សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រាជធានីភ្នំពេញ ជាតំបន់ដែលមានការទាក់ទាញលើការវិនិយោគច្រើនជាងគេក្នុងចំណោមបណ្ដាខេត្ត/ក្រុងផ្សេងទៀតក្នុងព្រះរាជាណាចក្រកម្ពុជា ដូច្នេះតម្លៃដីធ្លីក្នុងក៏ឃើញមានអត្រាខ្ពស់ជាងគេដែរ ដោយតំបន់ខ្លះមានតម្លៃរហូតទៅដល់ជាង ១ម៉ឺនដុល្លារអាមេរិកក្នុងមួយម៉ែត្រការ៉េ ។ មានដឹងទេថា តំបន់ណាខ្លះដែលមានតម្លៃខ្ពស់ជាងគេនៅក្នុងចំណោមបណ្តាខណ្ឌទាំ ១៤ ?
ជាការគួរឱ្យកត់សម្គាល់ តំបន់ដែលមានតម្លៃដីខ្ពស់ជាងគេក្នុងរាជធានីភ្នំពេញ គឺតំបន់ដែលស្ថិតនៅកណ្ដាលក្រុង និងមានអាជីវកម្មចម្រុះជាងគេ ។ នៅថ្ងៃនេះ សារព័ត៌មាន AMS Economy នឹងបង្ហាញតំបន់ចំនួន៣ ដែលមានតម្លៃដីធ្លីថ្លៃជាងគេ ។
១.សង្កាត់ផ្សារថ្មីទី១ , ទី២ និងទី៣ ក្នុងខណ្ឌដូនពេញ ៖ តំបន់នេះ ជាមានការមមាញឹកទៅលើពាណិជ្ជកម្ម និងលំនៅឋាន ដោយមានសណ្ឋាគារ ខុនដូ អាផាតមិន ផ្សារទំនើបតូចធំ និងអាជីវកម្មជាច្រើនទៀត ។ តម្លៃដីក្នុងតំបន់នេះ គេឃើញថាមានតម្លៃរហូតដល់ ១៣ ០០០ដុល្លារអាមេរិកក្នុងមួយម៉ែត្រការ៉េ ហើយតំបន់នេះដែរក៏មិនសូវមានដីទំនេរច្រើននោះដែរ ។
២. តំបន់ក្នុងសង្កាត់ផ្សារកណ្ដាលទី១ និងទី២ ក្នុងខណ្ឌដូនពេញដូចគ្នា ក៏ឃើញថា តម្លៃដីខ្ពស់ជាងគេដែរក្នុងចំណោមបណ្ដាតំបន់ផ្សេងក្នុងរាជធានីភ្នំពេញ ដោយសារតែតំបន់នេះក៏នឹងជិតនឹងសង្កាត់ផ្សារថ្មីដែរ ។ តម្លៃដីក្នុងតំបន់មានចន្លោះចាប់ពី ២ ៨០០ដុល្លារអាមេរិក ទៅដល់ ១២ ០០០ដុល្លារអាមេរិកក្នុងមួយម៉ែត្រការ៉េ ដោយបែកចែកទៅលើតំបន់ជាប់ផ្លូវធំ ឬផ្លូវតូច ។
៣. តំបន់ក្នុងសង្កាត់បឹងកេងកង១ ក្នុងខណ្ឌបឹងកេងកង ៖ តំបន់នេះជាតំបន់ដែលមានតម្លៃខ្ពស់មួយដែរក្នុងរាជធានីភ្នំពេញ ដោយឃើញថា វាជាតំបន់ពាណិជ្ជកម្មផង និងតំបន់លំនៅឋានផង ដោយមានអាជីវកម្មជាច្រើនរីកដុះដាលក្នុងតំបន់នេះ ។ ថ្មីៗនេះដែរ ក៏មានការអភិវឌ្ឍទៅលើអគារខុនដូខ្ពស់ៗ អគារការិយាល័យជាច្រើនទៀតដុះឡើងជាបន្តបន្ទាប់។ ដីធ្លីក្នុងតំបន់នៃសង្កាត់បឹងកេងកង ខណ្ឌបឹងកេងកង មានតម្លៃខ្ពស់បំផុតដល់ ៩ ៨០០ដុល្លារអាមេរិកក្នុងមួយម៉ែត្រការ៉េ ។
ថ្វីដ្បិតតែតំបន់ទាំងនេះមានតម្លៃខ្ពស់ក៏ពិតមែន ប៉ុន្តែការទិញលក់ដីធ្លីក្នុងតំបន់ទាំងនោះក៏មិនសូវមមាញឹកដែរ ដោយសារតែអ្នកទិញគឺជាអ្នកអភិវឌ្ឍន៍ ដោយទិញហើយសង់អគារខ្ពស់ៗ ដូចជា ខុនដូ អាផាតមិន អគារការិយាល័យ សណ្ឋាគារ ទើបអាចរកប្រាក់ចំណេញត្រលប់មកវិញ ហើយអ្នកទិញក្នុងតំបន់ទាំងនេះ ក៏មិនមែនជាអ្នកវិនិយោគដីធ្លី (ទិញដើម្បីចំណេញ)ដែរ ព្រោះថា អត្រានៃការឡើងថ្លៃដីក្នុងតំបន់ដែលមានតម្លៃខ្ពស់ស្រាប់ គឺមានតិចបំផុត ៕
Account
Security
Favourite Content