ធនាគារ អុឹមប៊ី (ខេមបូឌា) ម.ក ដាក់ឲ្យប្រើប្រាស់សេវាផ្ទេរប្រាក់ទៅប្រទេសវៀតណាម តាមរយៈកម្មវិធីទូរស័ព្ទដៃ

ធនាគារ អុឹមប៊ី (ខេមបូឌា) ម.ក បានដាក់ចេញឲ្យប្រើប្រាស់ជាផ្លូវការនូវសេវាផ្ទេរប្រាក់ទៅប្រទេសវៀតណាម តាមរយៈកម្មវិធីទូរស័ព្ទដៃ MBCambodia My Bank App យ៉ាងរហ័ស ងាយស្រួល និងមានសុវត្ថិភាព

ភ្នំពេញ ៖ ក្រោយទទួលបានអាជ្ញាប័ណ្ណជាផ្លូវការពី ធនាគារជាតិនៃកម្ពុជា ធនាគារ អុឹមប៊ី ខេមបូឌា បានដាក់ចេញ­ឲ្យប្រើប្រាស់ជាផ្លូវការនូវសេវាផ្ទេរប្រាក់រហ័សពីកម្ពុជាទៅប្រទេសវៀតណាម តាមរយៈកម្មវិធីទូរស័ព្ទដៃ MBCambodia My​ Bank App។ អាជ្ញាប័ណ្ណជាផ្លូវការនេះបានអនុញ្ញាតឲ្យធនាគារ អុឹមប៊ី ខេមបូឌា ផ្តល់សេវាកម្មកាន់តែងាយស្រួល និងសុវត្ថិភាពជូនដល់អតិថិជនដែលផ្ទេរប្រាក់ពីប្រទេសកម្ពុជាទៅកាន់ប្រទេសវៀតណាមជាងបណ្តាធនាគារដទៃទៀតនៅក្នុងប្រទេសកម្ពុជា តាមរយៈកម្មវីធីទូរស័ព្ទដៃ MBCambodia MyBank App។

ឥឡូវនេះ តាមរយៈកម្មវីធីទូរស័ព្ទដៃ MBCambodia My​ Bank App អតិថិជន អាចផ្ទេរប្រាក់បានយ៉ាងរហ័ស ងាយស្រួល និងសុវត្ថិភាព ទៅកាន់គ្រប់ធនាគារនៅក្នុងប្រទេសវៀតណាម​ ដែលមានទំហំទឹកប្រាក់រហូតដល់ ៩៩៩.៩៩ដុល្លារ ក្នុងមួយប្រតិបត្តិការ ជាមួយនឹងថ្លៃសេវាប្រកួតប្រជែង។

ជាមួយគ្នានេះ ដើម្បីអបអរសាទរនៃការបើកដំណើរការនូវមុខងារផ្ទេរប្រាក់ទៅប្រទេសវៀតណាមនៅលើកម្មវិធី MBCambodia My Bank App ធនាគារ អុឹមប៊ី ខេមបូឌា នឹងផ្តល់ជូនអតិថិជននូវប្រូម៉ូសិនពិសេសទៅលើប្រតិបត្តិការផ្ទេរប្រាក់ទៅប្រទេសវៀតណាមដោយឥតគិតថ្លៃសេវា និងសុវត្ថិភាព ចំនួន ១០០០ ប្រត្តិបត្តិការ តាមរយៈកម្មវិធី MBCambodia My​ Bank App ចាប់ពីថ្ងៃទី ១២ ខែសីហា ឆ្នាំ២០២៤ នេះតទៅ។

