សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ វេទិកាស្ថាបត្យកម្ម ក្រោមប្រធានបទ “កម្ពុជារះជាថ្មី ៖ The Rise” ត្រូវបានរៀបចំឡើងក្នុងគោលបំណងចែករំលែកបទពិសោធន៍ និងចំណេះដឹងទាក់ទងវិស័យស្ថាបត្យកម្ម ព្រមទាំងផ្សារភ្ជាប់ទំនាក់ទំនងរវាងអ្នកនៅលើវិស័យតែមួយ បង្កើនភាពស្និទ្ធស្នាលរវាងស្ថាបត្យករ និងអ្នកជំនាញផ្សេងៗ សិក្សា និងស្វែងយល់អំពីវិស័យស្ថាបត្យកម្មកម្ពុជាពីអ្នកចូលរួម ផ្លាស់ប្ដូរ និងចែករំលែកទាក់ទងនឹងបទពិសោធន៍ក្នុងដំណើរស្ថាបត្យកម្ម។
វេទិកានេះ ត្រូវបានរៀបចំឡើងដោយស្ថាប័ន INNEX នៅរសៀលថ្ងៃទី២៦ ខែឧសភា ឆ្នាំ២០២៥ នៅមជ្ឈមណ្ឌលកិច្ចសហប្រតិបត្តិការកម្ពុជា-កូរ៉េ (CKCC) រាជធានីភ្នំពេញ។
វេទិកាស្ថាបត្យកម្ម ជាវេទិកាដែលស្ថាបត្យករ អ្នកជំនាញក្នុងវិស័យពាក់ព័ន្ធ និងអ្នកស្រលាញ់ការរចនាចូលរួមជាមួយគ្នាជាសហគមន៍ ក្នុងនោះមានវត្តមានវាគ្មិនកិត្តិយសដែលជាស្ថាបត្យករមានស្នាដៃផ្សេងៗគ្នា បានមកចែករំលែក ធ្វើបទបង្ហាញ និងជជែកក្រោមខ្លឹមសារតែមួយគឺ “កម្ពុជារះជាថ្មី The Rise” ផ្ដោតទៅលើការឆ្លុះបញ្ចាំងពីភាពរីកចម្រើន តាមរយៈការថែរក្សាអភិរក្ស និងអភិវឌ្ឍន៍ផ្នត់គំនិតលើសិល្បៈស្ថាបត្យកម្មនាពេលបច្ចុប្បន្ន បន្ទាប់ពីកម្ពុជាបានឆ្លងកាត់ដាននៃប្រវត្តិសាស្រ្តកន្លងមក។
វាគ្មិនដែលមានជំនាញ និងបទពិសោធន៍ល្បីៗដែលបានចែករំលែកក្នុងវេទិកានេះរួមមាន៖ ឯកឧត្ដមបណ្ឌិត លី រស្មី រដ្ឋលេខាធិការនៃក្រសួងរៀបចំដែនដី នគរូបនីយកម្ម និងសំណង់ ដែលបានចែករំលែកអំពី“បច្ចេកទេសគូសវាសស្ថាបត្យកម្ម”, លោកស្រី សូ សុគន្ធារី ប្រធានកិត្តិយសផ្នែកស្ថាបត្យកម្ម និងនគរូបនីយវិទ្យានៃសាកលវិទ្យាល័យន័រតុន ដែលបានបង្ហាញពីស្ថាបត្យកម្ម និងបេតិកភណ្ឌ, លោក ស៊ី សុវណ្ណ ស្ថាបត្យករ និងជាស្ថាបនិកនៃ V Architecture & Landscape design ដែលធ្វើបទបង្ហាញក្រោមប្រធានបទ “ស្នូលបេះដូងនៃការរចនាស្ថាបត្យកម្មបដិសណ្ឋារកិច្ច”។
ចំណែកវាគ្មិនដែលបានជជែកនៅក្នុងកិច្ចពិភាក្សា រួមមាន លោក ហ៊ុន ចាន់សាន ស្ថាបនិក និងជានាយកស្ថាបត្យករនៃ Re : Edge Architecture , លោក ជុំ ឡា អនុប្រធានផ្នែកស្ថាបត្យកម្ម និងជាប្រធានផ្នែក BIM នៃ Archetype Cambodia និងលោក David Ooi នាយកគម្រោងជាន់ខ្ពស់នៃ Urban Living Solutions ៕
Account
Security
Favourite Content