ក្រសួងរៀបចំដែនដី ប្រកាសដាក់ឱ្យប្រើប្រាស់ជាផ្លូវការសេវាសាធារណៈតាមប្រព័ន្ធឌីជីថល

ភ្នំំពេញ៖ ក្រសួងរៀបចំដែនដី នគរូបនីយកម្ម និងសំណង់ នារសៀលថ្ងៃទី៩ ខែមេសា ឆ្នាំ២០២៤ បានប្រកាសដាក់ឱ្យប្រើប្រាស់ជាផ្លូវការសេវាសាធារណៈតាមប្រព័ន្ធឌីជីថល ក្រោមវត្តមានឯកឧត្តម សាយ សំអាល់ ឧបនាយករដ្ឋមន្ត្រី និងជារដ្ឋមន្ត្រីក្រសួងរៀបចំដែនដីន គរូបនីយកម្ម និងសំណង់។

នេះជាសមិទ្ធផលថ្មីមួយរបស់ក្រសួងរៀបចំដែនដី សម្រាប់បម្រើសេវាធារណៈជូនប្រជាពលរដ្ឋឱ្យកាន់តែមានភាពងាយស្រួល រហ័ស និងតម្លាភាព។ សេវាឌីជីថលនេះរួមមាន៖ សេវាសុរិយោដី សេវាសំណង់ សេវាផ្តល់អាជ្ញាប័ណ្ណ សេវាថតចម្លងឯកសារប្លង់ និងសេវាពិគ្រោះយោបល់។

ទាក់ទងនឹងសមិទ្ធផលថ្មីនេះ លោកជំទាវ សេង សុមេត្តា រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់បានមានប្រសាសន៍ឱ្យដឹងថា៖ ថ្ងៃនេះជាថ្ងៃបើកទំព័រសករាជថ្មីសម្រាប់ក្រសួងរៀបចំដែនដី នគររូបនីយកម្ម និងសំណង់ តាមរយៈការបង្ហាញនូវសមិទ្ធផលថ្មីរបស់ខ្លួនពីការស្នើសុំនូវសេវាសាធារណៈតាមប្រព័ន្ធឌីជីថលដែលបានផ្តល់នូវភាពងាយស្រួល រហ័សនិងប្រសិទ្ធភាពដែលអាចស្នើសុំបានគ្រប់ពេលវេលា និងគ្រប់ទីកន្លែង ស្របតាមគោលដៅយុទ្ធសាស្ត្របញ្ចកោណដំណាក់កាលទីមួយផ្ដោតលើការបង្កើនប្រសិទ្ធភាពសេវាសាធារណៈ និងស្របតាមអាទិភាពនៃបញ្ចកោណទី៥ ដែលបានកំណត់នៅក្នុងអាទិភាពក្នុងការកសាងរដ្ឋាភិបាលឌីជីថលតាមរយៈការកសាង និងការអភិវឌ្ឍហេដ្ឋារចនាសម្ព័ន្ធឌីជីថល ក្រសួងរៀបចំដែនដី នគរូបនីយកម្ម និងសំណង់ បាន និងកំពុងអនុវត្តនូវវិធានការគោលនយោបាយចំពោះមុខ ៣ ចំណុចនៃចង្កោមវិធានការគោលនយោបាយអាទិភាពទាំង១៥ចំណុចដែលទទួលបានការឯកភាពដ៏ខ្ពង់ខ្ពស់ពីសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ក្នុងនោះមានចំណុចអាទិភាពមួយគឺការផ្តល់សេវាសាធារណៈ និងការគ្រប់គ្រងប្រព័ន្ធទិន្នន័យ។

លោកជំទាវរដ្ឋលេខាធិការបានបន្តថា៖ បច្ចុប្បន្នក្រសួងរៀបចំដែនដី នគររូបនីយកម្ម និងសំណង់ មានសេវាសាធារណៈសរុបចំនួន៤៩៦ មុខ ដែលក្នុងនោះសេវាស្ថិតនៅក្រោមដែនសមត្ថកិច្ចរដ្ឋបាលរបស់ក្រសួងមានចំនួន១៩៨ មុខ សេវាសាធារណៈដែលបានប្រតិភូកម្មទៅមន្ទីររៀបចំដែនដី នគរូបនីយកម្ម សំណង់និងសុរិយោដីរាជធានីខេត្តមានចំនួន២០២មុខ និងសេវាដែលបានផ្តល់ដោយការិយាល័យច្រកចេញចូលតែមួយរបស់ក្រុង ស្រុក ខណ្ឌ មានចំនួន៧៨មុខ។

