ក្រុមហ៊ុនបរទេសកាន់តែច្រើនបង្ហាញការចាប់អារម្មណ៍វិនិយោគនៅកម្ពុជា

ភ្នំពេញ ៖ ក្រុមមហ៊ុនបរទេសជាច្រើនបានបង្ហាញការចាប់អារម្មណ៍លើការបណ្ដាក់ទុនវិនិយោគនៅក្នុងប្រទេសកម្ពុជា ជាពិសេសក្រោយពីស្ថានភាពកូវីដ១៩ នៅកម្ពុជា ត្រូវបានគ្រប់គ្រងបានយ៉ាងប្រសើរ ហើយក្នុងនោះដែរ តាមរយៈដំណើរទស្សនកិច្ចរបស់ថ្នាក់ដឹកនាំកំពូលៗកម្ពុជាឃើញថា មានក្រុមហ៊ុនបរទេសមួយចំនួនបានបង្ហាញពីបំណងក្នុងការចូលមកវិនិយោគនៅកម្ពុជា។

យោងតាមសេចក្ដីប្រកាសព័ត៌មានក្រសួងពាណិជ្ជកម្មកម្ពុជាកាលពីពេលថ្មីៗនេះបង្ហាញថា ក្រុមហ៊ុន Nestlé ដែលជាក្រុមហ៊ុនផលិតទឹកដោះគោ និងអាហារូបត្ថម្ភបានជម្រាបពីបំណងរបស់ខ្លួនក្នុងការបង្កើតរោងចក្រផលិតនៅក្នុងប្រទេសកម្ពុជាក្នុងពេលឆាប់ៗនេះ  ដើម្បីនាំចេញទៅកាន់ទីផ្សារអន្តរជាតិវិញ ស្របពេលកម្ពុជាបានបង្ហាញពីទីផ្សារ ដែលទើបទទួលបានជាច្រើន ក្នុងនោះកិច្ចព្រមព្រៀងពាណិជ្ជកម្មសេរីចំនួនពីរបានចូលជាធរមាន និងកិច្ចព្រមព្រៀងពាណិជ្ជកម្មសេរីទ្វេភាគីជាមួយកូរ៉េ ក៏នឹងចូលជាធរមាននៅពេលឆាប់ៗខាងមុខនេះផងដែរ។

ក្រៅពីក្រុមហ៊ុនអន្តរជាតិធំមួយនេះ ក៏មានក្រុមហ៊ុនអន្តរជាតិលំដាប់អន្តរជាតិជាច្រើនទៀត នៅដើមឆ្នាំ ២០២២ នេះ ដែលបង្ហាញពីគម្រោងក្នុងការចូលមកកម្ពុជាស្វែងរកការវិនិយោគរបស់ខ្លួន ខណៈវិនិយោគិនបរទេសហូរចូលមកកម្ពុជាបានខកខានរយៈពេលជាង ២ ឆ្នាំមកហើយ ។

ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម តែងតែលើកពីកិច្ចព្រមព្រៀងពាណិជ្ជកម្មសេរីរបស់កម្ពុជា ដែលមានជាមួយប្រទេសជាដៃគូទៅដល់បណ្ដាវិនិយោគិនបរទេស ដើម្បីឱ្យវិនិយោគិនបរទេសបណ្ដាក់ទុនវិនិយោគផលិត ហើយនាំចេញទៅកាន់ទីផ្សារក្រៅប្រទេសវិញ ក្នុងនោះទីផ្សារប្រទេសចិន តាមរយៈកិច្ចព្រមព្រៀងពាណិជ្ជកម្មសេរីកម្ពុជា-ចិន កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយ តំបន់ អសិប ដែលមានប្រទេសអាស៊ានទាំង ១០ និងប្រទេសទីផ្សារធំៗមួយចំនួនទៀត។

លោកស្រី ហ្គ្រេសរចនី អគ្គនាយិកាក្រុមហ៊ុនអចលនទ្រព្យ Century 21 Cambodia បានមានប្រសាសន៍កន្លងមកនេះថា នៅឆ្នាំ២០២៣ខាងមុខនេះ កម្ពុជានឹងធ្វើជាម្ចាស់ផ្ទះនៃព្រឹត្តិការណ៍កីឡាស៊ីហ្គេម ដូច្នេះក្នុងពេលនោះ ជនបរទេសទាំងវិនិយោគិន និងទេសចរនឹងចូលមកកម្ពុជា ដើម្បីទស្សនានូវការប្រកួតកីឡានានាទាំងនៅភ្នំពេញ និងបណ្ដាខេត្ត។

