សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ Samraam ID (សំរាម អាយ ឌី) គឺជាកម្មវិធីថ្មីមួយដែលត្រូវបានបង្កើតឡើងដោយកូនខ្មែរ និងដាក់ឱ្យដំណើរការជាសាធារណៈក្នុងតំបន់ទីប្រជុំជន ជាពិសេសសម្រាប់អ្នកដែលរស់នៅក្នុងទីក្រុង (Smart City) ជាមួយនឹងបច្ចេកវិទ្យាទំនើបចុងក្រោយ ផ្តល់ភាពងាយស្រួលក្នុងការគ្រប់គ្រង និងទុកដាក់ទៅលើបញ្ហាសំរាម ដោយរាប់បញ្ចូលទាំងការរក្សាទុក ការរក្សាអនាម័យ ការដឹកជញ្ជូន ក៏ដូចជាការបង់វិភាគទានទៅលើថ្លៃសេវាប្រចាំខែដែលជាកាតព្វកិច្ចរបស់ប្រជាពលរដ្ឋផងដែរ។
លោក ជុំ បូរី អ្នកជំនាញបច្ចេកវិទ្យានៃទីក្រុងវៃឆ្លាត បានមានប្រសាសន៍ថា Samraam ID (សំរាម អាយ ឌី) អាចនិយាយបានថាជាបច្ចេកវិទ្យាថ្មីសម្រាប់ប្រជាជនកម្ពុជា ប៉ុន្តែសម្រាប់បណ្តាប្រទេសដែលមានការអភិវឌ្ឍ និងជឿនលឿននៅលើពិភពលោកគឺមានប្រើប្រាស់រួចទៅហើយ ប៉ុន្តែអ្វីដែលជាភាពល្អប្រសើរបោះត្រង់ថា អ្នកជំនាញបានសិក្សាបន្ថែម និងបញ្ចូលបច្ចេកវិទ្យាថ្មីបែបទំនើបចុងក្រោយបន្ថែម ដែលអាចនិយាយបានថា ជាកម្មវិធីថ្មីនាសម័យទំនើប។
អ្នកជំនាញរូបនេះបានពន្យល់ថា ៖
“ខ្ញុំជឿថា ប្រជាជនទូទៅភាគច្រើននៅមិនទាន់បានស្គាល់ថា អ្វីទៅជាកម្មវិធី Samraam ID នោះទេ ។ តាមការពិតទៅ Samraam ID នឹងដើរតួនាទីយ៉ាងសំខាន់ពាក់ព័ន្ធទៅនឹងបញ្ហាសំរាម និងបរិស្ថានស្អាត ហើយក៏មានភាពងាយស្រួលក្នុងការប្រើប្រាស់ដោយភ្ជាប់ជាមួយទូរស័ព្ទដៃស្មាតហ្វូនតែប៉ុណ្ណោះ”
លោកបានលើកឡើងថា នៅពេលដែលកម្មវិធី Samraam ID ត្រូវបានដាក់ឱ្យប្រើប្រាស់នៅក្នុងតំបន់ទីប្រជុំជនណាមួយ ជាពិសេសក្នុងទីក្រុងតែម្ដង គ្រប់ទីតាំងលំនៅដ្ឋាន ក៏ដូចជាកន្លែងធ្វើអាជីវកម្មផ្សេងៗនឹងទទួលបាន ID ជាអ្នកប្រើប្រាស់វេសាកម្ម។ ប្រជាពលរដ្ឋដែលជាម្ចាស់លំនៅដ្ឋាន ឬជាម្ចាស់ទីតាំងអាជីវកម្មផ្សេងៗនឹងបានដឹងពីពេលវេលា និងទីតាំងជាក់ច្បាស់នៃប្រតិបត្តិការរបស់ភ្នាក់ងារប្រមូលសំរាម។
នៅពេលដែលសំរាមមិនត្រូវបានប្រមូលដោយបុគ្គលិកដែលជាភ្នាក់ងារផ្នែកប្រមូលសំរាមនោះទេ ម្ចាស់ទីតាំងអាចរាយការណ៍បានតាមរយៈ ID របស់ខ្លួនទៅកាន់រដ្ឋបាលក្រុង ដើម្បីឱ្យមានការអន្តរាគមន៍តែម្ដង។ ដោយឡែក សម្រាប់មធ្យោបាយក្នុងការបង់ប្រាក់ ឬវិភាគទានប្រចាំខែ ប្រជាពលរដ្ឋដែលជាអ្នកប្រើប្រាស់សេវាអាចធ្វើការទូទាត់តាមរយៈវិក្កយបត្រឌីជីថលដោយប្រើស្មាតហ្វូន ឬអាចបង់តាមរយៈភ្នាក់ផ្ទេរប្រាក់ណាមួយដែលជាដៃគូសហការ ដូចជា ភ្នាក់វីង ជាដើម។
លោក ជុំ បូរី បានបញ្ជាក់ផងដែរថា តាមរយៈកម្មវិធីឆ្លាតវៃនៃការប្រមូលសំរាម (Samraam ID) នេះ អាជ្ញាធរ ក៏ដូចជារដ្ឋបាលតំបន់ក៏មានភាពងាយស្រួលក្នុងការគ្រប់គ្រងទៅលើចំណូលប្រចាំខែដែលបានមកពីការបង់ជាប្រចាំរបស់អ្នកប្រើសេវា។
