សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អ្នកជំនាញនៅក្នុងវិស័យអចលនទ្រព្យកម្ពុជាបានអះអាងថា ការវិនិយោគក្នុងវិស័យនេះនៅប្រទេសកម្ពុជា នៅតែមានសកម្មភាពល្អប្រសើរ ជាពិសេសផ្នែកទីផ្សារដីធ្លីនៅតាមតំបន់សក្តានុពលសំខាន់ៗដូចជានៅតាមបណ្ដោយផ្លូវជាតិលេខ៥ ដែលត្រូវបានមើលឃើញថាកំពុងទទួលបានការចាប់អារម្មណ៍ពីសំណាក់វិនិយោគិនជាតិ និងអន្តរជាតិ ហើយតំបន់នេះក៏ត្រូវបានរំពឹងថា នឹងមានកំណើនល្អប្រសើរបន្ថែមទៀតនៅដំណាច់ឆ្នាំ២០២២នេះ។
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានមានប្រសាសន៍ថា តំបន់ផ្លូវជាតិលេខ៥ នៅតំបន់ភ្នំឧត្តុង គឺជាគោលដៅបន្ទាប់ក្នុងការពង្រីកទីក្រុងភ្នំពេញ ដូច្នេះតំបន់ទាំងនោះនឹងក្លាយជាគោលដៅដែលមានការចាប់អារម្មណ៍ពីវិនិយោគិន ច្រើន ហើយក្រោយពេលស្ថានភាពល្អប្រសើរឡើងវិញ តំបន់នេះនឹងមានភាពមមាញឹកលើការអភិវឌ្ឍយ៉ាងលឿន។
លោកបានបន្តថា ៖
“តំបន់ឧត្តុង រួមមានផ្លូវ៥១ ដែលជាផ្លូវក្រវ៉ាត់ក្រុងដ៏សំខាន់ ដែលអាចតភ្ជាប់ទៅកាន់ផ្លូវជាតិលេខ៥ និងទៅលេខ៤ ។ បន្ថែមពីនេះ នៅតំបន់តាមបណ្ដោយផ្លូវជាតិលេខ៥ ដែលតភ្ជាប់ចេញពីផ្សារឧត្តុង គឺជាសក្ដានុពលខ្ពស់មួយនៃការអភិវឌ្ឍ ហើយតម្លៃដីធ្លីនៅតំបន់នោះក៏នៅមានកម្រិតទាបនៅឡើយ ដែលផ្តល់ឱកាសសម្រាប់វិនិយោគិនក្នុងការបណ្ដាក់ទុន ដើម្បីរកប្រាក់ចំណេញនៅពេលអនាគត”
លោក ថូ ម៉ាស អគ្គនាយកនៃក្រុមហ៊ុន CSAH បានមានប្រសាសន៍ថា ផ្លូវជាតិលេខ៥ ជាផ្លូវសេដ្ឋកិច្ចដ៏សំខាន់មួយនៅពេលអនាគត ហើយតំបន់ចេញពីភ្នំពេញប្រមាណ៤០គីឡូម៉ែត្រនៅតាមបណ្ដោយផ្លូវជាតិលេខ៥នេះក៏កំពុងតែបង្ហាញពីសក្ដានុពលខ្ពស់ដល់បណ្ដាវិនិយោគិនក្នុងការទិញដី ដើម្បីវិនិយោគ ឬអភិវឌ្ឍន៍ ដូច្នេះហើយទើបវិនិយោគិនជាច្រើនចូលទៅកាន់តំបន់នេះដើម្បីស្វែងរកការវិនិយោគនានា។
លោកបន្តថា ដោយមើលឃើញពីសក្ដានុពលខ្ពស់នៃតំបន់នេះ លោកបានបណ្ដាក់ទុនវិនិយោគលើការអភិវឌ្ឍដីធ្លីនៅតំបន់នេះ ជាពិសេសលើដីលំហែកាយនៅក្នុងស្រុកសាមគ្គីមានជ័យនៃខេត្តកំពង់ឆ្នាំងដែលនៅមិនឆ្ងាយពីរាជធានីភ្នំពេញប៉ុន្មាននោះទេ ។ លោកបានបន្តថា នៅពេលខាងមុខនេះ សម្រាប់ដីធ្លីនៅតំបន់ផ្លូវជាតិលេខ៥ ជាពិសេសនៅតំបន់ដែលមានព្រំប្រទល់ខេត្ត៣ គឺកំពង់ឆ្នាំ កណ្ដាល និងខេត្តកំពង់ស្ពឺ នឹងក្លាយជាតំបន់ដែលមានការអភិវឌ្ឍខ្លាំង ដែលតម្លៃដីក៏ជឿថានឹងកើនឡើងខ្ពស់ផងដែរនៅពេលខាងមុខនេះ ខណៈដែលអ្នកវិនិយោគដីធ្លីកំពុងតែសម្លឹងមើលទៅលើតំបន់នោះដើម្បីស្វែងរកប្រាក់ចំណេញរបស់ខ្លួន ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content