សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជាមួយនឹងដំណើរការនៃវឌ្ឍនភាពរបស់កម្ពុជា ជាពិសេសវិស័យសំណង់គ្រប់ប្រភេទនៅក្នុងតំបន់ទីប្រជុំជននៃរាជធានីភ្នំពេញក្នុងនាមជាមជ្ឈមណ្ឌលពាណិជ្ជកម្មពិសេសនៃកម្ពុជា បានជំរុញឲ្យតម្រូវការនៃការប្រើប្រាស់ដីបន្តរីកទៅកាន់តំបន់បន្ទាប់ដែលស្ថិតនៅជាយក្រុងរហូតដល់ប្រមាណ៦០គីឡូម៉ែត្រ។ នេះបើតាមការលើកឡើងរបស់លោកឧកញ៉ា នួន រិទ្ធី ប្រធានក្រុមប្រឹក្សាភិបាលក្រុមហ៊ុន KFA Group កាលពីពេលថ្មីៗនេះ។
លោកឧកញ៉ា នួន រិទ្ធី ប្រធានក្រុមប្រឹក្សាភិបាលក្រុមហ៊ុន KFA Group ដែលជាអ្នកវិនិយោគ និងអភិវឌ្ឍន៍ក្នុងវិស័យសំណង់លំនៅដ្ឋានបានមានប្រសាសន៍ប្រាប់ AMS ថា ពីមួយឆ្នាំទៅមួយឆ្នាំកំណើនប្រជាសាស្ត្រ កំណើនគម្រោងវិនិយោគ និងគម្រោងអភិវឌ្ឍន៍ថ្មីៗបានបន្តចូលមកកាន់រាជធានីភ្នំពេញមានជាបន្តបន្ទាប់ ដែលចាំបាច់ត្រូវតែមានការពង្រីកដែនក្រុងឲ្យកាន់តែមានវិសាលភាពធំទូលាយ។
លោកឧកញ៉ាបានបន្តថា ៖
“យើងឃើញហើយថា ក្នុងរយៈពេលប្រមាណ២ឆ្នាំចុងក្រោយនេះ បើទោះជាមានបញ្ហានៃជំងឺកូវិដអូសបន្លាយ ប៉ុន្តែសកម្មភាពសាងសង់សំណង់ផ្សេងៗ ជាពិសេសផ្នែកលំនៅដ្ឋាននៅតែបន្តមិនមានការផ្អាក ឬធ្លាក់ដល់ចំណុចសូន្យនោះទេ ខណៈដែលរាជរដ្ឋាភិបាលកម្ពុជាដែលមានសម្ដេចតេជោ ហ៊ុន សែន ជាប្រមុខដឹកនាំ បានទម្លាក់ថវិកាយ៉ាងសន្ធឹកសន្ធាប់សម្រាប់ទប់ស្កាត់បញ្ហា ជួយទ្រទ្រង់កំណើនសេដ្ឋកិច្ច និងជំរុញការអភិវឌ្ឍន៍ហេដ្ឋារចនាសម្ព័ន្ធនានានៅទូទាំងប្រទេស រហូតទទួលបានលទ្ធផលគួរជាទីមោទនដូចពេលបច្ចុប្បន្ននេះ”
លោកឧកញ៉ាបន្តថា ៖
“កាលពី៣ឆ្នាំមុន តំបន់ដែលទាក់ទាញការវិនិយោគ និងអភិវឌ្ឍន៍នៅជុំវិញក្រុងមានប្រជាប្រិយភាពក្នុងរយៈចម្ងាយប្រមាន ២៥ ទៅ ៣០គីឡូម៉ែត្រពីរាជធានីភ្នំពេញ ប៉ុន្តែចាប់ពីចុងឆ្នាំ២០២១ ជាពិសេសដើមឆ្នាំ២០២២ ក្រោយបញ្ហានៃវិបត្តិកូវីដត្រូវបានថមថយដោយការស្រោចវ៉ាក់សាំងនៅទូទាំងប្រទេសកម្ពុជានោះ តម្រូវការដីសម្រាប់គម្រោងអភិវឌ្ឍន៍នានានឹងបន្តរីកបន្ថែមទៀតរហូតដល់ប្រមាណ ៥០ ទៅ ៦០គីឡូម៉ែត្រ ខណៈដែលគម្រោងវិនិយោគ និងអភិវឌ្ឍន៍ថ្មីចាប់ផ្តើមបង្ហាញខ្លួន”