លោកស្រីបន្តថា ពេលនោះ គឺជាឱកាសដ៏ល្អសម្រាប់វិនិយោគិនកម្ពុជា ក្នុងការផ្សព្វផ្សាយពីសក្ដានុពលកម្ពុជា ហើយក៏ជាពេលវេលាដែលរំពឹងថា វិនិយោគិនបរទេសនឹងចូលមកម្ពុជា ដើម្បីវិនិយោគកាន់តែច្រើនផងដែរ ក្នុងនោះដែរតំបន់ជុំវិញពហុកីឡដ្ឋានជាតិមរតកតេជោ នឹងក្លាយជាតំបន់ដែលមានសក្ដានុពលខ្ពស់មួយក្នុងការទាក់ទាញវិនិយោគិន។

លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាក៏បានបង្ហាញពីសុទិដ្ឋិនិយមចំពោះការវិលត្រលប់មកវិញរបស់វិនិយោគិនបរទេសចូលមកកម្ពុជា ដោយលោកលើកឡើងថា នៅចុងឆ្នាំ ២០២២ នេះ ឬដើមឆ្នាំ ២០២៣ ខាងមុខ វិនិយោគិនបរទេសនឹងអាចមកដល់កម្ពុជា និងស្វែងរកការវិនិយោគវិញ ក្នុងពេលដែលកម្ពុជាក៏បានត្រៀមខ្លួនរួចរាល់ក្នុងការស្វាគមន៍ពួកគេ ជាពិសេសនោះក្នុងអំឡុងពេលកូវីដ១៩ក្ដី ក៏កម្ពុជានៅតែត្រៀមខ្លួនសម្រាប់វិនិយោគិនបរទេសមកវិនិយោគនៅកម្ពុជា៕


ព្រឹត្តិការណ៍, សេដ្ឋកិច្ច

ជំនួញប្រេងឆៅនៅអារ៉ាប៊ីសាអូឌីតទទួលបានអតិរេកខ្ពស់មិនធ្លាប់មានជាង២០ពាន់លានដុល្លារ

អារ៉ាប៊ីសាអូឌីតកាលពីសប្តាហ៍កន្លងទៅបានធ្វើការប្រកាសបង្ហាញជាផ្លូវការនូវទំហំប្រាក់ចំណេញដែលបានមកពីការផ្គត់ផ្គង់ប្រេងឆៅក្នុងទំហំដ៏ច្រើនមិនធ្លាប់មានគិតត្រឹមត្រីមាសទី២កន្លងទៅនេះ…
ជំនួញ, ព្រឹត្តិការណ៍

កាកសំណល់ផ្ទះបាយ ក្លាយជាជីដ៏មានតម្លៃចំពោះដំណាំ  

ភ្នំពេញ ៖ កាកសំណល់ផ្ទះបាយដែលយើងច្រកថង់បោះចោល គរទុកមុខផ្ទះចាំគេមកប្រមូល ឬទុកយូរអាចបង្ករឱ្យមានក្លិនស្អុយនោះ អាចផលិតទៅជាជីដ៏មានជីជាតិសម្រាប់ដំណាំ និងអាចជួយកាត់…
ព្រឹត្តិការណ៍, ហិរញ្ញវត្ថុ

គ្រឹះស្ថានឥណទានជនបទរួមចំណែកយ៉ាងសំខាន់ក្នុងការផ្តល់សេវាកម្ចីខ្នាតតូចដល់ពលរដ្ឋនៅកម្ពុជា

ភ្នំពេញ ៖ ធនាគារជាតិនៃកម្ពុជាបានបញ្ជាក់ថា គ្រឹះស្ថានឥណទានជនបទ បាន និងកំពុងរួមចំណែកផ្តល់សេវាឥណទានខ្នាតតូចនៅតាមតំបន់មូលដ្ឋាន ដើម្បីបំពេញតម្រូវការឥណទានទៅ…
ព្រឹត្តិការណ៍, អចលនទ្រព្យ

រដ្ឋាភិបាលប្រមូលពន្ធពីសម្ភារៈសំណង់បានជិត ១ ៣០០លានដុល្លារ

ភ្នំពេញៈ ក្នុងឆមាសទី១ ឆ្នាំ២០២២ រាជរដ្ឋាភិបាលតាមរយៈ អគ្គនាយកដ្ឋានគយ និងរដ្ឋាករកម្ពុជាបានប្រមូលពន្ធពីសម្ភារៈសំណង់ និងកម្រៃផ្សេងៗ បានចំនួន ៣២១,៦ ពាន់លានរៀលស្មើនឹង…
ព្រឹត្តិការណ៍, សេដ្ឋកិច្ច

