រាជធានីភ្នំពេញ ៖ ក្រុមហ៊ុនធានារ៉ាប់រងអាយុជីវិត FWD Cambodia​ នៅថ្ងៃនេះបានដាក់សម្ពោធជាផ្លូវការនូវផលិតផលថ្មី «FWD សាទរជីវិត» ដែលជាដំណោះស្រាយហិរញ្ញវត្ថុប្រកបដោយភាពច្នៃប្រឌិតថ្មីមួយដើម្បីជួយ​គាំ​ទ្រ​​ក្រុមគ្រួសារកម្ពុជាក្នុង​ការ​សន្សំ​សម្រាប់គោលដៅ​រយៈពេលវែង និង​ទទួលបានការការពារពេញលេញ ក្នុងដំណាក់កាលសំខាន់ៗ​នៃជីវិតរស់នៅប្រចាំថ្ងៃ​។

ផលិតផលFWD សាទរជីវិត ផ្តល់​ជូនអតិថិជននូវ​ជម្រើស​នៃ​គម្រោង​ធានា​រ៉ាប់​រងដែល​មាន​ភាព​បត់​បែន​​រយៈ​ពេល​ 8 ឆ្នាំ 10 ឆ្នាំ ឬ​ 15 ឆ្នាំ​​ដើម្បី​ធានាឲ្យ​បាននូវគោលដៅសន្សំ និងសន្តិភាពផ្លូវចិត្តជូនអតិថិជនតាមរយៈជម្រើសនៃ​ការ​បង្កើន​​ការការពារ​បន្ថែម។​ គម្រោង​ការពារបន្ថែមនេះផ្តល់ការការពាររហូតដល់​ 10 ដងនៃទឹកប្រាក់ធានារ៉ាប់រងក្នុងគម្រោងមូលដ្ខាន និងការពារទៅលើអាយុជីវិត គ្រោះថ្នាក់ និងជំងឺធ្ងន់ធ្ងរ​។ បន្ថែមពីនេះ អតិថិជនក៏ទទួលបានប្រាក់លើកទឹកចិត្តប្រចាំឆ្នាំផង​ដែរ​ក្នុងអំឡុងពេលនៃការបង់បុព្វលាភធានា​រ៉ាប់​រង​ដើម្បីជា​ផ្នែក​មួយ​នៃ​ការ​សាទរ​ជីវិត​។

លោក ជីម គង់ហ៊ុយ អគ្គនាយកក្រុមហ៊ុន FWD Cambodia បានមានប្រសាសន៍ថា៖ «ចាប់តាំងពីការចាប់ផ្តើមអាជីវកម្មរបស់​យើង​មក​ ផលិត​ផល​ធានា​រ៉ាប់​រងអាយុជីវិត​របស់​ក្រុម​ហ៊ុន​ FWD Cambodia បាន​កសាង​មូលដ្ឋាន​គ្រឹះ​​យ៉ាងរឹង​មាំ​ ហើយ​ថែម​ទាំង​ផ្ដល់​ទំនុក​ចិត្ត​ដល់​អតិថិជន​ និង​សហគមន៍​កម្ពុជា​ផង​ដែរ។​ ការដាក់សម្ពោធផលិតផលថ្មី FWD សាទរជីវិត គឺជាសមិទ្ធ​ផល​ធំ​មួយទៀត​របស់​យើង​ខ្ញុំ​ក្នុង​​ការផ្តល់បទពិសោធន៍ថ្មីលើសេវាធានារ៉ាប់រង។ ការបង្កើតផលិតផលថ្មីនេះដើរ​ស្រប​គ្នា​ទៅ​នឹង​ការយល់ដឹងកាន់​តែ​ប្រសើររបស់​ក្រុម​គ្រួ​សារ​កម្ពុជា​​អំពី​គោលគំនិតក្នុងការការពារហិរញ្ញវត្ថុ និង​ការ​​ធានារ៉ាប់រងអាយុជីវិត​។ យើង​ខ្ញុំជឿជាក់​ថា​ផលិតផលថ្មីនេះ​នឹងជួយការ​ពារ​អនាគតហិរញ្ញ​វត្ថុ​របស់ក្រុមគ្រួសារកម្ពុជាកាន់​តែ​ច្រើន​ ព្រម​ទាំង​អនុញ្ញាតឱ្យពួកគាត់សម្រេចបាននូវគោលដៅរយៈពេលវែង ក៏ដូច​ជា​ផ្ដល់​​ការការពារទៅដល់មនុស្សជាទីស្រឡាញ់ទៀត​ផង​។​»