លោក Nguyen Anh Khanh  នាយកប្រតិបត្តិ នៃធនាគារ អុឹមប៊ី ខេមបូឌា បានថ្លែងថា ធនាគារ អុឹមប៊ី ខេមបូឌា ប្តេជ្ញាថា នឹងផ្តល់ជូនអតិថិជននូវសេវាកម្មផ្ទេរប្រាក់ប្រកបដោយភាពងាយស្រួល រហ័ស និង​សុវត្ថិភាព តាមរយៈប្រព័ន្ធឌីជីថលរបស់ធនាគារ ហើយឥឡូវនេះ អតិថិជននឹងទទួលបាននូវសេវាកម្មផ្ទេរប្រាក់ដ៏ល្អប្រសើរពីប្រទេសកម្ពុជាទៅប្រទេសវៀតណាម។ ធនាគារ អុឹមប៊ី ខេមបូឌា ប្តេជ្ញាថា ធានាជូននូវសុវត្ថិភាពរាល់ប្រត្តិបត្តិការផ្ទេរប្រាក់របស់អតិថិជនទៅកាន់ប្រទេសវៀតណាម តាមរយៈកម្មវិធី MBCambodia My Bank App ។

អំពីធនាគារ អុឹមប៊ី (ខេមបូឌា) ម.ក

ធនាគារ អុឹមប៊ី (ខេមបូឌា) ម.ក ដែលជាបុត្រសម្ព័ន្ធរបស់ អុឹមប៊ី គ្រុប គឺជាធនាគារពាណិជ្ជឈានមុខគេមួយនៅកម្ពុជាដែលចាប់ដំណើរការតាំងពីឆ្នាំ២០១១។ ធនាគារ អុឹមប៊ី ខេមបូឌា ប្តេជ្ញាថានឹងផ្តល់ជូននូវដំណោះស្រាយហិរញ្ញវត្ថុ ប្រកបដោយភាពច្នៃប្រឌិត និងសេវាកម្មល្អឥតខ្ចោះជូនអតិថិជន ។ រាល់ផលិតផល និងសេវាកម្មហិរញ្ញវត្ថុរបស់ធនាគារ ត្រូវបានរចនាឡើងដើម្បីបំពេញតម្រូវការ របស់អតិថិជនរបស់យើង ឲ្យបានកាន់ តែល្អប្រសើរថែមទៀត ជាមួយនឹងភាពងាយស្រួល និងសុវត្ថិភាព ។ ធនាគារ អុឹមប៊ី (ខេមបូឌា) ម.ក ត្រូវបានទទួលស្គាល់ជាធនាគារផ្ដល់សេវាល្អបំផុតសម្រាប់ពានរង្វាន់ធនាគារបុគ្គលក្នុងស្រុក និងពានរង្វាន់ឆ្នើមលើបរិយាបន្នហិរញ្ញវត្ថុសម្រាប់សហគ្រាសធុនតូច និងមធ្យម ពីទស្សនាវដ្តី Asian Banking & Finance ក្នុងប្រទេសសិង្ហបុរី។

សម្រាប់ព័ត៌មានបន្ថែម សូមអញ្ជើញមកកាន់ ធនាគារ អុឹមប៊ី (ខេមបូឌា) ម.ក សាខាព្រះនរោត្តម សាខាអូឫស្សី ឬសាខាបឹងកេងកង ឬទំនាក់ទំនងតាមទូរសព្ទលេខ 023 96 86 86។ សូមចូលរួមតាមរយៈទំព័រ Facebook [MB Bank Cambodia PLC]​(https://www.facebook.com/MBBankCambodiaPlc/)។ វែបសាយត៍៖ www.mbcambodia.com



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា ២០២៦ CAMESCO26 ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា

ព្រឹត្តិការណ៍, អត្ថបទពាណិជ្ជកម្ម

• 21/11/2026

ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា រាជធានីភ្នំពេញ ៖ សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា២០២៦ (CAMESCO26) បានប្រព្រឹត្តទៅនៅ សណ្ឋាគារ Shangri-La ភ្នំពេញ ដោយមានអ្នកចូលរួមប្រមាណ ៣០០ នាក់ តំណាងឱ្យស្ថាប័ន និងអង្គការចំនួន ២៤០។ ក្រោមប្រធានបទ៖

ក្រសួងទេសចរណ៍ ជំរុញ និងពង្រឹងសមត្ថភាពអ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍ផ្នែកភាសា