ជាមួយនឹងការលើកឡើងខាងលើនេះ លោកឧកញ៉ា នួន រិទ្ធី ដែលត្រូវបានគេស្គាល់ថាជាអ្នកជំនាញ និងមានភាពជោគជ័យនៅក្នុងវិស័យអចលនទ្រព្យកម្ពុជាបានបញ្ជាក់ថា នៅឆ្នាំបន្ទាប់នេះ តំបន់ដែលស្ថិតនៅជុំវិញរាជធានីភ្នំពេញនឹងមានលេចចេញនូវរូបភាពគម្រោងអភិវឌ្ឍន៍ដូចផ្សិត និងស្ថិតនៅតាមទិសគោលដៅផ្សេងគ្នា ដូចជានៅទិសខាងជើង និងខាងកើត ជាគម្រោងអភិវឌ្ឍលំនៅដ្ឋានកម្រិតខ្ពស់ និងមធ្យម, តំបន់ប៉ែកខាងលិច និងខាងត្បូងជាគម្រោងអភិវឌ្ឍក្នុងវិស័យឧស្សាហកម្ម និងលំនៅដ្ឋានកម្រិតមធ្យម ហើយតំបន់ប៉ែកខាងកើតជាគម្រោងអភិវឌ្ឍលនៅដ្ឋានកម្រិតខ្ពស់ និងមធ្យម រួមជាមួយនឹងគម្រោងបង្កើតមជ្ឈមណ្ឌលពាណិជ្ជកម្មក្នុងតំបន់បែបទំនើបផងដែរ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
សិប្បកម្មកែច្នៃដូង ១៥ មូលដ្ឋាន ប្រើទុនជិត ៤៦ម៉ឺនដុល្លារ កំពុងដំណើរការ និងផ្គត់ផ្គង់ទីផ្សារក្នុងស្រុក
ក្រោយសម្រេចកំណត់ត្រា ១លានតោន កម្ពុជាកំណត់គោលដៅនៃការនាំចេញអង្ករកើនឡើងពី ៥% ទៅ១០%រៀងរាល់ឆ្នាំ
Top News, ព្រឹត្តិការណ៍, សេដ្ឋកិច្ច
• 21/10/2026
ភ្នំពេញ ៖ ការនាំចេញអង្ករលើសពី ១លានតោនក្នុងឆ្នាំ២០២៦ បានផ្តល់ទំនុកចិត្តយ៉ាងខ្លាំងដល់កសិករខ្មែរ ខណៈទីផ្សារអឺរ៉ុប និងចិន បន្តឈរជាអ្នកបញ្ជាទិញធំជាងគេសម្រាប់កសិផលកម្ពុជា។ ប្រទេសកម្ពុជាបានបង្កើតកំណត់ត្រាប្រវត្តិសាស្ត្រថ្មីមួយនៅក្នុងវិស័យពាណិជ្ជកម្មកសិកម្ម ដោយបាននាំចេញអង្ករសរុបកើនឡើងរហូតដល់ ១,០១៤,៤៤២ តោន គិតចាប់ពីថ្ងៃទី១ ខែមករា ដល់ថ្ងៃទី១៩ ខែតុលា ឆ្នាំ២០២៦ នេះបើយោងតាមទិន្នន័យផ្លូវការរបស់ក្រសួងកសិកម្ម រុក្ខាប្រមាញ់ និងនេសាទ។
ទំនិញថៃ មកកម្ពុជា បន្ដធ្លាក់ចុះខ្លាំង បង្ហាញពីរលកពហិការនៅខ្លាំងក្លា ដែលជាឱកាសមាសសម្រាប់សហគ្រាសក្នុងស្រុកពង្រឹងគុណភាព ពង្រីកទីផ្សារ
បទសម្ភាសន៍ និងបទយកការណ៍, ព្រឹត្តិការណ៍, សេដ្ឋកិច្ច
• 20/10/2026
ភ្នំពេញ៖ តួលេខនៃទំហំពាណិជ្ជកម្ម ក៏ដូចជាការនាំចូលទំនិញពីប្រទេសថៃមកកាន់ទឹកដីកម្ពុជាក្នុងរយៈពេល ៩ខែ ឆ្នាំ២០២៦ កន្លងទៅនេះ បានធ្លាក់ចុះជិត ៣៣.៩% បើធៀបនឹងរយៈពេលដូចគ្នាកាលពីឆ្នាំ២០២៥ ពោលបើគិតជាទឹកប្រាក់ គឺធ្លាក់ចុះពី ២ ៣៣៣លានដុល្លារអាមេរិក មកនៅត្រឹម ១ ៥៤២លានដុល្លារ។ ចំណែកឯការនាំចេញទំនិញរបស់កម្ពុជារយៈពេល ៩ខែដូចគ្នា ទៅប្រទេសថៃវិញ ក៏បានធ្លាក់ចុះ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content