លោកជំទាវបានបញ្ជាក់ថា៖

«ចំណូលពីសេវាសាធារណៈក្នុងវិស័យរៀបចំដែនដី នគរូបនីយកម្ម និងសំណង់ ក្នុងរយៈពេល៥ឆ្នាំចុងក្រោយនេះទទួលបានជាង១០០លានដុល្លារក្នុងមួយឆ្នាំៗ ហើយជាក់ស្តែងនៅក្នុងឆ្នាំ២០២៣កន្លងទៅនេះទទួលបានចំណូលជាង១៤៦លានដុល្លារ ក្នុងនោះចំណូលពន្ធលើការផ្ទេរអចលនទ្រព្យមានជាង១០០លានដុល្លារស្មើនឹង៧១ភាគរយនៃចំនួនសរុប»។

លោកជំទាវរដ្ឋលេខាធិការ បានគូសបញ្ជាក់ថា៖ ការលើកកម្ពស់សេវាសាធារណៈក្នុងវិស័យរៀបចំដែនដី នគររូបនីយកម្ម និងសំណង់ គឺជាការរួមចំណែកចូលរួមសម្រេចបានគោលនយោបាយយុទ្ធសាស្ត្ររបស់រាជរដ្ឋាភិបាលផង បង្កើនចំណូលមិនមែនសារពើពន្ធ និងចំណូលពន្ធជូនរដ្ឋផង។

លោកជំទាវបានឱ្យដឹងទៀតថា៖

«ក្រសួងបានធ្វើបរិវត្តកម្មសេវាឌីជីថលជាបណ្តើរៗ ដោយបានធ្វើទំនើបកម្មសេវាឆែកព័ត៌មានសុរិយោដីដែលពីមុនយើងឆែកទៅតាមគ្យូរអកូតប៉ុន្តែបច្ចុប្បន្ននេះគឺយើងអាចឆែកតាមលេខកូដក្បាលដីនៅលើវេបសាយរបស់ក្រសួងនិងបានដាក់ឲ្យដំណើរការសាកល្បងកាលពីខែតុលាឆ្នាំ២០២៣។នៅខែធ្នូឆ្នាំ២០២៣ ក្រសួងបានដាក់ឲ្យដំណើរការសាកល្បងសេវាសំណង់អនឡាញចំនួនបីមុខ និងសរុបមកដល់ដំណាច់ខែមីនាឆ្នាំ២០២៤ បានដាក់ឲ្យដំណើរការសាកល្បងនូវសេវាអនឡាញសំណង់ចំនួន១២មុខបន្ថែមទៀត។ក្នុងនោះក្រៅពីអ្នកប្រើប្រាស់អាចស្នើសុំសេវានៅលើវេបសាយរបស់ក្រសួង ក៏អាចស្នើសុំនៅលើ អ៊ែប ផងដែរ»។

ឯកឧត្តម ឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានហៅសេវាសាធារណៈតាមប្រព័ន្ធឌីជីថលនេះជា «សេវាគាប់ចិត្ត»។ សេវានេះអាចដោះស្រាយបញ្ហាជាចង្កោម លឿន រហ័ស មានតម្លាភាព ប្រសិទ្ធភាព ងាយស្រួល និងជឿទុកចិត្តបាន។

ឯកឧត្តម ឧបនាយករដ្ឋមន្ត្រី បានថ្លែងឱ្យដឹងថា ៖ សមិទ្ធផលនេះ បានទទួលការគាំទ្រពីគ្រប់មជ្ឈដ្ឋាន ជាពិសេសពីក្រសួងពាក់ព័ន្ធ ស្ថាប័នធនាគារ មីក្រូហិរញវត្ថុ ក្រុមហ៊ុនឯកជន អង្គការសមាគម និងប្រជាពលរដ្ឋ។

ឯកឧត្តមរដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានលើកឡើងថា៖

«កម្ពុជាបានចុះបញ្ជីដីជាង៧លានក្បាលដី និងនៅសល់ជាង៥លានក្បាលដីទៀត ដែលនៅឆ្នាំ២០២៩នឹងចុះបញ្ជីឱ្យចប់សព្វគ្រប់នៅទូទាំងប្រទេស»។