ផលិតផល FWD សាទរជីវិត គឺជាផលិតផលទី​ 6 របស់ក្រុមហ៊ុន FWD Cambodia ចាប់តាំង​ពីពេលដែលក្រុមហ៊ុនចាប់ផ្តើមប្រតិបត្តិការអាជីវកម្មជាផ្លូវការក្នុងខែកញ្ញា ឆ្នាំ 2021។ ផលិតផលផ្សេងទៀតរបស់ក្រុមហ៊ុន FWD Cambodia រួមមាន FWD សន្សំខ្លីៗ, FWD សងកម្ចី, FWD សងកម្ចីពេញលេញ, LifeCancerCare, និង FWD ការពារខ្ញុំ។ សម្រាប់ព័ត៌មានបន្ថែមអំពី FWD សាទរជីវិត និងផលិតផលផ្សេងៗសូមចូលទៅកាន់​ www.fwd.com.kh។

អំពី FWD Cambodia

ក្រុមហ៊ុន FWD ជាក្រុមហ៊ុនធានារ៉ាប់រងអាយុជីវិតឈានមុខគេមួយក្នុងតំបន់អាស៊ីដែលមានអតិថិជនច្រើនជាង 13 លាននាក់ក្នុងទីផ្សារចំនួន 10 ដោយក្នុងនោះរួមមានទីផ្សារដែលរីកចម្រើនរហ័សបំផុតក្នុងពិភពលោកលើវិស័យធានារ៉ាប់រងផងដែរ។ ក្រុមហ៊ុន FWD បានបង្កើតឡើងក្នុងឆ្នាំ 2013 និងផ្តោតទៅលើចក្ខុ​វិស័យក្នុងការផ្តល់បទពិសោធន៍ថ្មីលើសេវាធានារ៉ាប់រង។ ក្រុមហ៊ុនតែង​យកអតិថិជនជាគោល ប្រើប្រាស់​បច្ចេកវិទ្យា​ឌីជីថល និងផ្តោតការយកចិត្តទុកដាក់បំផុតក្នុងការនាំយកនូវផលិតផលដែលមានភាពច្នៃប្រឌិត ងាយស្រួលយល់ និង​បទពិសោធន៍​សេវាធានារ៉ាប់​រងដែលមានភាពសាមញ្ញជូន​ដល់​អតិថិជន​។

នៅប្រទេសកម្ពុជា ក្រុមហ៊ុន FWD ចាប់ផ្តើមប្រតិបត្តិការជាផ្លូវការនៅខែកញ្ញា ឆ្នាំ 2021 ហើយទទួលបានពានរង្វាន់ជា«ក្រុមហ៊ុនធានារ៉ាប់រងបែបឌីជីថលថ្មីដែលមានភាពច្នៃប្រឌិតជាងគេបំផុត» ដែលទទួលស្គាល់ដោយស្ថាប័ន Global Business Outlook នៅចក្រភពអង់គ្លេស។ ក្រុមហ៊ុន​ FWD Cambodia ទទួលបានពានរង្វាន់ «ក្រុមហ៊ុនធានារ៉ាប់រងអាយុជីវិតថ្មីដែលរីកចម្រើនរហ័សជាងគេបំផុតក្នុងប្រទេសកម្ពុជា ក្នុងឆ្នាំ​ ២០២៣» ដោយ International Finance Award​ នៅចក្រភពអង់គ្លេស។ សម្រាប់ព័ត៌មានបន្ថែមសូមចូលទៅកាន់ www.fwd.com.kh។

អាសយដ្ឋាន​ទំនាក់​ទំនង​សម្រាប់​សារព័ត៌មាន​

តារា​ សៅយុទ្ធនា​ 011 759 964