សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការអភិវឌ្ឍខុនដូនៅក្នុងប្រទេសកម្ពុជាត្រូវបានមើលឃើញថា ចាប់ផ្ដើមមានសន្ទុះគួរឱ្យចាប់អារម្មណ៍នៅក្នុងអំឡុងពេលប្រមាណ ៤-៥ ឆ្នាំមុននេះ ហើយក៏ជាពេលវេលាដែលប្រជាពលរដ្ឋកម្ពុជាចាប់ផ្ដើមមងាកទៅរកការរស់នៅក្នុងខុនដូកាន់តែច្រើនផងដែរ ។
លោក ខន គង្គារ អគ្គនាយកក្រុមហ៊ុនភ្នាក់ងារអចលនទ្រព្យ ERA Cambodia បានលើកឡើងឱ្យដឹងថា តាមពិតទៅការអភិវឌ្ឍខុនដូនៅក្នុងប្រទេសកម្ពុជាមានតាំងយូរមកហើយ តែកាលនោះការសាងសង់អគារខុនដូខុសពីសម័យនេះ តួយ៉ាងដូចជាសំណង់អគារសហកម្មសិទ្ធិដែលត្រូវបានវាយកំទិចដោយសារអាយុកាលយូរឆ្នាំ ចាស់ទ្រុឌទ្រោម (អគារប៊ូឌីង) និងសំណង់អគារចាស់ៗមួយចំនួនទៀត។ ក្រោយមកទៀតទំនោរនេះ ក៏បានបាត់បង់ទៅវិញ ហើយការរស់នៅបែបនេះក៏មិនមានស្ដង់ដារដែរ រហូតមកដល់ឆ្នាំ២០០៦ កម្ពុជាក៏ចាប់ផ្ដើមមានការអភិវឌ្ឍអគារខុនដូដែលស្តង់ដារ ខណៈអ្នកអភិវឌ្ឍន៍អគារខុនដូនៅកម្ពុជាភាគច្រើនជាវិនិយោគិនកូរ៉េ ហើយអ្នកស្នាក់នៅ ស្ទើរតែទាំងស្រុង ក៏ជាជនបរទេសដែរ ។
លោក ខ គង្គារ បានបន្តទៀតថា ៖
“រហូតមកដល់អំឡុងឆ្នាំ២០១៧ ឬ២០១៨ កន្លងទៅនេះ ប្រជាពលរដ្ឋកម្ពុជាក៏ចាប់ផ្ដើមចាប់អារម្មណ៍លើការរស់នៅក្នុងខុនដូច្រើន និងភាគច្រើនជាយុវជនដែលធ្លាប់ទៅសិក្សា និងធ្វើការនៅក្រៅប្រទេស និងបានធ្វើឱ្យការអភិវឌ្ឍន៍ខុនដូនៅក្នុងប្រទេសកម្ពុជាចាប់ផ្ដើមមានសន្ទុះកាន់តែខ្លាំងឡើង ហើយក៏ជំរុញឱ្យអ្នកអភិវឌ្ឍន៍ខុនដូនៅក្នុងប្រទេសកម្ពុជា សម្របទៅតាមការរស់នៅរបស់ប្រជាពលរដ្ឋ និងធ្វើទំនើបកម្មកាន់តែខ្លាំងជាងមុនបន្ថែម”
ជាការគួរឱ្យកត់សម្គាល់ ប្រជាពលរដ្ឋកម្ពុជាដែលទិញខុនដូច្រើនជាងគេនោះគឺជាមនុស្សដែលមានវ័យចន្លោះពី ៣៥ – ៤៥ឆ្នាំ ។
លោកបញ្ជាក់ថា ៖
“កំណើនពលរដ្ឋក្នុងស្រុកចាប់ផ្ដើមងាកទៅរស់នៅក្នុងខុនដូច្រើន ចាប់តាំងពីកម្ពុជាបានបើកចំហរការវិនិយោគពីខាងក្រៅ ហើយប្រជាពលរដ្ឋកម្ពុជាដែលមានជីវភាពធូរធាទៅកម្សាន្តនៅក្រៅស្រុកញឹកញាប់ និងបានមើលឃើញពីការរស់នៅក្នុងខុនដូប្រទេសគេមានលក្ខណៈងាយស្រួល រួចហើយក៏ចាប់ផ្ដើមមកស្រុកវិញស្វែងរកទិញខុនដូស្នាក់នៅ បូករួមជាមួយសិស្ស-និស្សិត បញ្ចប់ការសិក្សានៅក្រៅប្រទេសចូលមករស់នៅក្នុងស្រុកវិញ”
លោក រិន ច័ន្ទរឹទ្ធ អគ្គនាយកក្រុមហ៊ុន DNZ Realty បានឱ្យដឹងផងដែរថា តាមរយៈការលក់គម្រោងខុនដូរបស់ក្រុមហ៊ុន លោកបានមើលឃើញថា មានប្រជាពលរដ្ឋកម្ពុជាច្រើនបានទិញគម្រោងខុនដូ ហើយក្រុមការងាររបស់លោកលក់សឹងតែ១០០ភាគរយទៅលើជនជាតិខ្មែរ និងមានជនបរទេសតិចតួចប៉ុណ្ណោះ ជាពិសេសនៅក្នុងវិបត្តិនៃកូវីដ១៩ដែលជនបរទេសមិនអាចចូលមកម្ពុជា និងប្រជាពលរដ្ឋកម្ពុជាមិនអាចចេញទៅក្រៅប្រទេសបាន ។ លោកថា តាមរយៈកំណើននៃប្រជាពលរដ្ឋងាកទៅរស់ក្នុងខុនដូ អ្នកអភិវឌ្ឍន៍គួរតែបង្កើនការផ្គត់ផ្គង់ខុនដូសម្រាប់តម្រូវនឹងប្រជាពលរដ្ឋក្នុងស្រុក ជាពិសេសការអភិវឌ្ឍខុនដូដែលមានតម្លៃសមរម្យ និងមានចំណតធំទូលាយ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រយៈពេល ៣ឆ្នាំ កម្ពុជាទទួលបានគម្រោងវិនិយោគសរុបចំនួនជាង ១៤៩០គម្រោង ក្នុងទំហំទុនវិនិយោគជិត ២៦ពាន់លានដុល្លារ
Top News, ព្រឹត្តិការណ៍, សេដ្ឋកិច្ច
• 21/08/2026
ចាប់តាំងពីការកកើតរាជរដ្ឋាភិបាលក្នុងអាណត្តិទី៧ រហូតដល់ដំណាច់ខែកក្កដា ឆ្នាំ២០២៦ ក្រុមប្រឹក្សាអភិវឌ្ឍន៍កម្ពុជាទទួលបានគម្រោងវិនិយោគចុះបញ្ជីសរុបចំនួន ១ ៤៩៣គម្រោង ជាមួយនឹងដើមទុនសរុបចំនួនជិត ២៦ពាន់លានដុល្លារអាម៉េរិក
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
អ្នកជំនាញ មើលឃើញសេដ្ឋកិច្ចកម្ពុជាបន្តរឹងមាំ ទោះស្ថិតក្នុងវិបត្តិសេដ្ឋកិច្ចសកលក៏ដោយ
អ្នកជំនាញសេដ្ឋកិច្ចវិស័យឯកជនព្រមានពីការចំណាយរបស់ពលរដ្ឋអាម៉េរិកកើនឡើងខ្ពស់ ខណៈមន្ត្រីរដ្ឋាភិបាលនិយាយថា ជាសញ្ញាល្អរបស់សេដ្ឋកិច្ច
Account
Security
Favourite Content