ទីផ្សារប្រេងប្រេងឥន្ធនៈកម្ពុជាបន្តធ្លាក់ចុះ ខណៈទីផ្សារលក់រាយបារម្ភពីទំនិញឡើងថ្លៃដោយ​ឥទ្ធិពល​​អតិផរណា

ភ្នំពេញ៖ តម្លៃប្រេងឥន្ធនៈសម្រាប់ទីផ្សារលក់រាយនៅកម្ពុជា បានធ្លាក់ចុះជាបន្តបន្ទាប់ បើទោះជាសង្គ្រាម រុស្ស៊ី-អ៊ុយក្រែននៅបន្តរាំរ៉ៃក៏ដោយ ខណៈទីផ្សារលក់រាយនៅបារម្ភពីទំនិញឡើងថ្លៃ ស្របពេល…
ព្រឹត្តិការណ៍, អាជីវកម្មថ្មី និងនវានុវត្ត

ពលរដ្ឋជប៉ុនវ័យក្មេងកាន់តែច្រើនមានទំនោរទៅរកទីផ្សារអាផាតមិនខ្នាតតូចមិនដល់១០ម៉ែត្រការ៉េ

អាផាតមិនខ្នាតតូច ឬ Tiny Apartments ជាច្រើនកន្លែងដែលកំពុងដំណើរការនៅកណ្តាលទីក្រុងតូក្យូមានទំហំមិនដល់ពាក់កណ្តាលនៃអាផាតមិនធម្មតាផងនោះ (ប្រហែលជា២០ម៉ែត្រការ៉េ)…
ជំនួញ, ព្រឹត្តិការណ៍

តូក្យូ ពីភូមិអ្នកនេសាទដ៏តូចមួយក្លាយជាទីក្រុងសេដ្ឋកិច្ចលំដាប់កំពូលរបស់ពិភពលោក

បច្ចុប្បន្ននេះ ទីក្រុងតូក្យូដែលជារដ្ឋធានីនៃប្រទេសជប៉ុនបានក្លាយជាទីក្រុងដែលមានភាពទាក់ទាញបំផុតនៅលើពិភពលោកសម្រាប់អ្នកវិនិយោគលើគ្រប់វិស័យជាពិសេសគឺសកម្មភាពសេដ្ឋកិច្ច…
ព្រឹត្តិការណ៍, សេដ្ឋកិច្ច

កម្ពុជាចម្រាញ់រ៉ែមាសបាន ៣ ៥៤៣គីឡូក្រាម និងចំណូលបានពីសួយសារជាង ៥,១លានដុល្លារ

ភ្នំពេញ ៖ មន្ត្រីជាន់ខ្ពស់ក្រសួង រ៉ែ និងថាមពល បានលើកឡើងថា កម្ពុជាទទួលបានមាស ៣ ៥៤៣ គីឡូក្រាម ស្មើនឹង ២៣២ដុំមាស គិតត្រឹមដើមខែសីហា ឆ្នាំ២០២២ ដែលដុំមាសទាំងអស់បាន…
ព្រឹត្តិការណ៍, ហិរញ្ញវត្ថុ

SME Bank បានបញ្ចេញឥណទានជិត ៨ លានដុល្លារ ដើម្បីជំរុញ និងស្តារវិស័យទេសចរណ៍ឡើងវិញ

ភ្នំពេញ ៖ ធនាគារសហគ្រាសធុនតូច និងមធ្យម កម្ពុជា (SME Bank) គិតត្រឹមថ្ងៃទី៣១ ខែកក្កដា ឆ្នាំ២០២២ បានបញ្ចេញឥណទានចំនួន ៧.៧៧ លានដុល្លារអាមេរិកនៃគម្រោងថវិកាសរុប ១៥០…
ព្រឹត្តិការណ៍, អចលនទ្រព្យ

គម្រោងសាងសង់អាកាសយានដ្ឋានអន្តរជាតិសៀមរាប-អង្គរ នឹងដាក់ឱ្យដំណើរការនៅត្រឹមខែតុលា ឆ្នាំ២០២៣

ក្រោយភាពរអាក់រអួលនៃដំណើរការសាងសង់ដោយសារផលប៉ះពាល់បណ្តាលមកពីជំងឺកូវីដ១៩អស់រយៈពេលជិត២ឆ្នាំ គម្រោងសាងសង់អាកាសយានដ្ឋានអន្តរជាតិសៀមរាប-អង្គរ…