សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ថ្វីត្បិតបច្ចុប្បន្ននេះទោះជាស្ថិតនៅក្នុងបរិបទដែលរំខានដោយវិបត្តិនៃជំងឺកូវីដ-19 ប៉ុន្តែសកម្មភាពទិញ-លក់ក្នុងផ្នែកដីធ្លី ក៏ដូចជាការអភិវឌ្ឍន៍វិស័យសំណង់កម្រិតតូច និងមធ្យម ជាពិសេសផ្នែកលំនៅឋាននៅតំបន់ផ្លូវក្រវាត់ក្រុងទី៣ នៅតែបន្តមាន ហើយវានឹងកាន់តែមមាញឹកជាងនេះបន្ទាប់ពីស្ថានការនៃបញ្ហាកូវីដត្រូវបានធ្លាក់ចុះ។
មានហេតុផលជាច្រើនដែលជំរុញឲ្យតម្រូវការនៃការប្រើប្រាស់ដីនៅតំបន់ផ្លូវក្រវាត់ក្រុងទី៣មានការកើនឡើងខ្ពស់ ដូចជាការអភិវឌ្ឍគម្រោងធំៗនៅក្នុងក្រុងមានកាន់តែច្រើនដែលធ្វើឲ្យក្រុងកាន់តែចង្អៀត និងមានតម្លៃកាន់តែថ្លៃ។ គម្រោងអភិវឌ្ឍន៍កម្រិតតូច និងមធ្យមជាច្រើនចាប់ផ្តើមពង្រីកខ្លួននៅតាមតំបន់ជាយក្រុង ជាពិសេសស្ថិតនៅក្បែរគម្រោងផ្លូវក្រវាត់ក្រុងទី៣ រួមជាមួយនឹងគោលការណ៍របស់រដ្ឋាភិបាលដែលតម្រូវឲ្យបណ្តារោងចក្រ សហគ្រាស និងតំបន់ឧស្សាហកម្មត្រូវទៅដាក់ទីតាំងនៅតំបន់ផ្លូវក្រវាត់ក្រុងតែម្ដង។
បច្ចុប្បន្ននេះមានខណ្ឌចំនួន៣ ដែលស្ថិតនៅតំបន់ជាយក្រុង និងក្បែរផ្លូវក្រវាត់ក្រុងទី៣ កំពុងមានប្រជាប្រិយភាពលើការទិញ-លក់ រួមមាន ខណ្ឌដង្កោ ខណ្ឌសែនសុខ និងខណ្ឌមានជ័យ ដែលត្រូវបានអ្នកជំនាញក្នុងវិស័យនេះចង្អុលបង្ហាញថាជាតំបន់មានទីផ្សារល្អ ហើយអាចនឹងមានការអភិវឌ្ឍន៍វិស័យសំណង់កាន់តែខ្លាំងនាពេលដ៏ខ្លីខាងមុខនេះ។
អគ្គនាយកក្រុមហ៊ុន AP Real Estate Co.L.T.D លោក អ៊ា ចរិយា បានមានប្រសាន៍ថា តម្លៃដីនៅតំបន់ផ្លូវក្រវាត់ក្រុងទី៣សព្វថ្ងៃនេះ គឺនៅតែរក្សាបាននូវស្ថានភាពល្អ ទោះជាមិនឡើងខ្ពស់ ក៏មិនធ្លាក់ចុះនោះដែរ។ តម្លៃដីដែលស្ថិតនៅទីតាំងល្អ ជាបណ្តុំទីប្រជុំជន មានអាជីវកម្មច្រើន ត្រូវបានគេដាក់លក់ក្នុងតម្លៃចន្លោះពី ៥០០ដុល្លាទៅ ១,០០០ដុល្លារក្នុងមួយម៉ែត្រការ៉េ ប៉ុន្តែមានតំបន់ខ្លះទាបជាងនេះ ឬក្រោយ៣០០ដុល្លារក្នុង1ម៉ែត្រការ៉េក៏មានដែរ អាស្រ័យតាមស្ថានភាព ទីតាំង និងទំហំដី ហើយវានៅតែបន្តឡើងថ្លៃបន្ថែមទៀតក្រោយពេលបញ្ហាកូវីដត្រូវបានបញ្ចប់។
“អ្នកដែលទិញទុកសម្រាប់ចំណេញ សម្រាប់ធ្វើឃ្លាំង ធ្វើជាបុរី ឬក៏ធ្វើជាផ្ទះជាដើម នឹងរួមចំណែកក្នុងការបង្កើនភាពទាក់ទាញឲ្យមានការអភិវឌ្ឍកាន់តែច្រើននៅទីតាំងទាំងនោះ។ អ្នកវិនិយោគនឹងងាកមកកាន់តំបន់ទាំងនេះ ដោយសារកត្តាតម្លៃទាបជាងដីក្នុងក្រុង និងមានវិសាលភាពធំទូលាយងាយស្រួលអភិវឌ្ឍគម្រោង”
លោក អ៊ា ចរិយា បានបន្ថែមថា
លោកថា អាជីវកម្មមួយចំនួនដូចជាឃ្លាំងធំៗដែលត្រូវការទីតាំងធំទូលាយ គឺកំពុងខិតខ្លួនទៅក្រៅក្រុងបណ្ដើរៗហើយ មានន័យថាពួកគេអាចចូលទៅក្នុងផ្លូវក្រវាត់ក្រុងទី៣ ឬក៏អាចឆ្ងាយពីផ្លូវក្រវាត់ក្រុងត្រឹម ៣ទៅ៥គីឡូម៉ែត្រប៉ុណ្ណោះ។