ព្រឹត្តិការណ៍, អាជីវកម្មថ្មី និងនវានុវត្ត

• 21/11/2026

ភ្នំពេញ ៖ ក្រសួងទេសចរណ៍ តាមរយៈនាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍ សហការជាមួយក្រុមហ៊ុន Edifyworld Co., Ltd នាថ្ងៃទី២០ ខែវិច្ឆិកា ឆ្នាំ២០២៦ នៅទីស្ដីការក្រសួង បានរៀបចំសិក្ខាសាលាពង្រឹងសមត្ថភាពគ្រូបង្គោល អ្នកវាយតម្លៃបង្គោល អ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍​ ផ្នែកភាសាអង់គ្លេសពិសេស (Master Class) ក្នុងវិស័យបដិសណ្ឋារកិច្ច

សាកល្បងជោគជ័យភ្លាម សហគមន៍កសិកម្មទំនើបស្រុកព្រះស្តេច ត្រៀមបង្កើនទុនដាំត្រសក់ផ្អែម ២៥ ០០០ដុល្លារ ភ្លែត!

ព្រឹត្តិការណ៍, សេដ្ឋកិច្ច

• 20/11/2026

ព្រៃវែង ៖ សហគមន៍កសិកម្មទំនើបស្រុកព្រះស្តេច ខេត្តព្រៃវែង គ្រោងពង្រីកផ្ទៃដីដាំត្រសក់ផ្អែម ២ប្រភេទដែលមានតម្រូវការខ្ពស់នៅលើទីផ្សារ ទៅដល់ ៤៥ ០០០ម៉ែត្រការ៉េ ឬស្មើនឹង ៥០ ខ្នងផ្ទះសំណាញ់ បន្ទាប់ពីជោគជ័យលើការប្រមូលផលសាកល្បងលើកដំបូងបានជិត ២តោន។ កញ្ញា ហួន ស៊ីអឺ ប្រធានសហគមន៍កសិកម្មទំនើប ស្រុកព្រះស្តេច បានប្រាប់បណ្តាញសារព័ត៌មាន

កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា

ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។ វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT)

ទីក្រុងស៊ិនជិន រយៈពេល ៩ ខែ ស្រូបទាញទុនវិនិយោគបរទេសកើនឡើងជាង ៦០ភាគរយ

ព្រឹត្តិការណ៍, អាជីវកម្មថ្មី និងនវានុវត្ត

• 20/11/2026

បរទេស ៖ ទីក្រុងស៊ិនជិន ឬ Shenzhen ដែលគេស្គាល់ថាជាប៉ូលបច្ចេកវិទ្យាដ៏សំខាន់នៅភាគខាងត្បូងប្រទេសចិន និងជាម្ចាស់ផ្ទះនៃកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ក្នុងឆ្នាំនេះ កំពុងក្លាយជាគោលដៅដ៏មានឥទ្ធិពលក្នុងការទាក់ទាញវិនិយោគិនពីបរទេស។ ជាក់ស្តែង ក្នុងរយៈពេល ៩ ខែដំបូងនៃឆ្នាំនេះ ទំហំទុនវិនិយោគផ្ទាល់ពីបរទេស (FDI) នៅក្នុងទីក្រុងនេះបានហក់ឡើងដល់ ៤៤ ពាន់លានយ័ន ឬប្រមាណ

រាជរដ្ឋាភិបាល ជំរុញឱ្យ​មានការវិនិយោគ​គម្រោងអភិវឌ្ឍរមណីយដ្ឋានទេសចរណ៍នៅលើកោះក្នុងខេត្ត​ព្រះសីហនុ

ព្រឹត្តិការណ៍, សេដ្ឋកិច្ច

• 20/11/2026

រដ្ឋាភិបាល​បានលើកទឹកចិត្ត​និង​ជំរុញ​ឱ្យមានការ​វិនិយោគតាមបណ្ដាកោះ​នានា​ក្នុងខេត្ត​ព្រះសីហនុ ជាពិសេស​វិស័យទេសចរណ៍

អតិផរណាស្នូលរបស់ជប៉ុនកើនឡើងលើសគោលដៅ ២ % ខណៈអ្នកជំនាញរំពឹងថា អត្រាការប្រាក់អាចនឹងដំឡើងខ្ពស់នៅក្នុងខែធ្នូ