ថ្លែងក្នុងពិធីប្រកាសដាក់ឱ្យប្រើប្រាស់ជាផ្លូវការសេវាសាធារណៈតាមប្រព័ន្ធអនឡាញរបស់ក្រសួងរៀបចំដែនដី នគរូបនីយកម្ម និងសំណង់ លោកជំទាវ ឌិត នីតា ប្រធានក្រុមប្រឹក្សាភិបាល នៃសមាគមមីក្រូហិរញ្ញវត្ថុកម្ពុជា បានមានប្រសាសន៍ថា៖ សេវាសាធារណៈតាមប្រព័ន្ធអនទ្បាញនេះ គឺជាផ្លែផ្កានៃការប្តេជ្ញារបស់សាមីក្រសួង និងភាគីពាក់ព័ន្ធ ហើយវាជាមោទនភាពសម្រាប់សមាគមមីក្រូហិរញ្ញវត្ថុកម្ពុជា ក្នុងការធ្វើជាសក្សី និងគាំទ្រដំណើរផ្លាស់ប្តូរដ៍ធំធេងនេះ។

សមិទ្ធផលដ៍ថ្លៃថ្លានេះ គឺជាជំហានដ៏សំខាន់មួយឆ្ពោះទៅរកការធានាថាប្រជាជនខ្មែរទាំងអស់និងគ្រប់ស្ថាប័ននៅក្នុងប្រទេសកម្ពុជាអាចទទួលបាន និងប្រើប្រាស់សេវាសុរិយោដី និងសំណង់សំខាន់ៗ បានយ៉ាងងាយស្រួល ប្រកបដោយប្រសិទ្ធភាព និងមានសុវត្ថិភាពជាងមុន។ ប្រព័ន្ធដ៏ទំនើបនេះនឹងចូលរួមលើកកម្ពស់វិស័យមីក្រូហិរញ្ញវត្ថុ និងសុខុមាលភាពហិរញ្ញវត្ថុរបស់ប្រជាជនកម្ពុជាទាំងអស់ តាមរយៈការជួយដោះស្រាយបញ្ហាប្រឈមដែលសមាជិករបស់សមាគមជួបប្រទះ ជាពិសេសក្នុងការផ្ទៀងផ្ទាត់កម្មសិទ្ធិដីធ្លី និងឯកសារគតិយុទ្ធផ្សេង។ លើសពីនេះ ប្រព័ន្ធនេះនឹងសម្រួលដល់ការធ្វើប្រតិបត្តិការឥណទានប្រកបដោយទំនុកចិត្ត ដែលផ្តល់អត្ថប្រយោជន៍ដល់ប្រជាពលរដ្ឋខ្មែរ និងសេដ្ឋកិច្ចកម្ពុជាទាំងមូល។ មិនតែប៉ុណ្ណោះសមិទ្ធផលនេះជាទំនើបកម្មថ្មីមួយរបស់ក្រសួងក្នុងដំណើរឆ្ពោះទៅកាន់បរិវត្តកម្មឌីជីថល ដែលជាចក្ខុវិស័យរបស់រាជរដ្ឋាភិបាលកម្ពុជាអណាត្តិទី៧។

លោក រ័ត្ន សោភ័ណ ប្រធានសមាគមធនាគារនៅកម្ពុជា បានមានប្រសាសន៍ផងដែរថា៖ ការធ្វើទំនើបកម្មឌីជីថលសេវាសាធារណៈនេះ វាជាការឆ្លើយតបទៅនឹងយុទ្ធបញ្ចកោណដំណាក់កាលទី១នៃរាជរដ្ឋាភិបាល ដែលបច្ចេកវិទ្យាគឺជាអាទិភាពគន្លឹះមួយក្នុងចំណោមអាទិភាពគន្លឹះទាំង៥។

លោកបានបន្ថែមថា៖ការដាក់ឱ្យដំណើរការសេវាសាធារណៈតាមប្រព័ន្ធឌីជីថលរបស់ក្រសួងនាពេលនេះ ពិតជាបានគាំទ្រ និងបានចូលរួមចំណែកយ៉ាងសំខាន់ដល់វិស័យធនាគារ និងវិស័យពាក់ព័ន្ធផ្សេងទៀត ជាពិសេសគឺសេវាត្រួតពិនិត្យព័ត៍មានសុរិយោដីតាមអនឡាញ និងចុះបញ្ជីសេវាសំណង់។ បន្ថែមលើនេះតាមរយៈទិសដៅរបស់ក្រសួងនាពេលដ៏ខ្លីខាងមុខ សេវាផ្សេងៗទៀតរួមមាន សេវាផ្ទេរកម្មសិទ្ធិ សេវាចុះបន្ទុក និងដកបន្ទុកនៃប្លង់ដី និងសេវាចុះហ៊ីប៉ូតែកជាដើម នឹងត្រូវបានដាក់បញ្ជូលទៅក្នុងប្រព័ន្ធឌីជីថលផងដែរ។ ការណ៍នេះនឹងជួយសម្រួលដល់បងប្អូនប្រជាពលរដ្ឋ ដែលមានតម្រូវការឥណទានពីគ្រឹះស្ថានធនាគារ និងត្រូវការប្រើប្រាស់សេវាទាំងអស់នេះ។ 

