សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNN បានរាយការណ៍ថា ស្ថានភាពសេដ្ឋកិច្ចរបស់កាណានាពេលបច្ចុប្បន្ននេះកំពុងធ្លាក់ចុះ និងភាពមិនច្បាស់លាស់ ខណៈដែលការចរចាអត្រាពន្ធបដិការគយជាមួយអាម៉េរិកក៏មិនទាន់ទទួលបានលទ្ធផលល្អនៅឡើយ។
កាលពីថ្ងៃអង្គារ៍ សប្ដាហ៍នេះ នាយករដ្ឋមន្ត្រីកាណាដា លោក Mark Carney បានជួបប្រជុំជាមួយប្រធានាធិបតីអាម៉េរិក Donald Trump ក្នុងទីក្រុងវ៉ាស៊ីនតោន។
លោក Inu Manak មន្ត្រីជាន់ខ្ពស់ផ្នែកពាណិជ្ជកម្មអន្តរជាតិនៅក្រុមប្រឹក្សាទំនាក់ទំនងបរទេសកាណាដាបានលើកឡើងថា វាមានភាពខុសប្លែកគ្នានៅពេលដែលជួបទល់មុខជាមួយ Trump ដោយផ្ទាល់ ដោយសារវាគឺជាឱកាសដ៏ធំដែលអាចមានឥទ្ធិពលលើការសម្រេចចិត្តរបស់អាម៉េរិក ប៉ុន្តែនេះគឺជាសម្ពាធសម្រាប់ Carney ក្នុងការប្រើប្រាស់ឱកាសនោះឱ្យបានល្អដើម្បីសម្រេចនូវគោលដៅរបស់កាណាដាទាំងមូល។
យោងតាមការស្ទង់មតិដែលធ្វើឡើងដោយ Abacus Data បានឲ្យដឹងថា ពលរដ្ឋកាណាដា ១ ៥០០នាក់ បានដាក់ចំណាត់ថ្នាក់ការឡើងថ្លៃតម្លៃនៃការរស់នៅ និងស្ថានភាពសេដ្ឋកិច្ចទាំងមូលជាបញ្ហាចំពោះមុខដែលពួកគេកំពុងព្រួយបារម្ភ។
បច្ចុប្បន្ន កាណាដា កំពុងជួបប្រទះនឹងអត្រាគ្មានការងារធ្វើ ៧,១% ដែលជាកម្រិតខ្ពស់បំផុតក្នុងរយៈពេល៩ ឆ្នាំ ខណៈដែលសេដ្ឋកិច្ចកំពុងធ្លាក់ចុះ។ មិនត្រឹមតែប៉ុណ្ណោះ អត្រាពន្ធខ្ពស់របស់ Trump បានប៉ះពាល់ដល់ឧស្សាហកម្មរថយន្ត ដែក និងអាលុយមីញ៉ូមយ៉ាងធ្ងន់ធ្ងរ ។ ទន្ទឹមនឹងនេះ កិច្ចប្រជុំរវាងមេដឹកនាំទាំងពីរត្រូវបានរៀបចំឡើងដើម្បីដោះស្រាយវិបត្តិមួយផ្សេងទៀតចំពោះសេដ្ឋកិច្ចកាណាដា គឺពន្ធលើឈើទន់ និងឈើអាររួចហើយ ក្នុងចំណោមទំនិញកំពូលដែលអាម៉េរិកនាំចូលពីកាណាដា។
គួរឲ្យបញ្ជាក់ដែរថា ពន្ធតាមវិស័យគឺជាផ្លែផ្កានៅក្រោមកិច្ចព្រមព្រៀងអាម៉េរិក-ម៉ិកស៊ិក-កាណាដា (USMCA) ដែល Trump បានចរចាក្នុងអំឡុងពេលអាណត្តិដំបូងរបស់លោក ប៉ុន្តែវានឹងត្រូវត្រួតពិនិត្យម្តងទៀតនៅឆ្នាំក្រោយ។ កិច្ចព្រមព្រៀងនេះអនុញ្ញាតឲ្យទំនិញពីម៉ិកស៊ិក និងកាណាដាអាចចូលមកក្នុងអាម៉េរិកដោយមិនបង់ពន្ធ ប្រសិនបើពួកគេអនុលោមតាម USMCA ។ យ៉ាងណាមិញ គេមើលឃើញថា Trump មានបំណងដាក់ពន្ធខ្ពស់លើទំនិញម៉ិកស៊ិក និងកាណាដា ដែលមិនស្ថិតនៅក្រោមកិច្ចព្រមព្រៀង USMCA នេះទេ។ លើសពីនេះ គេព្យាករណ៍ថា Trump ព្យាយាមគេចពីការចរចាកិច្ចព្រមព្រៀងម្តងទៀត ឬ អាចនឹងបន្តវា ប៉ុន្តែសម្រាប់នាយករដ្ឋមន្រ្តីកាណាដា Carney និងប្រធានាធិបតីម៉ិកស៊ិក Claudia Sheinbaum គួរសម្លឹងមើលកិច្ចព្រមព្រៀងទ្វេភាគីវិញសម្រាប់ពេលអនាគត៕
Account
Security
Favourite Content