រដ្ឋាភិបាល​គ្រោង​ចំណាយថវិកា​ ១១០លានដុល្លារ​​បន្ថែមទៀត សម្រាប់អនុវត្តន៍ការ​ងារ​ចុះបញ្ជីដីធ្លី

ភ្នំពេញ ៖ រាជរដ្ឋាភិបាល​អាណត្តិទី៧​ បានផ្ដោតការ​យកចិត្តទុកដាក់លើ​ការ​ចុះបញ្ជី​ដីធ្លី​ជូន​ប្រជាពលរដ្ឋឱ្យ​បាន​ចប់សព្វ​គ្រប់ ​និង​ដើម្បីបញ្ចប់ទំនាស់​ ឬក៏វិវាទដីធ្លីដែល​បានកើតឡើ​ងនា​ពេល​កន្លងមក ដោយរដ្ឋាភិបាល​បានចំណាយ និង​គ្រោងចំណាយ​ថវិកា​​ជាច្រើនទៀតសម្រាប់​ចំណាយលើការងារ​មួយនេះ ​។​

បើតាម​ប្រសាសន៍​សម្ដេច​មហា​បវរធិបតី​ ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រ​កម្ពុជា​ថ្លែង​ក្នុង​ឱកាស​អញ្ជើញជា​អធិបតីក្នុងទិវា​​ មច្ឆជាតិ​​ ១​កក្កដា ឆ្នាំ២០២៤​ ឱ្យដឹងថា​ ក្រសួង​រៀបចំដែនដី នគរូប​នីយ​ក​ម្ម និ​ង​សំណង់ ​ត្រូវការ​ថវិកា​ប្រមាណ១១០លានដុល្លារអាមេរិក​បន្ថែមទៀត ដើម្បី​ចំណាយលើការ​ចុះ​បញ្ជីដីធ្លី​ឱ្យ​ចប់​សព្វ​គ្រប់ទាំង​៧​លាន​ក្បាលដី ។

សម្ដេចធិបតី​មាន​ប្រសាសន៍​បន្តថា ៖

«នៅទូទាំង​ប្រទេស​កម្ពុជា​មាន​ក្បាល​ដី​សរុប​ប្រមាណ​៧​លានក្បាល​ដី ហើ​យ​​​មក​ដល់សព្វថ្ងៃនេះ យើង​បានចុះបញ្ជី​រួចរាល់​ប្រមាណ​២​លាន​ក្បាល​ដី​ហើយ នៅសល់​៥លាន​ក្បាលដី​ទៀត​ ត្រូវការ​ថវិកា​ប្រមាណ ១១០​លានដុល្លារអាមេរិក ។ ការ​ចុះបញ្ជី​ក្បាលដី​ឱ្យសព្វ​គ្រប់នេះ​គឺដើម្បី​បញ្ចប់រាល់​ទំនាស់​រវាង​ប្រ​ជាពលរដ្ឋ​ និង​បានបែងចែកឱ្យដាច់​ដីណា​ជារបស់​រដ្ឋ និង​ដី​ណា​ជារបស់​បងប្អូន​ប្រជាពលរដ្ឋ ដូច្នេះហើយទើប​រដ្ឋាភិបាល​ត្រូវ​ចំណាយ​ថវិកា​លើកិច្ច​មួយនេះ​» ។

ឯកឧត្តម​ សាយ សំអាល់ ឧបនាយករដ្ឋមន្ត្រី និងជារដ្ឋមន្ត្រីក្រសួ​ងរៀបចំដែនដី នគរូប​នីយកម្ម ​និងសំណង់ បានលើកឡើងថា តាមផែនកា​ររបស់​ក្រសួង​នឹង​បញ្ចប់ការ​ចុះ​បញ្ជី​ដីធ្លី​ឱ្យបានរួចរាល់​នៅមុនឆ្នាំ​២០៣០ខាងមុខនេះ ដោយបច្ចប្បន្ន​​ក្រុមការងាររបស់​ក្រសួង បាន និងកំពុង​ចុះទៅតាម​មូលដ្ឋាន​​ទីតាំង​ដែលមិនទាន់បានចុះបញ្ជីដីធ្លី ដើម្បីពន្លឿន​ដល់​ការ​​ចុះបញ្ជី​ដីធ្លីឱ្យបានលឿន​​  ។

ឯកឧត្តម​ក៏បាន​កោត​សរសើ​រ​ចំពោះ​មន្ត្រី និងក្រុមការងារ​ចុះ​វាស់វែង​ដីធ្លី​ ដែល​បាន​ខិតខំ​បំពេញ​ការ​ងារ​ទៅ​តាម​​តួនាទី ពេលខ្លះ​ពួកគាត់​ត្រូវ​បំពេញ​ការ​ងារលើ​សម៉ោងរដ្ឋបាលទៅទៀត ទៅ​តាមការ​ស្នើ​សុំ​របស់​បងប្អូន​ប្រជាពលរដ្ឋ​ ។

