សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័របានរាយការណ៍ថា តម្លៃប្រេងបានធ្លាក់ចុះដល់កម្រិតទាបបំផុតជាលើកដំបូងគិតចាប់តាំងពីឆ្នាំ២០២២ ដោយសារអង្គការ OPEC+ បានយល់ព្រមបង្កើនទិន្នផលប្រេងដ៏គួរឱ្យភ្ញាក់ផ្អើលបន្ទាប់ពីប្រធានាធិបតីសហរដ្ឋអាម៉េរិក លោក Donald Trump បានប្រកាសពីការដំឡើងពន្ធនាំចូល។
ទន្ទឹមនឹងនេះ តម្លៃប្រេងឆៅម៉ាក Brent ធ្លាក់ចុះ ៦,៤២ ភាគរយ ឬ ៧០,១៤ ដុល្លារក្នុងមួយបារ៉ែល ខណៈដែលតម្លៃប្រេងឆៅនាម៉ាក West Texas Intermediate (WTI) ធ្លាក់ចុះ ៦,៦៤ ភាគរយ ឬ ៦៦,៩៥ ដុល្លារក្នុងមួយបារ៉ែល។ តម្លៃប្រេងទាំងពីរធ្លាក់ចុះដល់កម្រិតទាបបំផុតជិត ៧ ភាគរយ បើគិតចាប់តាំងពីឆ្នាំ ២០២២។ នៅក្នុងកិច្ចប្រជុំរដ្ឋមន្ត្រីកាលពីថ្ងៃព្រហស្បតិ៍ បណ្តាប្រទេស OPEC + បានយល់ព្រមដំឡើងទិន្នផលប្រេងនៅក្នុងផែនការរបស់ពួកគេ ដោយនឹងបង្កើន ៤១១ ០០០ បារ៉ែលក្នុងមួយថ្ងៃត្រឡប់ចូលក្នុងទីផ្សារវិញក្នុងខែឧសភា ដែលកើនឡើងពីផែនការគ្រោងទុក ១៣៥ ០០០ បារ៉ែលក្នុងមួយថ្ងៃ។ ការសម្រេចចិត្តនេះត្រូវបានធ្វើឡើងប្រឆាំងនឹងភាពចលាចលនៃទីផ្សារ ដែលបង្កឡើងដោយសារការដាក់ពន្ធរបស់ប្រធានាធិបតីសហរដ្ឋអាម៉េរិកលោក Donald Trump លើដៃគូពាណិជ្ជកម្មសំខាន់ៗ។
មុនពេលមានកិច្ចប្រជុំ តម្លៃប្រេងបានធ្លាក់ចុះជាង ៤ ភាគរយរួចហើយ ខណៈដែលអ្នកវិនិយោគព្រួយបារម្ភថា ពន្ធរបស់ Trump នឹងធ្វើឱ្យមានសង្គ្រាមពាណិជ្ជកម្មពិភពលោក, កាត់បន្ថយកំណើនសេដ្ឋកិច្ច, និងកំណត់តម្រូវការប្រេងឥន្ធនៈ។ កាលពីថ្ងៃពុធ Trump បានប្រកាសពន្ធឆ្លើយតបឲ្យមានភាពស្មើរគ្នាលើប្រទេសជាង ១៨០ និងពន្ធអប្បបរមា ១០ ភាគរយលើទំនិញភាគច្រើនដែលនាំចូលទៅកាន់សហរដ្ឋអាម៉េរិក ដែលជាអ្នកប្រើប្រាស់ប្រេងធំបំផុតរបស់ពិភពលោក។ ឥឡូវនេះ ពាណិជ្ជករ និងអ្នកវិភាគព្យាករណ៍ថា តម្លៃនឹងមានការប្រែប្រួលបន្ថែមទៀតនៅក្នុងរយៈពេលដ៏ខ្លីខាងមុខ ដោយសារពន្ធគយអាចនឹងផ្លាស់ប្តូរនៅពេលដែលប្រទេសនានាសុំចរចា ឬដាក់ពន្ធសងសឹកទៅអាម៉េរិកវិញ៕
Account
Security
Favourite Content