សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ យោងតាមលទ្ធផលសម័យប្រជុំពេញអង្គគណៈមន្ត្រីកាលពីថ្ងៃទី២០ ខែកញ្ញា ២០២៣ ក្រោមអធិបតីដ៏ខ្ពង់ខ្ពស់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានឱ្យដឹងថា ក្នុងឆ្នាំ២០២៣នេះ រំហូរវិនិយោគផ្ទាល់ពីបរទេសមានកំណើនខ្ពស់ក្នុងអត្រាប្រមាណ ៤១,៦ភាគរយ សម្រាប់ឆមាសទី១ ទោះបីជាស្ថានភាពហិរញ្ញវត្ថុសកលមានភាពរឹតបន្តឹងយ៉ាងណាក្ដី ក្នុងនោះដែរ រំហូរវិនិយោគផ្ទាល់ពីបរទេសក្នុងវិស័យកម្មន្តសាលមិនមែនកាត់ដេរមានការកើនឡើងយ៉ាងគំហុករហូតដល់១៧២ភាគរយ ។
របាយការណ៍របស់រាជរដ្ឋាភិបាល ក៏មិនខុសគ្នាទៅនឹងរបាយការណ៍របស់ធនាគារអភិវឌ្ឍន៍អាស៊ីដែរ ដោយបានបង្ហាញពីការកើនឡើងនៃការនាំចេញផលិតផលកម្មន្តសាលមិនមែនកាត់ដេរ ដូចជាគ្រឿងបន្លាស់រថយន្ត បន្ទះស្រូបពន្លឺព្រះអាទិត្យ (សូឡា ) និងគ្រឿងសង្ហារឹមជាដើម ។
បើតាមអ្នកជំនាញនៃវិស័យអចលនទ្រព្យបានឱ្យដឹងថា រំហូរវិនិយោគិនបរទេសចាប់តាំងពីកូវីដ១៩មក បានផ្លាស់ប្តូរ ដោយប្តូរពីវិនិយោគិនចិនមកជាវិនិយោគិនមកពីប្រទេសក្នុងតំបន់អាស៊ានដូចជាថៃ សិង្ហបុរីវៀតណាម ម៉ាឡេស៊ីជាដើម ។ ក្រោយកូវីដ១៩ ទោះបីជាវិនិយោគិនជនជាតិចិនមិនទាន់ចូលមកកម្ពុជាច្រើនដូចកាលមុនកូវីដ១៩ ក៏កម្ពុជានៅតែបន្តទទួលបានទុនវិនិយោគផ្ទាល់ពីបរទេសដដែល ដោយភាគច្រើនមកពីប្រទេសក្នុងតំបន់អាស៊ាន។
អ្នកនាង ជិន ច័ន្ទដាលុច្ស ប្រធានផ្នែកវាយតម្លៃនៃក្រុមហ៊ុន CBRE Cambodia បានឱ្យដឹងថា ក្នុងឆ្នាំ២០២៣នេះ ការវិនិយោគលើគម្រោងធំៗមិនសូវមានទេ ប៉ុន្តែបានផ្លាស់មកជាគម្រោងតូចៗ និងមានច្រើនគម្រោង ជាពិសេសទៅលើឧស្សាហកម្ម ទាំងកាត់ដេរ និងមិនមែនកាត់ដេរ។
សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជាបានមានប្រសាសន៍ជំរុញឱ្យខេត្តនីមួយៗត្រូវចេះធ្វើទីផ្សារទាក់ទាញវិនិយោគិនបរទេសបន្ថែមទៀត ស្របនឹងសម្ដេចផ្ទាល់ក៏បានខិតខំប្រឹងប្រែងក្នុងការផ្សព្វផ្សាយពីសក្ដានុពលវិនិយោគនៅកម្ពុជាទៅកាន់វិនិយោគិនបរទេសផងដែរ ជាក់ស្ដែងសម្ដេចបានលើកឡើងថាដំណើរបេសកកម្មរបស់សម្ដេចទៅក្រៅប្រទេស គឺបានជួបជាមួយវិនិយោគិនបរទេសជាច្រើន ដើម្បីផ្សព្វផ្សាយ និងហៅគេឱ្យមកកម្ពុជាដើម្បីបណ្ដាក់ទុនវិនិយោគ ។
ដោឡែក នៅព្រឹកថ្ងៃទី២១ ខែកញ្ញា ឆ្នាំ២០២៣ សម្ដេចមហាបវរធិបតី ហ៊ុន ម៉ាណែត ក៏បានអញ្ជើញទៅកាន់សហរដ្ឋអាមេរិក ដែលដំណើររបស់សម្ដេចទៅកាន់សហរដ្ឋអាមេរិកនាពេលនេះដែរ ក៏គ្រោងជួបជាមួយវិនិយោគិនជាច្រើននៅទីនោះ ក្នុងគោលបំណងបង្ហាញនូវអ្វីដែលកម្ពុជាអាចទទួលស្វាគមន៍ការបណ្ដាក់ទុនវិនិយោគរបស់ពួកគេនៅកម្ពុជា ។
គួររម្លឹកថា កំណើននៃការវិនិយោគ ឧស្សាហកម្ម ទាំងវិស័យកាត់ដេរ និងមិនមែនកាត់ដេរ បានធ្វើឱ្យតម្រូវការប្រើប្រាស់ដីធ្លីនៅក្នុងប្រទេសកម្ពុជាមានការកើនឡើងជាបន្តបន្ទាប់ ជាក់ស្ដែងនៅតាមបណ្ដាខេត្តនានាជុំវិញភ្នំពេញ ដូចជាកណ្ដាល កំពង់ស្ពឺ និងតាកែវ និងបានជួយសម្រួលបន្ទុកការប្រើប្រាស់ដីនៅភ្នំពេញ សម្រាប់ឧស្សាហកម្មបានមួយកម្រិតផងដែរ៕
Account
Security
Favourite Content