សមាគមធនាគារនៅកម្ពុជា យល់ឃើញថា ការដាក់ឱ្យដំណើរការប្រព័ន្ធចុះបញ្ជីសេវាសាធារណៈ ទាក់ទងនឹងសេវាសំណង់ និងសេវាព័ត៌មានសុរិយោដីតាមប្រព័ន្ធអេឡិចត្រូនិកនិងសេវាផ្សេងៗទៀតរបស់ក្រសួងរៀបចំដែនដីពេលនេះ ជាជំហានថ្មីដ៏មានសារៈសំខា​ន់​បំផុត របស់រាជរដ្ឋាភិបាល ក្នុងការធ្វើទំនើបកម្មសេវាសារធារណៈ ដើម្បីបង្កើនប្រសិទ្ធភាពនៃការផ្តល់សេវា ការបង្កភាពងាយស្រួល លឿនរហ័ស និងដល់ ប្រជាពលរដ្ឋ ធុរជន និង វិនិយោគិន។ បន្ថែមពីនេះ ប្រព័ន្ធចុះបញ្ជីសេវាសាធារណៈ ទាក់ទងនឹងសេវាសំណង់ និងសេវាព័ត៌មានសុរិយោដីប្រព័ន្ធអេឡិចត្រូនិក ក៏អាចធ្វើការទូទាត់ថ្លៃសេវា តាមរយៈឌីជីថល ដោយសំបូរបែប និង  សុវត្ថិភាព ព្រមទាំងជួយកាត់បន្ថយការចំណាយផ្សេងៗផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ហ្វីលីពីន បន្ថែមលុយជាង២០០លានដុល្លារពីលើកុងត្រាចាស់ជាង៣០០លានដុល្លារ ដើម្បីទិញមីស៊ីលពីឥណ្ឌា

ព្រឹត្តិការណ៍, សេដ្ឋកិច្ច

• 14/02/2025

ប្រទេសឥណ្ឌាគឺជាអ្នកនាំចូលអាវុធច្រើនជាងគេបំផុតលើពិភពលោក ប៉ុន្តែក៏កំពុងព្យាយាមក្នុងការបង្កើនការនាំចេញសព្វាវុធដែលផលិតបាននៅក្នុងស្រុករបស់ខ្លួនផងដែរ

កម្ពុជា និងហ្វីលីពីន សហការគ្នាស៊ើបអង្កេតលើការងារបច្ចេកទេសឆ្លងដែន

ព្រឹត្តិការណ៍, សេដ្ឋកិច្ច

• 14/02/2025

គណៈកម្មាធិការប្រកួតប្រជែងកម្ពុជា និង ហ្វីលីពីន ចុះ MoU សហការគ្នាលើការស៊ើបអង្កេត និង ការងារបច្ចេកទេសឆ្លងដែន ដើម្បីសម្របសម្រួល និងការស៊ើបអង្កេតរួមគ្នា

កម្ពុជា-ហ្វីលីពីន ពង្រឹងកិច្ចសហប្រតិបត្តិការលើវិស័យកសិកម្មឱ្យមានភាពរីកចម្រើន រួមចំណែកលើកកម្ពស់សេដ្ឋកិច្ច

ព្រឹត្តិការណ៍, សេដ្ឋកិច្ច

• 14/02/2025

កម្ពុជា-ហ្វីលីពីន ពង្រឹងកិច្ចសហប្រតិបត្តិការលើវិស័យកសិកម្មឱ្យមានភាពរីកចម្រើន រួមចំណែកលើកកម្ពស់សេដ្ឋកិច្ចប្រទេសទាំង២

តម្លៃប្រេងធ្លាក់ចុះជាង ២ ភាគរយ បន្ទាប់ពីប្រធានាធិបតីសហរដ្ឋអាម៉េរិកជំរុញឲ្យមានកិច្ចពិភាក្សាការទូតរវាងរុស្ស៊ី និងអ៊ុយក្រែន

ព្រឹត្តិការណ៍, សេដ្ឋកិច្ច

• 14/02/2025

ថ្មីៗនេះ តម្លៃប្រេងឆៅម៉ាក Brent ធ្លាក់ចុះ ២,៣៦ ភាគរយ ឬ ៧៥,១៨ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ធ្លាក់ចុះ ២,៦៦ ភាគរយ ឬ ៧១,៣៧ ដុល្លារក្នុងមួយបារ៉ែល

