិតខ្ពស់បំផុតមួយកាលពីថ្ងៃចុងសប្ដាហ៍កន្លងទៅនេះ ដោយសារការកាត់បន្ថយការផ្គត់ផ្គង់ពីក្រុមប្រទេសផលិតប្រេង OPEC+ និងការធ្លាក់ចុះស្តុកប្រេងឆៅនៅសហរដ្ឋអាមេរិក។
តម្លៃប្រេងឆៅ West Texas Intermediate (WTI) កើនឡើង ០, ៧ ភាគរយ ឬ ៩៤,៣៥ ដុល្លារក្នុងមួយបារ៉ែល ចំណែកឯតម្លៃប្រេងឆៅ Brent ក៏បានកើនឡើង ០,៧ ភាគរយ ឬ ៩៧,២៤ ដុល្លារក្នុងមួយបារ៉ែលផងដែរ។
ទន្ទឹមនឹងនេះ ក្រុមប្រទេសនាំចេញប្រេង OPEC គ្រោងនឹងជួបប្រជុំនៅថ្ងៃទី ៤ ខែតុលាខាងមុខនេះ ដើម្បីពិភាក្សាអំពីការកាត់បន្ថយទិន្នផលប្រេងតាមផែនការរបស់ពួកគេ។ ការកាត់បន្ថយដោយអង្គការ OPEC បូករួមទាំងការកាត់បន្ថយដោយស្ម័គ្រចិត្តបន្ថែមដោយអារ៉ាប៊ីសាអូឌីត និងរុស្ស៊ី នឹងនាំឲ្យការកាត់បន្ថយផលិតកម្មពិភពលោកមានចំនួនសរុប ១,៣ លានបារ៉ែលក្នុងមួយថ្ងៃរហូតដល់ដំណាច់ឆ្នាំនេះ។
មិនត្រឹមតែប៉ុណ្ណោះ ការកាត់បន្ថយផលិតកម្មនេះនឹងទាញកំណើនសេដ្ឋកិច្ចធ្លាក់ចុះ និង ជំរុញកំណើនអតិផរណា។ លើសពីនេះ ធនាគារកណ្តាលអាមេរិក និងធនាគារកណ្តាលផ្សេងទៀតអាចនឹងរក្សាអត្រាការប្រាក់ខ្ពស់ក្នុងរយៈពេលយូរ ដើម្បីធានាថាអត្រាអតិផរណាមិនងើបឡើងវិញបន្ទាប់ពីការធ្លាក់ចុះសេដ្ឋកិច្ចរបស់ពួកគេយ៉ាងឆាប់រហ័សនៅឆ្នាំនេះ។
Susannah Streeter ប្រធានផ្នែកទីផ្សារនៅ Hargreaves Lansdown បាននិយាយថា ការព្រួយបារម្ភអំពីការផ្គត់ផ្គង់ដ៏តឹងតែងកំពុងជំរុញឱ្យមានការឡើងថ្លៃប្រេង ការព្រួយបារម្ភអំពីអតិផរណា និងតម្រូវការក្នុងការរក្សាអត្រាការប្រាក់ក្នុងរយៈពេលយូរ។ ស្របពេលដែលតម្រូវការអាចនឹងធ្លាក់ចុះនៅឆ្នាំក្រោយ តម្លៃប្រេងទំនងជាមិនធ្លាក់ចុះនោះទេ ដោយសារតែអ្នកផលិតធំៗដូចជាអារ៉ាប៊ីសាអូឌីត ចង់ឲ្យតម្លៃប្រេងឡើងថ្លៃ ប៉ុន្តែមានស្ថិរភាព៕
Account
Security
Favourite Content