ភ្នំពេញ ៖ អ្នកជំនាញក្នុងវិស័យអចលនទ្រព្យជាច្រើនបានបញ្ជាក់ថា ភាគច្រើននៃអ្នកមានធនធាន និងទ្រព្យសម្បត្តិច្រើន (អ្នកមាន) នាពេលបច្ចុប្បន្នភាគច្រើនតែជាអ្នករកស៊ីក្នុងវិស័យដីធ្លី ដែលមានឱកាសល្អក្នុងការវិនិយោគដោយទិញដីក្នុងតម្លៃទាប ហើយលក់ចេញវិញនៅពេលតម្លៃឡើងថ្លៃ។

បច្ចុប្បន្ននេះ សម្រាប់ទីតាំងដែលកំពុងមានសក្ដានុពល និងផ្តល់ឱកាសចំណេញដល់បណ្តាអ្នកវិនិយោគបំផុតនោះគឺស្ថិតនៅតំបន់ដែលទើបត្រូវបានកាត់ចូលមកក្រោមការគ្រប់គ្រងរដ្ឋបាលក្រុងភ្នំពេញ ឬតំបន់ដែលគ្រោងនឹងកាត់ចូលបន្ថែមនៅតំបន់ជាយក្រុង ខណៈដែលតំបន់ទាំងអស់នេះ ក៏កំពុងមានសកម្មភាពអភិវឌ្ឍន៍យ៉ាងសកម្មផងដែរ។

លោកឧកញ៉ា កាង សុធី អគ្គនាយកក្រុមហ៊ុនអចលនទ្រព្យ Century 21 Land Station បានលើកឡើងថា ផែនការពង្រីកទីក្រុងរបស់រដ្ឋាភិបាលនឹងហុចផលដល់ការអភិវឌ្ឍអចលនទ្រព្យ ក្នុងនោះដីធ្លីនៅក្នុងតំបន់ជាយៗក្រុងនៅមានតម្លៃទាបនាពេលបច្ចុប្បន្ន នឹងទាក់ទាញអ្នកអភិវឌ្ឍន៍ជាច្រើនឱ្យងាកទៅរកការអភិវឌ្ឍន៍លំនៅឋានសម្រាប់ផ្គត់ផ្គង់ទៅតាមតម្រូវការទីផ្សារ ហើយដីធ្លីដែលទើបកាត់ចូលក្រុងថ្មីៗ នឹងមានការចាប់អារម្មណ៍កាន់តែខ្លាំងពីសំណាក់វិនិយោគិន និងប្រជាពលរដ្ឋ ។
លោកឧកញ៉ាបានបន្តថា ៖
“ដីធ្លីតំបន់នៅតំបន់មួយចំនួននាពេលនេះ មានតម្លៃត្រឹម ១៥ ទៅ ២០ដុល្លារអាមេរិកក្នុងមួយម៉ែត្រការ៉េប៉ុណ្ណោះ ប៉ុន្តែនៅរយៈពេល ៥ ទៅ ១០ឆ្នាំខាងមុខ ដីទាំងនោះនឹងឡើងថ្លៃកាន់តែខ្ពស់ ដូច្នេះអ្នកមានលុយអាចទិញទុកដើម្បីចំណេញ ហើយក្នុងនោះដែរ ដីនៅតំបន់ជុំវិញព្រលានយន្តហោះអន្តរជាតិតេជោ និងដីនៅតំបន់ស្រុកមុខកំពូល ស្រុកពញាឮ ជាដើម នឹងកាន់តែត្រូវប៉ាន់”
លោក ប៉ូ អ៊ាវគង់ អគ្គនាយកក្រុមហ៊ុនអចលនទ្រព្យ Advance បានឱ្យដឹងដែរថា នៅពេលរាជធានីភ្នំពេញកាន់តែរីកចម្រើន វិធីសាស្ត្រតែមួយគត់នោះគឺការកាត់ដីនៅខេត្តជិតៗដើម្បីយកក្រោមការគ្រប់គ្រងរបស់រដ្ឋបាលសាលាក្រុង ហើយការកាត់ដីខេត្តចូលមកក្នុងការគ្រប់គ្រងរបស់រាជធានី នឹងធ្វើឱ្យតម្លៃដីធ្លីនៅតំបន់នោះមានកំណើនបន្ថែមទៀត ដែលជាឱកាសសម្រាប់អ្នកវិនិយោគដែលមានទុនទិញដីទុកសម្រាប់លក់បន្តយកចំណេញ ។ លោកបន្តថា ៖
“អ្នកមានទ្រព្យជាច្រើននៅក្នុងប្រទេសកម្ពុជាក៏ដូចជានៅលើពិភពលោក ភាគច្រើនគឺបានមកពីមុខជំនួញដីធ្លី ឬអចលនទ្រព្យ ដូច្នេះការវិនិយោគលើអចលនទ្រព្យបើយើងវិនិយោគត្រូវ មានផែនការច្បាស់លាស់ជាមួយការស្រលាញ់ពេញចិត្តនោះយើងនឹងទទួលបានលទ្ធផលល្អប្រសើរ៕”

ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026

បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026

កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026

ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026

អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
បារាំង – កម្ពុជា ឯកភាពគ្នាពង្រឹង និងពង្រីកកិច្ចសហប្រតិបត្តិការឱ្យកាន់តែស៊ីជម្រៅ
Top News, ព្រឹត្តិការណ៍, សេដ្ឋកិច្ច
• 16/11/2026
ភ្នំពេញ ៖ នារសៀលថ្ងៃទី១៥ ខែវិច្ឆិកា ឆ្នាំ២០២៦ នៅវិមានសន្តិភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានជួបពិភាក្សាការងារទ្វេភាគីជាមួយ ឯកឧត្តម Emmanuel MACRON ប្រធានាធិបតីនៃសាធារណរដ្ឋបារាំង ក្នុងឱកាសដែលឯកឧត្តមប្រធានាធិបតី អញ្ជើញមកបំពេញទស្សនកិច្ចផ្លូវរដ្ឋ និងចូលរួមក្នុងកិច្ចប្រជុំកំពូលហ្វ្រង់កូហ្វូនីលើកទី២០ នៅព្រះរាជាណាចក្រកម្ពុជា ចាប់ពីថ្ងៃទី១៤

កម្ពុជាមានបំណងប្រែក្លាយភ្នំពេញឱ្យទៅជាស្ពានតភ្ជាប់រវាងអាស៊ីនិងលំហហ្វ្រង់កូហ្វូនី
Top News, ព្រឹត្តិការណ៍, សេដ្ឋកិច្ច
• 15/11/2026
ភ្នំពេញ ៖ ថ្លែងនៅក្នុងពិធីបើកកិច្ចប្រជុំកំពូលហ្វ្រង់កូហ្វូនីលើកទី២០ នៅរាជធានីភ្នំពេញ សម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ថា កម្ពុជាមានបំណងប្រែក្លាយទីក្រុងភ្នំពេញឱ្យទៅជាស្ពានតភ្ជាប់អាស៊ីនិងលំហហ្វ្រង់កូហ្វូនី ។ សម្ដេចធិបតីបានមានប្រសាសន៍ថា ពិភពលោករបស់យើងកំពុងប្រឈមនឹងការបែកបាក់ ហើយទំនុកចិត្តក៏ធ្លាក់ចុះ ។ ក្នុងកាលៈទេសៈនេះ និងលើសពីពេលណាៗទាំងអស់ ហ្វ្រង់កូហ្វូនី ត្រូវតែបន្តជាទីកន្លែងដែលយើងផ្ដល់អាទិភាពលើកិច្ចសន្ទនា និងជាទីកន្លែងដែលមានច្បាប់ការពារដល់មនុស្សគ្រប់រូប ។ កម្ពុជានិយាយពីសន្តិភាព





វិថីហិរញ្ញវត្ថុ


























































Account
Security
Favourite Content