សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ តម្លៃដីធ្លីនៅក្នុងប្រទេសកម្ពុជា ជាពិសេសនៅតាមតំបន់ជាយរាជធានីភ្នំពេញ ត្រូវបានមើលឃើញថា ជាទូទៅតែងឡើងថ្លៃជាបន្តបន្ទាប់ទៅតាមសន្ទុះនៃការអភិវឌ្ឍ ដោយក្នុងនោះមានកត្តាពីរដែលបានជំរុញឱ្យតម្លៃដីធ្លីហក់ឡើងថ្លៃមួយកម្រិតទៀត នោះគឺការអភិវឌ្ឍផ្លូវក្រវាត់ក្រុង និងការផ្លាស់ប្តូរទីតាំងតំបន់ឧស្សាហកម្ម។
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលវត្ថុកម្ពុជាបានថ្លែងប្រាប់ AMS នៅថ្ងៃទី០២ ខែកញ្ញា ឆ្នាំ២០២២នេះឱ្យដឹងថា មានយន្តការចំនួន២ ដែលធ្វើឱ្យមានបម្រែបម្រួលនៃតម្លៃដីធ្លីនៅក្នុងប្រទេសកម្ពុជា ជាពិសេសនៅតាមតំបន់ជាយរាជធានីភ្នំពេញតែម្ដង ។
លោកបន្តថា ៖
“ការអភិវឌ្ឍផ្លូវក្រវាត់ក្រុង ដែលជាគោលការណ៍របស់រាជរដ្ឋាភិបាលក្នុងការរំដោះភាពកកស្ទះក្នុងក្រុងដោយការដឹកជញ្ជូន និងសម្រួលដល់ការធ្វើដំណើរនោះ ក៏ជាកក្តាដែលជួយជំរុញឱ្យតម្លៃដីធ្លីហក់ឡើងមួយកម្រិតទៀត ជាក់ស្ដែងការអភិវឌ្ឍផ្លូវក្រវាត់ក្រុងទី២ ទី៣ បានធ្វើឱ្យតម្លៃដីធ្លីនៅតាមបណ្ដោយផ្លូវក្រវាត់ក្រុងទាំងនោះមានការប្រែប្រួលច្រើន ហើយក៏មានការអភិវឌ្ឍផ្នែកអចលនទ្រព្យផងដែរ”
លោកថា ៖
“យើងឃើញថានៅពេលរដ្ឋាភិបាលរៀបចំអភិវឌ្ឍន៍ផ្លូវក្រវាត់ក្រុង បានធ្វើឱ្យតម្លៃដីធ្លីក្នុងតំបន់ដែលមានផ្លូវនោះរត់កាត់ឡើងថ្លៃ និងបានទាក់ទាញនូវការវិនិយោគក្នុងតំបន់នោះបន្ថែមទៀតពីលើគម្រោងរបស់រដ្ឋ។ ក្រៅពីនេះ ការរៀបចំតំបន់ ក៏ដូចជាការផ្លាស់ប្តូររោងចក្រចេញពីភ្នំពេញទៅកាន់តំបន់ជាយក្រុងក៏បានធ្វើឱ្យតំបន់ជាយក្រុងទាំងនោះឡើងថ្លៃបន្ថែមទៀត ជាក់ស្ដែងការរុះរើរោងចក្រចេញពីផ្លូវវេងស្រេងទៅកាន់តំបន់ខ្លះនៃរាជធានីភ្នំពេញ ជាពិសេសនៅតំបន់ជាប់ព្រំប្រទល់ខេត្តកំពង់ស្ពឺ និងតំបន់ខ្លះនៃខេត្តកណ្ដាល បានធ្វើឱ្យមានការប្រែប្រួលតម្លៃដីធ្លីឡើងថ្លៃជាងមុន។ ដោយឡែក សម្រាប់តំបន់រោងចក្រនៅក្នុងក្រុងក៏បានផ្លាស់ប្តូរការអភិវឌ្ឍពីតំបន់ឧស្សាហកម្មទៅជាតំបន់ពាណិជ្ជកម្ម និងលំនៅឋានដែលមានតម្លៃថ្លៃ”
លោក ប៉ូ អ៊ាវគង់ អគ្គនាយកក្រុមហ៊ុនអចលនទ្រព្យ Advance Realty បានមានប្រសាសន៍ឱ្យដឹងផងដែរថា ក្រោយពេលរដ្ឋាភិបាលបានចាប់ផ្ដើមសាងសង់ផ្លូវក្រវាត់ក្រុង បានឃើញថាតម្លៃដីធ្លីនៅតាមបណ្ដោយផ្លូវក្រវាត់ក្រុងនោះហក់ឡើងថ្លៃពិតមែន ហើយការឡើងថ្លៃនោះទៀតសោតក៏មានកម្រិតខុសគ្នាដែលវាអាស្រ័យទៅលើទីតាំងនោះផងដែរ។ អ្វីដែលសំខាន់ គឺសកម្មភាពនៃការអភិវឌ្ឍអចលនទ្រព្យនៅតំបន់តាមបណ្ដោយផ្លូវក្រវាត់ក្រុងក៏ឃើញថាមានសន្ទុះងើបឡើងជាបន្តបន្ទាប់ផងដែរ។
លោកបន្តថា ការអភិវឌ្ឍផ្លូវក្រវាត់ក្រុងនេះ គឺអនុវត្តទៅតាមផែនការមេរបស់រាជរដ្ឋាភិបាលក្នុងការពង្រីកក្រុងឱ្យមានវិសាលភាពធំទូលាយ ដើម្បីសម្របតាមកំណើនប្រជាជន ក៏ដូចជាជំរុញកិច្ចអភិវឌ្ឍន៍ឱ្យកាន់តែមានភាពល្អប្រសើរដូចគ្នាទៅនឹងរដ្ឋធានីនៃបណ្តាប្រទេសនានានៅក្នុងតំបន់ផងដែរ ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content