សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រហូតមកដល់ចុងត្រីមានទី៤ ឆ្នាំ២០២២នេះ ទីផ្សារអចលនទ្រព្យនៅកម្ពុជានៅតែបន្តមានសកម្មភាពទិញលក់ដោះដូរ ដែលភាគច្រើនត្រូវបានផ្តើមចេញពីអ្នកវិនិយោគ អ្នកអភិវឌ្ឍន៍ ក៏ដូចជាអតិថិជនក្នុងស្រុក ដោយនៅមិនទាន់មានអ្នកវិនិយោគមកពីក្រៅប្រទេសនោះឡើយ លើកលែងតែទីផ្សារខុនដូដែលមានសភាពស្ងប់ស្ងាត់ជាងផ្នែកដទៃ។
ខុសពីទីផ្សារលំនៅដ្ឋានកម្រិតខ្ពស់ និងគម្រោងខុនដូភាគច្រើនដែលត្រូវបានជួបភាពស្ងប់ស្ងាត់នោះ សម្រាប់តែទីផ្សារដីធ្លីនៅតែមានសកម្មភាពទិញលក់ដោះដូរ ខ្លាំងជាងគេក្នុងចំណោមប្រភេទអចលនទ្រព្យទាំងអស់ ។
លោក ជា សុផល នាយកប្រតិបត្តិក្រុមហ៊ុន Asia Real Estate បានមានប្រសាសន៍ឱ្យដឹងថា នាពេលបច្ចុប្បន្ននេះ ថ្វីត្បិតតែវិបត្តិនៅមិនទាន់បានបាត់បង់ទាំងស្រុង ប៉ុន្តែប្រភេទអចលនទ្រព្យមួយចំនួននៅតែមានសកម្មភាពទិញលក់ ដោយក្នុងនោះដែរទីផ្សារដីធ្លីគឺជាប្រភេទអចលនទ្រព្យដែលមានការទិញលក់ច្រើនជាងគេ ។
លោកបន្តថា ៖
“នៅក្នុងវិបត្តិបែបនេះអចលនទ្រព្យមួយចំនួនពិបាកលក់ចេញ ប៉ុន្តែដីធ្លីបើសិនជាទីតាំងល្អ ទីតាំងមានអំណោយផលនៅតែអាចលក់ចេញបានស្រួលដោយដីខ្លះមានតម្លៃរាប់លានដុល្លារក៏អាចលក់ចេញបានដែរក្នុងវិបត្តិបែបនេះ”
លោកបន្តថា ៖
“ម្ចាស់ដីខ្លះមានបញ្ហាហិរញ្ញវត្ថុ និងត្រូវការថវិកាសម្រាប់ដោះស្រាយ ដូច្នេះពួកគាត់បានប្រកាសលក់ដីភ្លាមៗក្នុងតម្លៃមួយសមរម្យ ហើយបើសិនជាទីតាំងនោះជាទីតាំងដែលមានសក្ដានុពល ការលក់រឹតតែមិនពិបាកនោះទេ ។ ដីធ្លីមួយប្រភេទទៀតរឹតតែមានតម្រូវការទោះក្នុងកាលៈទេសៈបែបណាក្ដី គឺជាប្រភេទដីដែលស្ថិតនៅក្នុង ឬជិតគម្រោងអភិវឌ្ឍន៍របស់រដ្ឋ ដូចជាតំបន់ភាគខាងលិចភ្នំពេញ និងនៅតំបន់បឹងកប់ស្រូវជាដើម ព្រោះដីប្រភេទនេះ អ្នកមានលុយមានទុនគ្រប់គ្រាន់អាចក្ដាប់យកឱកាសដ៏ល្អសម្រាប់ទុកចំណេញនៅពេលស្ថានភាពប្រសើរ”
លោក ឌឹត ចណ្ណា អគ្គនាយកក្រុមហ៊ុនឡាក់គី រៀលធី បានឱ្យដឹងថា ទោះបីជាស្ថិតនៅក្នុងដំណាក់កាលបែបណា ក៏អ្នកវិនិយោគអាចរកឱកាស និងភាពចន្លោះប្រហោងនៃទីផ្សារដើម្បីក្ដោបយកឱកាសក្នុងការបណ្ដាក់ទុនវិនិយោគស្វែងរកប្រាក់ចំណេញនៅពេលអនាគត ។