ជាមួយនឹងការបញ្ជាក់ពីអត្ថបទប្រយោជន៍ដែលទទួលបានពីការប្រើប្រាស់បច្ចេកវិទ្យាថ្មីក្នុងការទុកដាក់សំរាមប្រកបដោយភាពឆ្លាតវៃនេះ លោក ជុំ បូរី បានសង្កត់ធ្ងន់ផងដែរ ការចូលរួមប្រើប្រាស់កម្មវិធីនេះ ក្រៅពីរក្សាបាននូវអនាម័យទីកន្លែងប្រកបអាជីវកម្ម ក៏ដូចជាទីកន្លែងស្នាក់នៅ ថែមទាំងបានចូលរួមក្នុងការថែរក្សាសោភ័ណភាពក្រុង/តំបន់ ក្នុងនាមជាពលរដ្ឋល្អក្នុងសង្គម ជាពិសេសទទួលបានផាសុភាពល្អរស់នៅក្នុងបរិស្ថានស្អាតផងដែរ។
សូមចូលរួមថែរក្សាបរិស្ថានស្អាតទាំងអស់គ្នា ដើម្បីទទួលបាននូវសុវត្ថិភាព ផាសុកភាព និងក្លាយជាពលរដ្ឋល្អទាំងអស់គ្នា !!!
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
រុស្ស៊ី ដំណើរការសេវាទូទាត់លុយគ្រីបតូជាសាច់ប្រាក់លើកដំបូងបំផុតរបស់ពិភពលោកក្នុងតម្លៃសេវាត្រឹមតែ ០,៣ភាគរយ
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
បរទេស ៖ ក្រុមហ៊ុនបច្ចេកវិទ្យាហិរញ្ញវត្ថុរុស្ស៊ី A7 បានប្រកាសដាក់ឱ្យប្រើប្រាស់សេវាកម្មទូទាត់ប្រាក់លើកដំបូងបំផុតរបស់ពិភពលោក ដែលអនុញ្ញាតឱ្យអតិថិជនផ្ទេរប្រាក់ឆ្លងប្រទេសដោយប្រើប្រាស់រូបិយប័ណ្ណគ្រីបតូ(Cryptocurrency)ជាមួយតម្លៃសេវាត្រឹមតែ ០,៣ភាគរយ។ យោងតាមការចេញផ្សាយរបស់កាសែត RT បានឲ្យដឹងថា ការបើកដំណើរការសេវាកម្មថ្មីដែលមានឈ្មោះថា A7 International នេះ បានជួយឱ្យក្រុមហ៊ុនអាចពង្រីកវិសាលភាពរបស់ខ្លួនទៅកាន់អន្តរជាតិបើទោះបីជាកំពុងរងទណ្ឌកម្មសេដ្ឋកិច្ចពីបណ្តាប្រទេសលោកខាងលិចក៏ដោយ។ តាមរយៈប្រព័ន្ធថ្មីនេះ អតិថិជនអាចទូទាត់ការផ្ទេរប្រាក់ជាប្រភេទរូបិយប័ណ្ណឌីជីថល USDT(ដែលជាប្រាក់គ្រីបតូមានតម្លៃថេរស្មើប្រាក់ដុល្លារអាមេរិក) ហើយអ្នកទទួលប្រាក់នឹងទទួលបានជាសាច់ប្រាក់តាមប្រព័ន្ធ SWIFT
ខ្សែភាពយន្តឯកសារ «LOOT: ការវិលត្រឡប់មកវិញនូវរតនសម្បត្តិវត្ថុកម្ពុជា» ត្រៀមចាក់បញ្ចាំងនៅតាមរោងភាពយន្តទូទាំងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦
ព្រឹត្តិការណ៍, អត្ថបទពាណិជ្ជកម្ម
• 13/10/2026
ភ្នំពេញ ៖ ខ្សែភាពយន្តឯកសារកម្រិតអន្តរជាតិ “LOOT” ដែលលាតត្រដាងពីបណ្តាញឧក្រិដ្ឋកម្មជួញដូរវត្ថុបុរាណខ្មែរជាសកល ដោយខុសច្បាប់ពីសំណាក់ជនបរទេស ត្រូវបានក្រុមហ៊ុន AMS (Apsara Media Services) សហការជាមួយក្រុមហ៊ុន New Theory Picture ចាក់បញ្ចាំងនៅតាមរោងភាពយន្តក្នុងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦ តទៅ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content