សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ឯកឧត្តម ឧបនាយករដ្ឋមន្ដ្រី សាយ សំអាល់ រដ្ឋមន្ដ្រីក្រសួងរៀបចំដែនដី នគរូបនីយកម្ម និងសំណង់ បានជំរុញឱ្យធុរជន ក៏ដូចជាក្រុមហ៊ុនជប៉ុនមកវិនិយោគជាមួយក្រុមហ៊ុនកម្ពុជាឱ្យបានច្រើន ដើម្បីទទួលបានផលប្រយោជន៍នានាពីរាជរដ្ឋាភិបាលកម្ពុជា ដើម្បីជាការរួមចំណែកអភិវឌ្ឍសេដ្ឋកិច្ចកម្ពុជាឱ្យកាន់តែរីកចម្រើន។
ឯកឧត្តមថ្លែងដូច្នេះនៅក្នុងវេទិការដ្ឋ-ឯកជនលើកទី៤ ស្ដីពីការអភិវឌ្ឍនគរូបនីយកម្មកម្ពុជា-ជប៉ុន ដែលត្រូវបានរៀបចំឡើងនៅទីស្ដីការក្រសួងនាថ្ងៃទី២១ ខែធ្នូ ឆ្នាំ២០២៣។ វេទិកានេះមានការចូលរួមដោយថ្នាក់ដឹកនាំនៃក្រសួងរៀបចំដែនដី នគរូបនីយកម្ម និងសំណង់កម្ពុជា និងក្រសួងដីធ្លីហេដ្ឋារចនាសម្ព័ន្ធ ដឹកជញ្ជូន និងទេសចរណ៍នៃប្រទេសជប៉ុនព្រមទាំងសភាពាណិជ្ជកម្មកម្ពុជា សមាគមអ្នកសាងសង់កម្ពុជា សមាគមអ្នកអភិវឌ្ឍន៍លំនៅដ្ឋានកម្ពុជា សមាគមអ្នកវាយតម្លៃអចលនទ្រព្យកម្ពុជា និងក្រុមហ៊ុនវិនិយោគ និងធុរជនកម្ពុជា។
ឯកឧត្តម ឧបនាយករដ្ឋមន្ដ្រី សាយ សំអាល់ បានថ្លែងថា វេទិការដ្ឋ-ឯកជនលើកទី៤ ស្ដីពីការអភិវឌ្ឍនគរូបនីយកម្មកម្ពុជា-ជប៉ុននេះ ត្រូវបានរៀបចំឡើងក្នុងគោលបំណងបន្តជំរុញធុរកិច្ច និងវិនិយោគពីប្រទេសជប៉ុនមកកម្ពុជាស្ដីពីការអភិវឌ្ឍគម្រោងនគរូបនីយកម្ម ដោយផ្ដោតលើការអភិវឌ្ឍទីក្រុងឆ្លាត និងការអភិវឌ្ឍអចលនទ្រព្យ ថែមទាំងបានបង្ហាញពីកិច្ចសហប្រតិបត្តិការ និងភាពជឿជាក់របស់អ្នកវិនិយោគជប៉ុនទៅលើសក្តានុពលនៃសេដ្ឋកិច្ចកម្ពុជា ហើយតាមរយៈវេទិកានេះនឹងកាន់តែពង្រឹងបាននូវសាមគ្គីភាព មិត្តភាពនៃប្រជាជាតិទាំងពីរបន្ថែមទៀត។
ឯកឧត្តមបានបន្ថែមថា ៖
«ក្រសួងរៀបចំដែនដី នគរូបនីយកម្ម និងសំណង់កម្ពុជា នឹងធ្វើទៅតាមមធ្យោបាយគ្រប់យ៉ាងស្របតាមសមត្ថកិច្ចរបស់ខ្លួន ដើម្បីសហការ ក៏ដូចជាសម្របសម្រួលជូនដល់វិនិយោគិនទាំងអស់ដោយក្តីរីករាយ»។
ឯកឧត្តម ឧបនាយករដ្ឋមន្ដ្រី បានបន្តលើកឡើងថា៖
«ក្រសួងរៀបចំដែនដី នឹងប្រែក្លាយគ្រឿងបង្គុំសំណង់ឱ្យទៅជាឧស្សាហកម្មមួយនៅកម្ពុជាដែលមានតម្លៃសមរម្យ និងអាចបង្កើតការងារ បង្កើតប្រាក់ចំណូលដល់ប្រជាពលរដ្ឋកម្ពុជា ដូច្នេះ សង្ឃឹមថានឹងមានក្រុមហ៊ុនជប៉ុនជាច្រើនចូលរួមផ្ដល់ជាជំនាញការ ចំណេះដឹងក៏ដូចជាហិរញ្ញវត្ថុដែលមានអត្រាការប្រាក់ទាប»។
Account
Security
Favourite Content