សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សណ្ឋាគារ «ហៃយ៉ាត់ រីជិនស៊ី ភ្នំពេញ» លំដាប់ផ្កាយ៥ប្រចាំនៅក្នុងរាជធានីភ្នំពេញដែលមានតម្លៃ១៨០លានដុល្លារ ក្រោមការវិនិយោគ និងអភិវឌ្ឍន៍ដោយក្រុមហ៊ុន ជីប ម៉ុង ត្រូវបានបើកសម្ពោធដាក់ឱ្យដំណើរការជាផ្លូវការហើយនៅព្រឹកថ្ងៃទី១៥ ខែធ្នូ ឆ្នាំ២០២១នេះ ក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា។
ជាសណ្ឋាគារបែបប្រណីតកម្រិតពិភពលោកផ្កាយ៥ «ហៃយ៉ាត់ រីជិនស៊ី ភ្នំពេញ» ដែលជាយីហោដ៏ល្បីជាសាកលបានបង្ហាញវត្តមានលើកដំបូងនៅកម្ពុជា ដែលមានទីតាំងស្ថិតនៅចំកណ្តាលមជ្ឈមណ្ឌលពាណិជ្ជកម្មដ៏មមាញឹកនៃរាជធានីភ្នំពេញ ត្រូវបានវិនិយោគទុនដោយក្រុមហ៊ុនជីបម៉ុង។
អ្នកឧកញ៉ា លាង ឃុន សហស្ថាបនិក និងប្រធានក្រុមប្រឹក្សាភិបាលក្រុមហ៊ុន ជីប ម៉ុង បានមានប្រសាសន៍ឱ្យដឹងថា ក្នុងឆ្នាំ២០១៦ ក្រុមហ៊ុន ជីប ម៉ុង បានចាប់ផ្តើមវិនិយោគនៅក្នុងវិស័យបដិសណ្ឋារកិច្ចតាមរយៈការនាំយកយីហោសណ្ឋាគារលំដាប់អន្តរជាតិ «ហៃយ៉ាត់ រីជិនស៊ី» ដ៏ល្បីរបស់សហរដ្ឋអាមេរិកមកកាន់កម្ពុជា។ សណ្ឋាគារ «ហៃយ៉ាត់ រីជិនស៊ី» គឺជាពាណិជ្ជកម្មមួយរបស់ «ហៃយ៉ាត់ ហូថែល ខបភើរេសិន» ដែលជាក្រុមហ៊ុនលំដាប់ពិភពលោក និងកំពុងប្រតិបត្តិការ ជាង ៩០០ទីតាំង នៅក្នុង៦៥ប្រទេស។
អ្នកឧកញ៉ាបានឱ្យដឹងថា ក្រុមហ៊ុនបានរៀបចំពិធីបញ្ចុះបឋមសិលាបើកការដ្ឋានសាងសង់សណ្ឋាគារនាដើមឆ្នាំ២០១៧ ហើយបញ្ចប់ការសាងសង់គ្រោងអគារទាំងមូលនាពាក់កណ្តាលឆ្នាំ២០១៩។ សណ្ឋាគារ «ហៃយ៉ាត់ រីជិនស៊ី ភ្នំពេញ» បានបញ្ចប់ការសាងសង់ស្ថាពរ និងដំណើរការសាកល្បងនៅដើមឆ្នាំ២០២១ ដោយត្រូវបានសាងសង់លើផ្ទៃដីទំហំ ៧ ០៣១ម៉ែត្រការ៉េ ស្ថិតនៅចំកណ្ដាលបេះដូងនៃរាជធានីភ្នំពេញ ក្នុងសង្កាត់ជ័យជម្នះ ខណ្ឌដូនពេញ ដោយប្រើប្រាស់ថវិការវិនិយោគសរុបចំនួន ១៨០លានដុល្លារ។
សណ្ឋាគារនេះមានបន្ទប់ចំនួន ២៤៧បន្ទប់ ដែល ៤៣បន្ទប់ជាបន្ទប់ប្រភេទស្វីត។ សណ្ឋាគារ ក៏មានរីជិនស៊ីក្លិប (Regency Club) ដែលជាកន្លែងសម្រាប់ទទួលភ្ញៀវលំដាប់ វីអាយភី ស្ថិតនៅជាន់ទី១០។ រីជិនស៊ី ប៊លរូម (Regency Ballroom) ជាសាលដ៏ធំទូលាយនិងទំនើបសម្រាប់រៀបចំកម្មវិធីនិងកិច្ចប្រជុំគ្រប់ប្រភេទ។
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាបានមានប្រសាសន៍ថា ការបើកសម្ពោធដាក់ឲ្យដំណើរការជាផ្លូវការនូវសណ្ឋាគារលំដាប់ផ្កាយ៥ «ហៃយ៉ាត់ រីជិនស៊ី ភ្នំពេញ» នៅពេលនេះ គឺជាការគោះជួងបញ្ជាក់ពីកម្ពុជាបើកទ្វារទទួលទេសចរណ៍មកពីគ្រប់បណ្តាប្រទេសនានានៅលើសកលលោកដែលបានចាក់វ៉ាក់សាំងពេញលេញ និងមានសុវត្ថិភាព ខណៈដែលសេដ្ឋកិច្ចលើគ្រប់វិស័យក៏បានបើកដំណើរការឡើងវិញ។
សម្ដេចបានបន្តឲ្យដឹងថា សេដ្ឋកិច្ចកម្ពុជានឹងកាន់តែល្អប្រសើរ វិស័យទេសចរណ៍នឹងកាន់តែរីកចម្រើនជាងនេះ ខណៈដែលប្រជាពលរដ្ឋកម្ពុជាភាគច្រើនបានទទួលការចាក់វ៉ាក់សាំងបង្ការជំងឺកូវីដ-១៩រួចរាល់ ដែលជាការបង្ហាញពីសុវត្ថិភាព ជាក់ស្ដែង ចាប់តាំងពីអំឡុងបុណ្យភ្ជុំបិណ្ឌ ថ្ងៃឈប់សម្រាកព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក ក៏ដូចជាថ្ងៃឈប់សម្រាកចុងសប្ដាហ៍ ទេសចរក្នុងស្រុកបានចេញកម្សាន្តនៅតាមតំបន់រមណីយដ្ឋាននានាទូទាំងប្រទេសយ៉ាងកុះករ ដែលសរុបប្រមាណ២លាននាក់ ហើយនៅឆ្នាំបន្ទាប់ក្រោយពេលបើកទទួលទេសចរវ៉ាក់សាំងកំណើននឹងបន្តើនឡើងខ្ពស់ជាងនេះបន្ថែមទៀត៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
Kukula Solar ធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍ក្រីក្រ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 25/04/2024
គំរូអាជីវកម្មបរិយាបន្នរបស់ Kukula Solar គឺការធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍មូលដ្ឋាន ដើម្បីជំរុញការធ្វើទីផ្សារផលិតផលពន្លឺព្រះអាទិត្យ និងផ្តល់ការគាំទ្របន្ថែមដូចជាការជួសជុល និងសេវាកម្មអតិថិជនក្នុងសហគមន៍របស់ពួកគេ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content