រដ្ឋបាលរាជធានីភ្នំពេញកាលពីពេលកន្លងទៅបានបញ្ជាក់ថា ដើម្បីរក្សាបាននូវសុវត្ថិភាព សណ្តាប់ធ្នាប់ និងរបៀបរៀបរយសាធារណៈក្នុងក្រុង ព្រមទាំងបញ្ចៀសបាននូវការកកស្ទះចរាចរណ៍ កាត់បន្ថយគ្រោះថ្នាក់ចរាចរណ៍ បានស្នើឱ្យម្ចាស់រោងចក្រ សហគ្រាស ឃ្លាំងស្តុកទំនិញធំៗ ដែលមានទីតាំងក្នុងតំបន់ទីប្រជុំជននៃរាជធានីភ្នំពេញទាំងអស់ ត្រូវផ្លាស់ប្តូរទីតាំងអាជីវកម្មរបស់ខ្លួនទៅនៅតាមបណ្តោយផ្លូវក្រវាត់ក្រុងទី៣វិញ ដែលក្រសួងសាធារណៈការ និងដឹកជញ្ជូន បាននឹងកំពុងស្ថាបនា ឆ្លងកាត់រាជធានីភ្នំពេញ និងខេត្តកណ្តាល ចាប់ពីស្ពានព្រែកព្នៅ មហាវិថីឈ្នះៗ (ផ្លូវកប់ស្រូវ) ផ្លូវជាតិលេខ៤ ត្រង់គីឡូម៉ែត្រលេខ១៤+១០៥ ភ្ជាប់នឹងផ្លូវជាតិលេខ១ ត្រង់គីឡូម៉ែត្រលេខ២៤+៨៤០ ដោយកាត់ផ្លូវជាតិលេខ៣ ផ្លូវជាតិលេខ២ និងផ្លូវជាតិលេខ២១ ដែលគម្រោងសាងសង់អាចនឹងរួចរាល់ទាំងស្រុងនៅពេលឆាប់ៗខាងមុខនេះ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជាបើកវេទិកាអាស៊ី ដោះស្រាយគម្លាតសិទ្ធិដីធ្លីរបស់ស្ត្រីកសិករ
Top News, ព្រឹត្តិការណ៍, សេដ្ឋកិច្ច
• 16/10/2026
ភ្នំពេញ ៖ ក្នុងគោលបំណងបញ្ចៀសនូវការរៀបចំអភិវឌ្ឍន៍ដែលប៉ះពាល់ដល់សហគមន៍ តំណាងជាង ៣០០ នាក់បានជួបជុំគ្នានៅភ្នំពេញ ដើម្បីប្រែក្លាយសំឡេងរបស់ស្ត្រីកសិករឱ្យទៅជាសិទ្ធិ និងសកម្មភាពជាក់ស្តែងនៅក្នុងការគ្រប់គ្រងដីសមូហភាព និងសហគមន៍។ កាលពីថ្ងៃទី១៤ ខែតុលា ឆ្នាំ២០២៦ មន្ត្រីរដ្ឋាភិបាល អង្គការកសិករ ស្ត្រីជនជាតិដើមភាគតិច អង្គការសង្គមស៊ីវិល និងដៃគូអភិវឌ្ឍន៍ សរុបជាង ៣០០ នាក់
អាម៉េរិកស្នើប្រគល់ទ្រព្យបង្កកទាំងអស់ឱ្យរុស្ស៊ីវិញ ជាថ្នូរនឹងកិច្ចព្រមព្រៀងសន្តិភាព
ព្រឹត្តិការណ៍, អាជីវកម្មថ្មី និងនវានុវត្ត
• 16/10/2026
សហរដ្ឋអាម៉េរិកបានស្នើឱ្យមានការដោះបម្រាមបង្កកលើទ្រព្យសម្បត្តិរុស្ស៊ីតម្លៃរាប់ពាន់លានអឺរ៉ូ ដែលកំពុងរក្សាទុកក្នុងសហភាពអឺរ៉ុប ក្នុងគោលបំណងជំរុញកិច្ចព្រមព្រៀងសន្តិភាពសម្រាប់ជម្លោះអ៊ុយក្រែន
លោក Trump ទំនងពិចារណាបណ្ដេញរដ្ឋមន្ត្រីសង្គ្រាម ដើម្បីគេចពីការទទួលខុសត្រូវលើសង្គ្រាមអ៊ីរ៉ង់
ព្រឹត្តិការណ៍, អាជីវកម្មថ្មី និងនវានុវត្ត
• 16/10/2026
ប្រធានាធិបតីអាម៉េរិក លោក Donald Trump ទំនងជាកំពុងពិចារណាលើលទ្ធភាពបណ្តេញរដ្ឋមន្ត្រីក្រសួងសង្គ្រាម លោក Pete Hegseth ចេញពីតំណែង បន្ទាប់ពីការបោះឆ្នោតសភាពាក់កណ្តាលអាណត្តិខាងមុខនេះ ដើម្បីជួយដកខ្លួនចេញពីការទទួលខុសត្រូវចំពោះសង្គ្រាមជាមួយប្រទេសអ៊ីរ៉ង់
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content