បើតាមការ​បញ្ជាក់ពីអ្នកជំនាញវិស័យ​អចលនទ្រព្យ​បានឱ្យដឹងថា ការ​ចុះបញ្ជីដីធ្លី ឬ​ធ្វើឱ្យ​ដីធ្លីមានឯកសារ​ច្បាស់​លាស់​ត្រឹមត្រូវ វាក៏ជួយ​ដល់​ការទាក់ទាញ​វិនិយោគិន​បរទេស​ដើម្បី​ចូល​មក​​វិនិយោគ​លើអចលនទ្រព្យ​បន្ថែមទៀត ។ បើសិនជា​អ្នកវិនិយោគ​ចង់បណ្ដាក់ទុន​នៅក្នុង​តំបន់​មួយ ប៉ុន្តែដីធ្លីនៅតំបន់​នោះ បែរ​ជាគ្មានប្លង់​ គ្មានឯកសារ​ត្រឹមត្រូវ គ្មាន​បណ្ណ​កម្មសិទ្ធិ​ វិនិ​យោគិននឹង​​អាចត្រូវ​បង្ខំដកខ្លួន​វិញ ដូច្នេះការ​ដែល​មាន​បណ្ណ​កម្មសិទ្ធិ​ច្បាស់លាស់​លើ​ដីធ្លី​នៅទីតាំងណាមួយ វា​នឹងជួយ​ទាក់ទាញ​ដល់​បណ្ដា​វិនិយោគ​ទាំង​ក្នុង​និងក្រៅ​ប្រ​ទេស​វិនិយោគ​បន្ថែមទៀត​៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល

កម្ពុជា នឹងធ្វើជាម្ចាស់ផ្ទះ«វេទិកាសហគ្រិន និងពានរង្វាន់សហគ្រិនអាស៊ាន២០២៤» ជាលើកដំបូង

ព្រឹត្តិការណ៍, សេដ្ឋកិច្ច

• 18/07/2024

ព្រះរាជាណាចក្រកម្ពុជា នឹងធ្វើជាម្ចាស់ផ្ទះរៀបចំ«វេទិកាសហគ្រិន និងពានរង្វាន់សហគ្រិនអាស៊ាន២០២៤» ជាលើកដំបូងក្នុងប្រវត្តិសាស្ត្រ

ក្រុមប្រទេស​ G7 គ្រោងផ្តល់កម្ចី ៥០ ពាន់លានដុល្លារជួយអ៊ុយក្រែនកសាងប្រទេសឡើងវិញ

ព្រឹត្តិការណ៍, សេដ្ឋកិច្ច

• 18/07/2024

ក្រុមប្រទេស G7 បានឈានដល់កិច្ចព្រមព្រៀងមួយស្តីពីការប្រើប្រាស់ការប្រាក់ពីការបង្កកមូលនិធិរុស្ស៊ី ដោយគ្រោងផ្តលកម្ច ៥០ ពាន់លានដុល្លារក្នុងការជួយអុយក្រែ

តម្លៃមាសឡើងថ្លៃដល់កម្រិតខ្ពស់ជិតដល់ ២ ៥០០ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 18/07/2024

តម្លៃមាសនៅលើទីផ្សារអន្តរជាតិបានឡើងថ្លៃដល់កម្រិតខ្ពស់ ២ ៤៨០ ដុល្លារក្នុងមួយអោន ហើយតម្លៃមាសអាចនឹងឡើងថ្លៃដល់ ៣ ០០០ ដុល្លារក្នុងមួយអោនក្នុងរយៈពេល ១២ខែបន្ទាប់

អ្នកជាប់ពន្ធត្រៀម ! ពន្ធដារ នឹងចុះធ្វើសវនកម្មដល់ទីកន្លែងលើសហគ្រាសជាង៣០០០ ក្នុងឆ្នាំ២០២៤

ព្រឹត្តិការណ៍, សេដ្ឋកិច្ច

• 18/07/2024

អគ្គនាយកដ្ឋានពន្ធដារ បានចេញសេចក្តីប្រកាសថា មន្ត្រីជំនាញពន្ធដារនឹងចុះធ្វើសវនកម្មដល់ទីកន្លែងលើសហគ្រាសជាង៣០០០ ក្នុងឆ្នាំ២០២៤

កិច្ចប្រជុំពេញអង្គលើកទី៣នៃបក្សកុម្មុយនីស្តចិនធ្វើឡើងចំពេលសេដ្ឋកិច្ចមានកំណើនយឺតយ៉ាវ

ព្រឹត្តិការណ៍, សេដ្ឋកិច្ច

• 18/07/2024

ចិនបន្តជួបបញ្ហារាំងស្ទះជាច្រើនក្រោយពេលវិបត្តិកូវីដដែលរួមមានបញ្ហាបំណុលក្នុងវិស័យអចលនទ្រព្យ និងបញ្ហានៃការធ្លាក់ចុះទំនុកចិត្តទីផ្សារជាដើម

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *