សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ថ្វីត្បិតតែជាប្រទេសដែលមានសក្តានុពលបំផុតសម្រាប់វិស័យកសិកម្ម ប៉ុន្តែភាពរីកចម្រើនមិនទាន់អាចទៅដល់កម្រិតមួយគួរឲ្យពេញចិត្តនៅឡើយ ដោយសារតែកសិករឥណ្ឌារាប់លាននាក់ស្ថិតនៅក្រោមបន្ទាត់ក្រីក្របានក្លាយទៅជាឧបករណ៍ទាញរកចំណូលដោយឈ្មួញកណ្តាលជាច្រើន និងរាប់សិបឆ្នាំមកហើយ។ ប៉ុន្តែក្រោយការបង្កើតឡើងនៃវេទិកាអនឡាញ e-Choupal វាបាន និងកំពុងជួយដល់កសិករឥណ្ឌាក្នុងការទទួលបាននូវប្រាក់ចំណេញល្អប្រសើរឡើងវិញតាមរយៈការលក់ទំនិញកសិផលដោយផ្ទាល់នៅលើវេទិកានេះ និងពុំចាំបាច់ពឹងផ្អែកទៅលើក្រុមឈ្មួញកណ្តាលទាំងនោះទៀតឡើយ។
e-Choupal ត្រូវបានចាត់ទុកថាជាច្រកនាំចេញដ៏ធំបំផុតមួយរបស់ឥណ្ឌាតាមរយៈបណ្តាញអ៊ិនធឺណេតដោយគិតមកដល់ពេលនេះ កសិករក្រីក្រឥណ្ឌាប្រមាណជា៤លាននាក់មកហើយដែលអាចទទួលបានអត្ថប្រយោជន៍អំពីវា ហើយ e-Choupal ក៏បានដើរតួជាអ្នកផ្គត់ផ្គង់ដ៏មាននិរន្តភាពមួយផងដែរទៅដល់អតិថិជនមកពីជុំវិញពិភពលោកចំពោះផលិតផលជាចំណីអាហារ។
វាជាគំរូអាជីវកម្មដែលកំពុងនាំមុខគេនៅក្នុងទីផ្សារបែបឌីជីថល ហើយថែមទាំងអាចលើកកម្ពស់ការប្រកួតប្រជែងនៃវិស័យកសិកម្មឥណ្ឌា និងបង្កឱ្យមានវដ្តអាជីវកម្មប្រកបដោយគុណធម៌នៃផលិតភាពខ្ពស់ ប្រាក់ចំណូលកាន់តែខ្ពស់ ការពង្រីកសមត្ថភាពសម្រាប់ការគ្រប់គ្រងហានិភ័យរបស់កសិករ ព្រមទាំងការពង្រីកឲ្យមានការវិនិយោគកាន់ធំជាងមុនប្រកបដោយគុណភាព និងផលិតភាពកាន់តែខ្ពស់។
វេទិកាដ៏ធំរបស់ឥណ្ឌាមួយនេះក៏អាចចាត់ទុកថាជាធុរកិច្ចបរិយាបន្នគំរូមួយផងដែរ ដោយសារការចូលរួមចំណែកជួយដល់ប្រជាសហគមដែលមានជីវភាពក្រីក្រ និងបម្រើដល់កិច្ចការងារសង្គមជាច្រើនផ្សេងទៀតផងដែរចាប់តាំងតែពីពេលត្រូវបានបង្កើតឡើងកាលពីឆ្នាំ២០០០ ហើយមកទល់ពេលនេះកសិករជាង៤លាននាក់ដែលបានជ្រើសយក e-Choupal ជាដៃគូក្នុងការលក់ចេញនូវផលិតផលកសិកម្មរបស់គេដែលរួមមានដូចជា សណ្តែក, កាហ្វេ, ស្រូវសាឡី និងអង្ករជាដើម។
គួរឲ្យដឹងដែរថា ធុរកិច្ចបរិយាប័ន្ន គឺជាអាជីវកម្មឈរលើគោលការណ៍ធុរកិច្ច ដែលបង្កើតដំណោះស្រាយជាប្រព័ន្ធ មានភាពច្នៃប្រតិដ្ឋ និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈមពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប (BoP និង B40)។ បន្ទាត់អាជីវកម្មបរិយាប័ន្ន ត្រូវបានបង្កើតឡើងក្នុងគោលបំណងផ្តល់ប្រាក់ចំណូលខ្ពស់គួរសម និងបង្កើននូវស្តង់ដារជីវភាពរស់នៅប្រសើរជាងមុនដល់ក្រុមមនុស្សដែលមានចំណូលទាបនៅបាតពីរ៉ាមីត ៤០% និងក្រុមមនុស្សដែលងាយរងគ្រោះ៕
Account
Security
Favourite Content