ថៃ និងឥណ្ឌា អាចប្រឈមមុខនឹងបញ្ហាសេដ្ឋកិច្ចពីភាពតានតឹងពាណិជ្ជកម្មជាមួយនឹង Donald Trump

ព្រឹត្តិការណ៍, សេដ្ឋកិច្ច

• 13/02/2025

អ្នកសេដ្ឋកិច្ចព្យាករណ៍ថា សង្រ្គាមពាណិជ្ជកម្មរបស់ Trump នឹងនាំមកនូវការផ្លាស់ប្តូរសំខាន់ៗនៅទូទាំងអាស៊ី និង ប្រឈមមុខនឹងផលប៉ះពាល់សេដ្ឋកិច្ចធ្ងន់ធ្ងរពីគោលនយោបាយពន្ធគយដោយសារសេដ្ឋកិច្ចអាស៊ីដែលកំពុងតែរីកចម្រើនបានដាក់ពន្ធលើការនាំចូលពីសហរដ្ឋអាមេរិកលើសពីមធ្យម

អ្នកនាំចេញ-នាំចូលស្រូវអង្ករ កម្ពុជា-ហ្វីលីពីន ស្វែងរកឱកាសជំរុញពាណិជ្ជកម្ម

ព្រឹត្តិការណ៍, សេដ្ឋកិច្ច

• 13/02/2025

អ្នករកស៊ីនាំចេញនាំចលនៃប្រទេសកម្ពុជា-ហ្វីលីពីន ពិភាក្សាអំពីការពង្រីកទីផ្សារស្រូវអង្ករ និងស្វែងរកឱកាសជំរុញពាណិជ្ជកម្មលើវិស័យនេះ ។

ឆ្នាំ២០២៤ ច្រកចេញចូលតែមួយទូទាំងប្រទេសរកចំណូលបានជាង៣៥លានដុល្លារ

ព្រឹត្តិការណ៍, សេដ្ឋកិច្ច

• 13/02/2025

យន្តការច្រកចេញចូលតែមួយទូទាំងប្រទេសនៅឆ្នាំ២០២៤ បានផ្ដល់សេវាជាង៥លានសេវា និង ទទួលបានចំណូលជាង ៣៥ លានដុល្លារអាមេរិក ។

សម្ដេចធិបតី បានរំលេចពីសក្ដានុពលសំខាន់ៗចំនួន៦ចំណុចនៅកម្ពុជាក្នុង«វេទិកាធុរកិច្ចកម្ពុជា-ហ្វីលី ពីន»

ព្រឹត្តិការណ៍, សេដ្ឋកិច្ច

• 12/02/2025

សម្តេចធិបតីបានរំលេចអំពីសក្តានុពលសំខាន់ៗចំនួន៦ចំណុច នៃការវិនិយោគនៅកម្ពុជា ដែលនឹងផ្តល់អត្ថប្រយោជន៍ដល់វិនិយោគិនបរទេសយ៉ាងប្រាកដ

ក្រុមប្រឹក្សាអភិវឌ្ឍន៍កម្ពុជា និងគណៈកម្មាធិការវិនិយោគហ្វីលីពីន ចុះ MoU លើកិច្ចសហប្រតិបត្តិការវិនិយោគ

ព្រឹត្តិការណ៍, សេដ្ឋកិច្ច

• 12/02/2025

ក្រុមប្រឹក្សាអភិវឌ្ឍន៍កម្ពុជា និង គណៈកម្មាធិការវិនិយោគហ្វីលីពីន ផ្លាស់ប្តូរអនុស្សារណៈនៃការយោគយល់លើកិច្ចសហប្រតិបត្តិការវិនិយោគ .

ដៃគូពាណិជ្ជកម្មសំខាន់ៗរបស់អាម៉េរិក ប្រតិកម្មទៅនឹងការដាក់ពន្ធ ២៥ ភាគរយរបស់ Donald Trump

ព្រឹត្តិការណ៍, សេដ្ឋកិច្ច

• 12/02/2025

កាលពីថ្ងៃចន្ទ ប្រធានាធិបតីសហរដ្ឋអាម៉េរិក Donald Trump បានបញ្ជាក់ថា អាម៉េរិកនឹងយកពន្ធ ២៥ ភាគរយពីប្រទេសទាំងអស់ មិនថាមកពីណាទេដោយគ្មានករណីលើកលែង។ ការយកពន្ធគយនេះនឹងចូលជាធរមាននៅថ្ងៃទី ១២ ខែមីនា ឆ្នាំ២០២៥ តទៅ