សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កំបូល គឺជាខណ្ឌដែលបង្កើតក្រោយគេបង្អស់ក្នុងចំណោមបណ្ដាខណ្ឌទាំង១៤នៅរាជធានីភ្នំពេញ ដូច្នេះ ខណ្ឌនេះ ត្រូវបានចាត់ទុកថាជាខណ្ឌកូនពៅនៅក្នុងរាជធានីភ្នំពេញនាពេលបច្ចុប្បន្ន ខណៈតម្លៃដីធ្លីនៅក្នុងខណ្ឌមួយនេះ ក៏ឃើញថាមានតម្លៃទាបជាងគេផងដែរ ក្នុងចំណោមបណ្ដាខណ្ឌទាំងអស់ក្នុងក្រុងភ្នំពេញ ។ តោះមកដឹងពីតម្លៃដីធ្លីនៅតាមបណ្ដាសង្កាត់នានាក្នុងខណ្ឌកូនពៅមួយនេះ។
១.សង្កាត់ កំបូល ៖ ដីធ្លីក្នុងសង្កាត់មួយនេះ ចាត់ទុកថាមានតម្លៃខ្ពស់ជាងគេមួយក្នុងចំណោមបណ្ដាសង្កាត់ដទៃទៀតនៃខណ្ឌកំបូល ដោយដីធ្លីស្ថិតនៅទីតាំងខ្លះមានតម្លៃរហូតដល់ ១៨០០ដុល្លារអាមេរិកកក្នុងមួយម៉ែត្រការ៉េ។ សម្រាប់ទីតាំងនៅជាប់ផ្លូវធំមានតម្លៃចន្លោះពី ២៥០ដុល្លារអាមេរិកទៅ ១៨០០ដុល្លារអាមេរិកក្នុងមួយម៉ែត្រការ៉េ ។ ដោយឡែក សម្រាប់ទីតាំងដីនៅជាប់ផ្លូវតូច មានតម្លៃចន្លោះពី ៦០ដុល្លារទៅ ២០០ដុល្លារអាមេរិកក្នុងមួយម៉ែត្រការ៉េ ។
២.សង្កាត់កន្ទោក ៖ សង្កាត់មួយនេះ តម្លៃដីក៏មានអត្រាខ្ពស់ស្រដៀងគ្នាទៅនឹងសង្កាត់កំបូលដែរ ។ សម្រាប់ទីតាំងដីនៅជាប់ផ្លូវធំមានតម្លៃចន្លោះពី៣០០ដុល្លារ ទៅ ១៨០០ដុល្លារអាមេរិកក្នុងមួយម៉ែត្រការ៉េ និងដីនៅតាមផ្លូវតូចស្ថិតនៅក្នុងតម្លៃចន្លោះពី ៨០ដុល្លារទៅ ២៥០ដុល្លារអាមេរិកក្នុងមួយម៉ែត្រការ៉េ ។
៣.សង្កាត់ឱឡោក ៖តម្លៃដីនៅក្នុងសង្កាត់មួយនេះស្ថិតនៅក្នុងចន្លោះពី៤០ដុល្លារទៅ១៥០ដុល្លារអាមេរិកក្នុងមួយម៉ែត្រការ៉េ ដោយទីតាំងនៅជាប់ផ្លូវធំ មានតម្លៃចន្លោះពី៦០ដុល្លារអាមេរិកទៅ១៥០ដុល្លារអមេរិក និងទីតាំងនៅជាប់ផ្លូវតូចវិញមានតម្លៃចន្លោះពី៤០ដុល្លារទៅ១០០ដុល្លារអាមេរិកក្នុងមួយម៉ែត្រការ៉េ ។
៤.សង្កាត់ស្នោរ៖ សង្កាត់មួយនេះ តម្លៃដីមានចាប់ពី៦០ដុល្លារអាមេរិកដល់ ៣០០ដុល្លារអាមេរិ ដោយទីតាំងដីនៅជាប់ផ្លូវធំមានតម្លៃចន្លោះពី១២០ដុល្លារទៅ៣០០ដុល្លារអាមេរិកក្នុងមួយម៉ែត្រការ៉េ និងទីតាំងដីនៅជាប់ផ្លូវតូចវិញមានតម្លៃចន្លោះពី៦០ដុល្លារទៅ១២០ដុល្លារអាមេរិកក្នុងមួយម៉ែត្រការ៉េ ។
៥.សង្កាត់ភ្លើងឆេះរទេះ ៖ សង្កាត់មួយនេះ តម្លៃដីមានចាប់ពី១០០ដុល្លារទៅ៦០០ដុល្លារអាមេរិកក្នុងមួយម៉ែត្រការ៉េ ក្នុងនោះសម្រាប់ទីតាំងដីនៅតាមបណ្ដោយផ្លូវធំៗមានតម្លៃចន្លោះពី១៩០ដុល្លារទៅ៦០០ដុល្លារអាមេរិកក្នុងមួយម៉ែត្រការ៉េ និងតម្លៃចន្លោះពី១០០ដុល្លារទៅ២០០ដុល្លារអាមេរិកក្នុងមួយម៉ែត្រការ៉េសម្រាប់ទីតាំងដីនៅជាប់ផ្លូវតូច ។
៦. សង្កាត់បឹងធំ ៖ សង្កាត់មួយនេះ តម្លៃដីគេអាចរកបានក្នុងរង្វង់ពី៥០ដុល្លារអាមេរិកទៅ២៥០ដុល្លារអាមេរិកក្នុងមួយម៉ែត្រការ៉េ ដោយក្នុងនោះដែរទីតាំងដីនៅជាប់ផ្លូវធំៗមានតម្លៃចន្លោះពី ៨០ទៅ ២៥០ដុល្លារអាមេរិក និងទីតាំងដីនៅជាប់ផ្លូវតូចៗវិញមានតម្លៃចន្លោះពី៥០ទៅ១៥០ដុល្លារអាមេរិកក្នុងមួយម៉ែត្រការ៉េ ។
៧.សង្កាត់ប្រទះឡាង ៖ សង្កាត់នេះចាត់ទុកជាតំបន់ដែលមានតម្លៃដីធ្លីទាបជាងគេក្នុងចំណោមសង្កាត់ក្នុងខណ្ឌកំបូល ដោយតម្លៃដីមានចាប់ពី៣០ដុល្លារអាមេរិកទៅ ២៨០ដុល្លារអាមេរិក ក្នុងនោះដែរដីនៅជាប់ផ្លូវធំៗមានតម្លៃចន្លោះពី៥០ដុល្លារអាមេរិកទៅ២៨០ដុល្លារអាមេរិក និង ចន្លោះពី៣០ដុល្លារទៅ១៥០ដុល្លារ សម្រាប់ទីតាំងដីនៅជាប់ផ្លូវតូចៗ ។
គួររំលឹកថា ខណ្ឌកំបូលត្រូវបានបង្កើតឡើងដោយកាត់ផ្នែកខ្លះនៃខណ្ឌពោធិ៍សែនជ័យ ខណ្ឌដង្កោ ឃុំបែកចាន ស្រុកអង្គស្នួលខេត្តកណ្ដាល ។ បច្ចុប្បន្ននេះ ខណ្ឌកំបូលកំពុងមានសកម្មភាពមមាញឹកក្នុងការសាងសង់សំណង់ផ្ទះល្វែង និងឃ្លាំងស្តុកទំនិញ ហើយខណ្ឌនេះដែរក៏កំពុងមានសក្ដានុពលខ្ពស់ទៅលើវិស័យឧស្សាហកម្មនិងពាណិជ្ជកម្ម ៕
Account
Security
Favourite Content