សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ការរស់នៅប្រកបដោយនិរន្តភាព (Sustainable Living) គឺជាសេចក្តីប្រាថ្នារបស់មនុស្សជាតិជាយូរមកហើយ ប៉ុន្តែវាគឺជាកិច្ចការងារដ៏ធំមួយដែលទាមទារនូវកិច្ចខិតខំពីគ្រប់ភាគីដែលពាក់ព័ន្ធ និងនៅគ្រប់ទីកន្លែងនៅទូទាំងសកលលោក។
ពន្យល់ឲ្យងាយយល់ ការរស់នៅប្រកបដោយនិរន្តរភាពគឺជារបៀបរស់នៅថ្មីផ្តោតសំខាន់ឲ្យខាងតែបានទៅលើការកាត់បន្ថយកាកសំណល់ឲ្យនៅតិចតួចបំផុត ការកំណត់ការប្រើប្រាស់ធនធានធម្មជាតិរបស់ផែនដីឲ្យបានអប្បរិមា ការប្រើប្រាស់បរិស្ថានជុំវិញប្រកបដោយភាពឆ្លាតវៃ ក៏ដូចជាការធានាបាននូវគុណភាពការងារព្រមទាំងបរិស្ថានរស់នៅ។
ដើម្បីសម្រេចបានផែនការជាប្រវតិ្តសាស្ត្រសម្រាប់មនុស្សជាតិទាំងនេះគឺមិនមែនជារឿងងាយស្រួលនោះទេ ប៉ុន្តែអ្វីដែលយើងអាចមើលឃើញនូវសកម្មភាពចូលរួមគាំទ្រយ៉ាងសំខាន់ៗដែលមិនអាចខ្វះបាននោះមានចំនួន២ គឺការអភិវឌ្ឍហេដ្ឋារនាសម្ព័ន្ធបៃតង (Green Infrastructure) ក៏ដូចជាកិច្ចការងារអភិវឌ្ឍទីក្រុងឆ្លាតវ៉ៃ ( Smart City) ។
គោលការណ៍ចំបងសម្រាប់ផែនការការអភិវឌ្ឍទាំង២ខាងលើសុទ្ធតែមានសមាសធាតុដាច់ដោយឡែក និងជាចំណែកពាក់ព័ន្ធខ្លាំងស្របទៅនឹងតាមតំរូវការនៃការរស់នៅប្រកបដោយនិរន្តភាព។
ហេដ្ឋារចនាសម្ព័ន្ធពណ៌បៃតង (Green Infrastructure) សំដៅលើបណ្តាញ និងធាតុផ្សំនានាសម្រាប់ការកែប្រែ និងដោះស្រាយបញ្ហាប្រឈមក្នុងទីក្រុងទៅនឹងបញ្ហាអាកាសធាតុដោយការអភិវឌ្ឍប្រកាន់ខ្ជាប់ជាមួយនឹងធម្មជាតិ។ ធាតុផ្សំសំខាន់ៗនៃវិធីសាស្រ្តនេះរួមមាន ការគ្រប់គ្រងទឹក ការបន្សាំអាកាសធាតុ ការកាត់បន្ថយកំដៅ ការបង្កើនជីវចម្រុះ ការផលិតអាហារដែលមិនប៉ះពាល់សុខភាព ការធ្វើឲ្យគុណភាពខ្យល់ប្រសើរជាងមុន ការផលិតថាមពលប្រកបដោយនិរន្តរភាព ទឹកស្អាត និងដីដែលមានសុខភាពល្អ ព្រមទាំងមុខងារជាច្រើនទៀត ដើម្បីបង្កើនគុណភាពជីវិត ដូចជា តាមរយៈការកំសាន្ត និងការផ្ដល់ម្លប់ ផ្តល់ទីជម្រកទាំងនៅក្នុង និងនៅជុំវិញទីក្រុង ។
ដោយឡែកទីក្រុងឆ្លាតវៃ ( Smart City )គឺជាការអភិវឌ្ឍទីក្រុងប្រកបដោយភាពងាយស្រួល និងមាននិរន្តភាពចំពោះបរិស្ថានដូចគ្នាដែរ ប៉ុន្តែតាមរយៈការប្រើប្រាស់បច្ចេកវិទ្យាវៃឆ្លាតដែលអាចជួយឲ្យការរស់នៅ,ការប្រកបមុខរបររកស៊ី ឬប្រកបអាជីវកម្មកាន់តែមានប្រសិទ្ធភាព។
ដូច្នេះយើងអាចមើលឃើញហើយថា ខណៈពេលដែលទីក្រុងឆ្លាតវៃផ្តោតលើបច្ចេកវិទ្យាទំនាក់ទំនងដ៏ទំនើបជុំវិញសកម្មភាពនានាក្នុងទីក្រុង ហេដ្ឋារចនាសម្ព័ន្ធបៃតងក៏នឹងអាចចូលរួមចំណែក្នុងការប្រើប្រាស់ធនធានកាន់តែល្អប្រសើរ ប៉ុន្តែផ្នែកទាំងពីរសុទ្ធតែមានគោលដៅដូចគ្នា ដើម្បីបង្កើនគុណភាពជីវិតរស់នៅរបស់មនុស្សជាតិ។ ដូច្នេះ ការរស់នៅប្រកបដោយនិរន្តភាពនឹងអាចក្លាយទៅជាការពិតនៅពេលដែលកិច្ចខិតខំទាំងពីរអាចដំណើរការទៅបានជោគជ័យនាពេលអនាគត៕
Account
Security
Favourite Content