សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បឹងកេងកង ជាតំបន់ដែលចាត់ទុកថាមានតម្លៃដីខ្ពស់ជាងគេនៅក្នុងប្រទេសកម្ពុជា ហើយវានៅតែរក្សាតម្លៃខ្ពស់ជាងគេដដែលមកទល់នឹងបច្ចុប្បន្ននេះ ប៉ុន្តែប្រហែលជានៅមានអ្នកខ្លះមិនទាន់បានដឹងពីតម្លៃដីជាក់លាក់នៅឡើយ ។ ដូច្នេះនៅថ្ងៃនេះ AMS នឹងលម្អិតពីតម្លៃដីធ្លីនៅក្នុងខណ្ឌបឹងកេងកងយកមកបង្ហាញតាមរយៈការកត់ត្រា និងវាយតម្លៃរបស់ក្រុមហ៊ុនជំនាញ។
យោងតាមការសិក្សាស្រាវជ្រាវរបស់ក្រុមហ៊ុនអចលនទ្រព្យល្បីៗនៅក្នុងប្រទេសកម្ពុជាបានបង្ហាញពីតម្លៃនៅតាមសង្កាត់នីមួយៗនៅក្នុងខណ្ឌបឹងកេងកងដែលមានរហូតដល់៧សង្កាត់ក្នុងនោះ ៖
១.សង្កាត់បឹងកេងកង១ តម្លៃដីមានចន្លោះពី ៤ ៩០០ដុល្លារក្នុងមួយម៉ែត្រការ៉េ ដល់ ១០ ០០០ដុល្លារក្នុងមួយម៉ែត្រការ៉េ ដោយដីតាមបណ្ដោយផ្លូវធំមានតម្លៃ ចន្លោះពី ៥ ៤០០ដុល្លារ ទៅ ១០ ០០០ដុល្លារក្នុងមួយម៉ែត្រការ៉េ ហើយដីនៅតាមបណ្ដោយផ្លូវតូចៗ មានតម្លៃចន្លោះពី ៤ ៩០០ដុល្លារ ទៅ ៥ ៥០០ដុល្លារក្នុងមួយម៉ែត្រការ៉េ ។
២. សង្កាត់បឹងកេងកង២ តម្លៃដីមានតម្លៃពី ២ ៨០០ដុល្លារ ទៅ ៧ ១០០ដុល្លារក្នុងមួយម៉ែត្រការ៉េ ដោយនៅតាមបណ្ដោយផ្លូវធំមានតម្លៃចន្លោះពី ៤ ៨០០ដុល្លារទៅ ៧ ១០០ដុល្លារអាមេរិកក្នុងមួយម៉ែត្រការ៉េ និងតាមបណ្ដោយផ្លូវតូចមានតម្លៃចន្លោះពី ២ ៨០០ ទៅ ៤ ៣០០ដុល្លារអាមេរិកក្នុងមួយម៉ែត្រការ៉េ ។
៣. សង្កាត់បឹងកេងកង៣ តម្លៃដីមានតម្លៃ គឺដូចគ្នានឹងតម្លៃដីធ្លីនៅសង្កាត់បឹងកេងកង២ ទាំងនៅតាមបណ្ដោយផ្លូវធំ និងបណ្ដោយផ្លូវតូច ។
៤. សង្កាត់អូរឡាំពិក តម្លៃដីមានចន្លោះពី ២ ៨០០ ទៅ ៨ ៤០០ដុល្លារអាមេរិកក្នុងមួយម៉ែត្រការ៉េ ដោយក្នុងនោះនៅតាមបណ្ដោយផ្លូវធំមានតម្លៃ ៤ ៩០០ដុល្លារ ទៅ ៨ ៤០០ដុល្លារអាមេរិកក្នុងមួយម៉ែត្រការ៉េ និងតាមបណ្ដោយផ្លូវតូចមានតម្លៃចន្លោះពី ២ ៨០០ដុល្លារ ទៅ ៤ ៨០០ដុល្លារអាមេរិកក្នុងមួយម៉ែត្រការ៉េ ។
៥. សង្កាត់ទំនប់ទឹក តម្លៃដីធ្លីមានចន្លោះពី ២ ៨០០ដុល្លារ ទៅ ៦ ៦០០ដុល្លារអាមេរិកក្នុងមួយម៉ែត្រការ៉េដោយក្នុងនោះនៅតាមបណ្ដោយផ្លូវធំ មានតម្លៃចន្លោះពី៣ ២០០ដុល្លារ ទៅ ៦ ៦០០ដុល្លារអាមេរិកក្នុងមួយម៉ែត្រការ៉េ ។
៦.សង្កាត់ទួលស្វាយព្រៃ១ តម្លៃដីធ្លីមានចន្លោះពី ២ ៨០០ដុល្លារអាមេរិកទៅ ៧ ៩០០ដុល្លារអាមេរិកក្នុងមួយម៉ែត្រការ៉េ ដោយតាមបណ្ដោយផ្លូវធំមានតម្លៃចន្លោះពី ៤ ៤០០ដុល្លារ ទៅ ៧ ៩០០ដុល្លារអាមេរិកក្នុងមួយម៉ែត្រការ៉េ និងតាមបណ្ដោយផ្លូវតូចមានតម្លៃ ២ ៨០០ដុល្លារអាមេរិក ទៅ ៤ ៤០០ដុល្លារអាមេរិកក្នុងមួយម៉ែត្រការ៉េ ។
៧. សង្កាត់ទួលស្វាយព្រៃ២ តម្លៃដីធ្លីគឺមិនខុសពី សង្កាត់ទួលស្វាយព្រៃ១នោះឡើយ គឺមានចន្លោះពី ២ ៨០០ដុល្លារអាមេរិក ទៅ ៧ ៩០០ដុល្លារអាមេរិកក្នុងមួយម៉ែត្រការ៉េ ដោយតាមបណ្ដោយផ្លូវធំមានតម្លៃចន្លោះពី ៤ ៤០០ដុល្លារទៅ ៧ ៩០០ដុល្លារអាមេរិកក្នុងមួយម៉ែត្រការ៉េ និងតាមបណ្ដោយផ្លូវតូចមានតម្លៃ ២ ៨០០ដុល្លារអាមេរិក ទៅ ៤ ៤០០ដុល្លារអាមេរិកក្នុងមួយម៉ែត្រការ៉េ ។
អ្នកជំនាញដីធ្លីបានឱ្យដឹងថាការទិញលក់ដីធ្លីនៅតំបន់នៃខណ្ឌបឹងកេងកង គឺជាការទិញដើម្បីអភិវឌ្ឍន៍ដោយអ្នកទិញហើយនឹងអភិវឌ្ឍន៍ភ្លាមៗ ឬទុករយៈពេលខ្លីណាមួយ ដោយមិនអាចទិញដើម្បីទុកចំណេញបន្តទៀតទេ ព្រោះថាដីនៅតំបន់នេះវាខ្ពស់ដល់ដំណាក់កាលដែលមិនអាចទិញដើម្បីវិនិយោគទុនចំណេញនោះទេ ៕
Account
Security
Favourite Content