លោកបន្តថា ៖
“តាមពិតទៅរាល់បញ្ហារាល់វិបត្តិសុទ្ធតែជាឱកាសសម្រាប់អ្នកខ្លាំងអ្នកពូកែ ហើយក្នុងដំណាក់កាលនៃវិបត្តិនេះ ពួកយើងបានឆ្លងកាត់នូវបញ្ហានិងឧបសគ្គជាច្រើន និងបានឆ្លងកាត់មកដល់បច្ចុប្បន្ននេះ ដូច្នេះ តទៅមុខទៀត យើងក៏ត្រូវសហការចាប់ដៃគ្នាដើម្បីដើរទៅមុខបន្ថែមទៀតសម្រាប់វិស័យអចលនទ្រព្យ៕”
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
រដ្ឋមន្ត្រីពាណិជ្ជកម្ម ៖ កិច្ចព្រមព្រៀង DEFA រំពឹងជួយជំរុញទំហំសេដ្ឋកិច្ចឌីជីថលអាស៊ានកើនឡើង ២ទ្រីលានដុល្លារអាម៉េរិក ក្នុងឆ្នាំ២០៣០
ជំនួញ, ព្រឹត្តិការណ៍, សេដ្ឋកិច្ច
• 14/09/2026
ភ្នំពេញ ៖ កិច្ចព្រមព្រៀង DEFA ( Digital Economy Framework Agreement ) ជាកិច្ចព្រមព្រៀងកម្រិតតំបន់អាស៊ានដំបូងគេបង្អស់លើពិភពលោក ដែលផ្ដោតជាពិសេសទៅលើការជួយសម្រួល និងពង្រឹងពាណិជ្ជកម្មតាមប្រព័ន្ធឌីជីថល និងសេដ្ឋកិច្ចឌីជីថលរវាងប្រទេសសមាជិកអាស៊ានទាំង១០ ។ កិច្ចព្រមព្រៀងនេះ គ្រោងនឹងចុះហត្ថលេខានៅអំឡុងខែវិច្ឆិកាខាងមុខនេះក្នុងកិច្ចប្រជុំកំពូលអាស៊ាននៅប្រទេសហ្វីលីពីន ដោយរំពឹងថា វានឹងជំរុញការធ្វើសេដ្ឋកិច្ចអនឡាញកើនឡើងទ្វេដង។ លោកជំទាវ
ក្រសួងរៀបចំដែនដីបង្ហាញទិសដៅថ្មីក្នុងការគ្រប់គ្រងតំបន់អង្គរ ដើម្បីពលរដ្ឋងាយស្រួលរស់នៅ និងប្រកបរបរចិញ្ចឹមជីវិត
Top News, ព្រឹត្តិការណ៍, សេដ្ឋកិច្ច
• 14/09/2026
សៀមរាប ៖ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបង្ហាញទិសដៅថ្មីក្នុងការគ្រប់គ្រង និងអភិវឌ្ឍតំបន់អង្គរ ដើម្បីធានាកិច្ចការពារប្រាសាទ និងផ្តល់ភាពកក់ក្តៅដល់ពលរដ្ឋក្នុងការរស់នៅ និងប្រកបមុខរបរចិញ្ចឹមជីវិតឱ្យប្រសើរ។ ក្រសួងរៀបចំដែនដី នគរូបនីយកម្ម និងសំណង់ បានដាក់ចេញនូវទស្សនទាន និងយុទ្ធសាស្ត្រគន្លឹះថ្មីក្នុងការគ្រប់គ្រង និងអភិវឌ្ឍតំបន់អង្គរ តាមរយៈការថ្លឹងថ្លែងឱ្យមានតុល្យភាពរវាង «ការអភិរក្សមរតកដូនតា» និង «សុខុមាលភាព
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content