សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កោះកុង ៖ ផ្លូវជាតិលេខ៤៨ តភ្ជាប់ពីផ្លូវជាតិលេខ៤ទៅកាន់ទីរួមខេត្តកោះកុង រហូតមកដល់ពេលនេះ សម្រេចបានការសាងសង់ប្រមាណ ៣៨,២៦ភាគរយ ដោយគ្រោងនឹងបញ្ចប់នៅចុងខែមេសា ឆ្នាំ ២០២៥ខាងមុខ ។ នេះបើតាមការបញ្ជាក់ពីក្រុមហ៊ុនសាងសង់ផ្លូវជាតិលេខ៤៨ ក្នុងឱកាសឯកឧត្តម ប៉េង ពោធិ៍នា រដ្ឋមន្ត្រី ក្រសួងសាធារណការនិងដឹកជញ្ជូន ចុះពិនិត្យវឌ្ឍនភាពសាងសង់ផ្លូវមួយនេះ ។
ក្នុងដំណើរបេសកកម្មនេះ គណៈប្រតិភូបានចុះត្រួតពិនិត្យបច្ចេកទេសក្នុងការសាងសង់ នៅតាមទីតាំងមួយចំនួន ដើម្បីធានាថាក្រុមហ៊ុនអនុវត្តត្រឹមត្រូវតាមបទដ្ឋានដែលបានកំណត់ មិនមានភាពចន្លោះប្រហោង សំដៅធ្វើឱ្យខ្សែផ្លូវនេះមានគុណភាព អាចប្រើប្រាស់បានយូរអង្វែង។ ជាមួយគ្នានេះ គណៈប្រតិភូក៏បានចុះពិនិត្យទីតាំងផលិតបេតុងកៅស៊ូ AC សម្រាប់ស្រោចក្រាលផ្លូវផងដែរ ។
ផ្លូវជាតិលេខ៤៨មានសារសំខាន់ក្នុងការតភ្ជាប់ពីផ្លូវជាតិលេខ៤ ត្រង់ចំណុចស្រែអំពិល ទៅកាន់ទីរួមខេត្តកោះកុង ដោយកោះ បច្ចុប្បន្ននេះ កំពុងមានការអភិវឌ្ឍខុសប្លែកពីមុនជាបន្តបន្ទាប់ បានក្លែងជាខេត្តឧស្សាហកម្មដ៏មានសក្ដានុពលបន្ទាប់ពីមានក្រុមហ៊ុនជាតិអន្តរជាតិជាច្រើន បានបោះទីតាំងនៅក្នុងខេត្តកោះកុង។
សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងកាលពីពេលកន្លងទៅថ្មីៗនេះថា រាជរដ្ឋាភិបាលបានជំរុញឱ្យមានការអភិវឌ្ឍខេត្តតំបន់សមុទ្រក្លាយជាគោលដៅទេសចរណ៍និងឧស្សាហកម្ម ក្នុងនោះរួមមានខេត្តកោះកុង ព្រះសីហនុ កំពតនិងកែប ដោយបានអភិវឌ្ឍន៍ ហេដ្ឋារចនាសម្ព័ន្ធតភ្ជាប់ទៅកាន់ខេត្តទាំងនោះ ជាបន្តបន្ទាប់និងកាន់តែងាយស្រួល ។
សម្ដេចធិបតីបានលើកទឹកចិត្តនិងជំរុញឱ្យមានការអភិវឌ្ឍខេត្តកោះកុងឱ្យក្លាយជាគោលដៅទេសចរណ៍ បន្ថែមពីលើឧស្សាហកម្ម និងលើកទឹកចិត្តឱ្យវិនិយោគិនចូលទៅកាន់ខេត្តនេះអភិវឌ្ឍន៍សេវាកម្មទេសចរណ៍នានាដើម្បីទាក់ទាញភ្ញៀវទេសចរជាតិអន្តរជាតិទៅកាន់ទីនោះ ។
គួរបញ្ជាក់ថា ខេត្តកោះកុងនឹងកាន់តែមានសក្ដានុពលបន្ថែមទៀតនៅពេលសមិទ្ធផលសំខាន់ៗបីដាក់ដំណើរការជាផ្លូវការ ក្នុងនោះរួមមានព្រលានយន្តហោះ តារាសាគរ គម្រោងអភិវឌ្ឍន៍ផ្លូវជាតិលេខ១០ និងគម្រោងផ្លូវជាតិលេខ៤៨នេះ ។ នៅពេលសមិទ្ធផលទាំងបីរួចរាល់ជាស្ថាពរ ពលរដ្ឋក្នុងស្រុកពីបណ្ដាខេត្តនានារួមមានពី ប៉ែកពាយព្យនេះប្រទេស ដូចជាខេត្តបាត់ដំបងបន្ទាយមានជ័យ ពោធិ៍សាត់ អាចធ្វើដំណើរទៅកាន់ខេត្តកោះកុងដោយមិនចាំបាច់ឆ្លងកាត់រាជធានីភ្នំពេញដូចមុន ហើយភ្ញៀវទេសចរអន្តរជាតិក៏អាចចុះចតនៅព្រលានយន្តហោះអន្តរជាតិសារាសាគរដែលគ្រោងដាក់ដំណើរការនៅពេលខាងមុខនេះដែរ៕
Account
Security
Favourite Content