សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ រដ្ឋាភិបាលគ្រោងនឹងសាងសង់ផ្លូវល្បឿនលឿនភ្នំពញ-បាវិត ដែលគម្រោងផ្លូវនេះនឹងឆ្លងកាត់ខេត្តចំនួន៣ រួមមានផ្នែកខ្លះនៃខេត្តកណ្ដាល ខេត្តព្រៃវែង និងស្វាយរៀង។ ការសាងសង់ផ្លូវល្បឿនលឿននេះដែរ នឹងជំរុញសក្ដានុពលនៃការវិនិយោគ លើកកម្ពស់តម្លៃដីធ្លីបន្ថែមទៀតនៅក្នុងខេត្តចំនួន២ គឺខេត្តព្រៃវែងនិងស្វាយរៀង។
លោក ថា ថេង ប្រធានក្រុមហ៊ុនអចលទ្រព្យ Century 21 Zillion Holding ប្រចាំខេត្តស្វាយរៀងបានឱ្យដឹងថា គម្រោងអភិវឌ្ឍន៍ផ្លូវល្បឿនលឿនភ្នំពេញ-បាវិត នៃខេត្តស្វាយរៀងនឹងជួយជំរុញឱ្យសក្ដានុពលនៃការវិនិយោគនៅក្នុងខេត្តស្វាយរៀងកាន់តែមានកំណើនបន្ថែមទៀត ដោយសារតែនៅពេលផ្លូវនេះបានសាងសង់រួចរាល់វានឹងកាត់បន្ថយការធ្វើដំណើរពីភ្នំពេញ និងខេត្តស្វាយរៀង និងធ្វើបង្ខិតខេត្តស្វាយរៀងក៏ដូចជាក្រុងបាវិត-រាជធានីភ្នំពេញកាន់តែខិតជិតគ្នា។
លោកបន្តថា ៖
“បាវិត គឺជាក្រុងមួយស្ថិតនៅក្នុងខេត្តស្វាយរៀង ហើយក្រុងនេះ ក៏ជាតំបន់ដ៏មានសក្ដានុពលមួយនៅក្នុងព្រះរាជាណាចក្រកម្ពុជា ជាពិសេសវាជាតំបន់នៅជាប់ព្រំដែនកម្ពុជាវៀតណាម ដូច្នេះហើយការដោះដូរទំនិញ ភាគច្រើនរវាងកម្ពុជា និងវៀតណាមគឺត្រូវឆ្លងកាត់តាមច្រកមួយនេះគឺក្នុងក្រុងបាវិត។ បើសិនជាមានការអភិវឌ្ឍផ្លូវល្បឿនលឿនពីភ្នំពេញទៅក្រុងបាវិតមែននោះ វានឹងជំរុញឱ្យមាការវិនិយោគ និងធ្វើឱ្យតម្លៃដីធ្លីនៅក្នុងក្រុងមួយនេះ ឬខេត្តស្វាយរៀងមានតម្លៃបន្ថែមមួយកម្រិតទៀត”
លោក ម៉ៅ មុនីរតនា ប្រធានសាខានៃក្រុមហ៊ុនអចលនទ្រព្យ Century 21 Zillion Holding ប្រចាំខេត្តព្រៃវែងក៏បានឱ្យដឹងផងដែរថា វាជារឿងដ៏ល្អមួយបើសិនជាផ្លូវល្បឿនលឿនភ្នំពេញ-បាវិតបានដំណើរការនៅពេលឆាប់ៗ ពីព្រោះថាផ្លូវល្បឿនលឿននេះនឹងនាំវិនិយោគិនពីភ្នំពេញ និងតាមបណ្ដាខេត្តផ្សេងទៀតចូលមកកាន់ខេត្តព្រៃវែង ។
លោកបន្តថា ៖
“បច្ចុប្បន្ននេះមានវិនិយោគិនមួយចំនួនហើយបានចាប់អារម្មណ៍នឹងបណ្ដាក់ទុនវិនិយោគនៅក្នុងខេត្តព្រៃវែង និងបានធ្វើឱ្យតម្លៃដីធ្លីនៅក្នុងខេត្តព្រៃវែងមានសន្ទុះមួយកម្រិតថែមទៀតផងដែរ។ ការស្ថាបនាផ្លូវល្បឿនភ្នំពេញ-បាវិត នឹងនាំវិនិយោគិនបរទេសក៏ដូចជាវិនិយោគិនក្នុងស្រុកទៅកាន់ខេត្តព្រៃវែងនេះបន្ថែមទៀត ដូច្នេះហើយអ្នកដែលមានទុនគ្រប់គ្រាន់អាចឆ្លៀតឱកាសនេះក្នុងការទិញដីសម្រាប់យកប្រាក់ចំណេញនៅពេលអនាគត ពោលគឺនៅពេលមានការអភិវឌ្ឍហេដ្ឋារចនាសម្ព័ន្ធ”
លោកឧកញ៉ានួន រឹទ្ធី ប្រធានក្រុមប្រឹក្សាភិបាលក្រុមហ៊ុន KFA Group បានមានប្រសាសន៍ថា តាមពិតទៅព្រៃវែង និងស្វាយរៀងជាខេត្តដែលនៅមិនឆ្ងាយពីភ្នំពេញប៉ុន្មានទេ តែដោយសារតែមិនសូវមានផ្លូវ និងហេដ្ឋារចនាសម្ព័ន្ធល្អ ទើបធ្វើឱ្យវិនិយោគិនមិនទាន់សម្រេចចិត្តចូលបណ្ដាក់ទុនវិនិយោគនៅក្នុងខេត្តទាំងពីរនេះ ។
លោកឧកញ៉ាបន្តថា ៖ នៅពេលគម្រោងសាងសង់ផ្លូវល្បឿនលឿនភ្នំពេញ-បាវិត បានបង្ហាញជារូបរាងពិតប្រាកដ នោះវានឹងបង្កើនភាពទាក់ទាញវិនិយោគិន ទាំងជាតិ និងអន្តរជាតិ ឱ្យចាប់អារម្មណ៍ ចូលទៅបណ្តាក់ទុនវិនិយោគនៅក្នុងខេត្តទាំង២នេះបន្ថែមទៀត ដែលអាចធ្វើឱ្យតម្លៃដីធ្លីមានការកើនឡើងជាងពេលបច្ចុប្បន្ននេះជាក់ជាមិនខាន ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
CMG អញ្ជើញអ្នកសារព័ត៌មានកម្ពុជា និងអាស៊ានទៅស្វែងយល់ពីសក្តានុពលខេត្តហៃណាន
• 19/10/2026
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ADB ផ្ដល់កញ្ចប់ថវិកា៧២លានដុល្លារដល់កម្ពុជា ដើម្បីអភិវឌ្ឍន៍សេដ្ឋកិច្ចកសិករខ្នាតតូចនៅតាមជនបទ
Top News, ព្រឹត្តិការណ៍, សេដ្ឋកិច្ច
• 26/10/2026
ធនាគារអភិវឌ្ឍន៍អាស៊ី បានអនុម័តកញ្ចប់ថវិកា៧២លានដុល្លារជួយកសិករខ្នាតតូចនៅតំបន់ជនបទ ...
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content