សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បច្ចុប្បន្ននេះ រដ្ឋបាលខេត្តកំពតបាន និងកំពុងអភិវឌ្ឍន៍សមិទ្ធផលទេសចរណ៍ថ្មីៗជាបន្តបន្ទាប់ ដូចជាឆ្នេរតាមបណ្ដោយដងព្រែកកំពង់បាយ រូបសំណាកសេះសមុទ្រ និងសមិទ្ធផលទេសចរណ៍ផ្សេងៗទៀត ដែលទាំងអស់នេះនឹងក្លាយជាចលករជួយជំរុញ និងលើកកម្ពស់ទីផ្សារអចលនទ្រព្យ ជាពិសេសផ្នែកដីធ្លីក្នុងតំបន់អភិវឌ្ឍន៍។
បើតាមរបាយការណ៍មន្ទីរទេសចរណ៍ខេត្តកំពតបានបង្ហាញថា ក្នុងរយៈពេល៤ថ្ងៃនៃពិធីបុណ្យចូលឆ្នាំប្រពៃណីជាតិខ្មែរកន្លងទៅនេះ ខេត្តកំពតទទួលបានភ្ញៀវទេសចរជាតិដើរលេងកម្សាន្តជាង១លាន៤សែននាក់ ហើយតាមរយៈចំនួនទេសចរដើរលេងក្នុងខេត្តកំពតនេះដែរគឺជាសញ្ញាវិជ្ជមានសម្រាប់ទីផ្សារដីធ្លី និងវិស័យអចលនទ្រព្យ ដូចជាតម្រូវការស្នាក់នៅ រីសតផ្ទះលំហែ សណ្ឋាគារ និងភោជនីយដ្ឋានជាដើម ។
ក្រៅពីនេះដែរ គម្រោងលើកកម្ពស់កម្រិតគុណភាពផ្លូវជាតិលេខ៣៣ និងលេខ៣១ ក៏ជាសមិទ្ធផលមួយទាក់ទាញភ្ញៀវទេសចរពីតំបន់នានាទៅកាន់ខេត្តតំបន់សមុទ្រមួយនេះ ដែលនឹងធ្វើឱ្យខេត្តមួយនេះកាន់តែទាក់ទាញដល់ការវិនិយោគ ជាពិសេសការវិនិយោគលើវិស័យទេសចរណ៍ ។
បើតាមលោក ជិន ណារិន នាយកប្រតិបត្តិនៃក្រុមហ៊ុនអចលនទ្រព្យ Sunshine បានមានប្រសាសន៍ឱ្យដឹងថា គម្រោងអភិវឌ្ឍន៍ថ្មីៗនៅក្នុងទឹកដីខេត្តកំពត ដែលរដ្ឋបាលខេត្តកំពុងអនុវត្តន៍នឹងទាក់ទាញទេសចរ និងវិនិយោគិនចូលមកកាន់ខេត្តកំពតបន្ថែទៀត ហើយលោករំពឹងថាទីផ្សារដីធ្លីនៅក្នុងខេត្តកំពត ជាពិសេសប្រភេទដីសម្រាប់អភិវឌ្ឍជាកន្លែងលំហែនឹងមានសម្ទុះមួយកម្រិតទៀតជាមិនខាន ។
ជាមួយគ្នានេះ លោកក៏បានបន្តថា បច្ចុប្បន្ន គម្រោងធំៗមួយចំនួនទៀតក្នុងខេត្តកំពតរួមមានដូចជាគម្រោងកំពង់ផែ និងមជ្ឈមណ្ឌលភស្តុភារកម្ម ក៏នឹងជំរុញឱ្យមានការវិនិយោគលើទីផ្សារឃ្លាំងស្តុកទំនិញនៅតាមបណ្ដោយផ្លូវជាតិលេខ៣ និងតំបន់ជាយៗក្រុងកំពត ។ ម្យ៉ាងទៀត នៅពេលដែលគម្រោងកំពង់ផែទេសចរណ៍ខេត្តកំពតដាក់ដំណើរការក៏នឹងទាក់ទាញទេសចរជាតិ-អន្តរជាតិបន្ថែមចូលមកកាន់ទឹកដីខេត្តកំពត ដែលនឹងធ្វើឱ្យតម្រូវការផលិតផលទេសចរណ៍កាន់តែមានកំណើន ។
គួរបញ្ជាក់ថា ធនាគារអភិវឌ្ឍន៍អាស៊ី ក៏បានផ្ដល់កម្ចីដល់រដ្ឋាភិបាលក្នុងការរៀបចំទីក្រុងចំនួន៣នៅក្នុងប្រទេសកម្ពុជា ក្នុងនោះក៏មានក្រុងកំពតនៃខេត្តកំពតផងដែរ ដូចជាការរៀបចំហេដ្ឋារចនាសម្ព័ន្ធឱ្យមានសោភ័ណភាព ។ ក្រៅពីនេះមានក្រុងចំនួន២ទៀតដែលធនាគារអន្តរជាតិមួយនេះបានផ្ដល់កម្ចីដើម្បីរៀបចំផងដែរ រួមមានក្រុងបាវិតនៃខេត្តស្វាយរៀង និងក្រុងប៉ោយប៉ែត នៃខេត្តបន្ទាយមានជ័យ ៕
Account
Security
Favourite Content