ព្រឹត្តិការណ៍, សេដ្ឋកិច្ច

• 20/11/2026

អតិផរណាស្នូលប្រចាំឆ្នាំរបស់ជប៉ុនបន្តកើនឡើងលើសពីគោលដៅ ២ ភាគរយរបស់ធនាគារកណ្តាលពីរខែជាប់ៗគ្នា ដែលជំរុញឱ្យមានការរំពឹងទុកកាន់តែខ្ពស់អំពីការដំឡើងអត្រាការប្រាក់ក្នុងពេលឆាប់ៗខាងមុខ

ក្រុមហ៊ុនបច្ចេកវិទ្យាអវកាសរបស់បារាំង Thales និងសាកលវិទ្យាល័យ ខេមតិច ចាប់ដៃគូស្វែងរកកិច្ចសហប្រតិបត្តិការលើការអប់រំ និងការស្រាវជ្រាវក្នុងវិស័យអវកាសនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 20/11/2026

ភ្នំពេញ ៖ ក្រុមហ៊ុន «Thales» មកពីប្រទេសបារាំង និងសាកលវិទ្យាល័យ ខេមតិច (CamTech) បានចុះហត្ថលេខាលើអនុស្សរណៈនៃការយោគយល់គ្នា (MoU) នៅថ្ងៃទី ១៦ ខែវិច្ឆិកា ឆ្នាំ ២០២៦ ដើម្បីស្វែងរកកិច្ចសហប្រតិបត្តិការលើវិស័យអប់រំ និងការស្រាវជ្រាវផ្នែកអវកាស និងអាកាសចរណ៍។ កិច្ចព្រមព្រៀងនេះត្រូវបានចុះហត្ថលេខាដោយឧកញ៉ាវេជ្ជបណ្ឌិត ពុង

LOLC KHQR ផ្តល់ជូននូវភាពងាយស្រួល និងឱកាសឈ្នះរង្វាន់ទឹកប្រាក់ ១៦៨ ០០០ រៀល ដល់អាជីវករក្នុងឱកាសពិធីបុណ្យអុំទូកខាងមុខ!

ព្រឹត្តិការណ៍, អត្ថបទពាណិជ្ជកម្ម

• 20/11/2026

ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក កាន់តែខិតជិតមកដល់ហើយ ដែលជាពេលវេលាដ៏មមាញឹកសម្រាប់អាជីវករនៅតាមតំបន់ដែលមានអ្នកធ្វើដំណើរច្រើន ជាពិសេសភោជនីយដ្ឋាន ឬអាហារដ្ឋានដែលលក់ម្ហូបអាហារ ហាងលក់ទំនិញ ឬសេវាកម្មនានា។ ជាមួយនឹងការកើនឡើងនៃចំនួនអតិថិជន អាជីវករក៏អាចប្រឈមនឹងបញ្ហាមួយចំនួនក្នុងការគ្រប់គ្រងការទូទាត់ ដូចជា ការទទួលសាច់ប្រាក់ ការរាប់ប្រាក់ ការរៀបចំប្រាក់អាប់ និងការកត់ត្រាប្រតិបត្តិការលក់ប្រចាំថ្ងៃ។ ដើម្បីជួយសម្រួលដល់បញ្ហាប្រឈមទាំងនេះ អិលអូអិលស៊ី សូមផ្តល់ជូននូវដំណោះស្រាយទូទាត់ឌីជីថលតាមរយៈ

១៨ខែ ខេត្ត​​ភាគឦសានទទួលបានគម្រោង​វិនិយោគចំនួន ៧៦គម្រោង​ បង្កើតឱកាស​ការងារ​បានជាង​ ៨,៣ម៉ឺនកន្លែង​

ព្រឹត្តិការណ៍, សេដ្ឋកិច្ច

• 20/11/2026

ក្នុងរយៈពេលត្រឹមតែ១៨ខែ ឬ១ឆ្នាំកន្លះ តំបន់ភូមិភាគឦសាន​បានទទួល​គម្រោង​វិនិយោគ៧៦គម្រោង​ជាមួយនឹងទុនវិនិយោគ ២,៦៥ពាន់​លានដុល្លារអាម៉េរិក​បង្កើតការងារបានជា​ង៨ម៉ឺននាក់​


Leave a Reply

Your email address will not be published.Required fields are marked *