សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ក្នុងពិធីបិទសន្និបាតបូកសរុបលទ្ធផលការងារឆ្នាំ២០២៤ និងទិសដៅការងារបន្តសម្រាប់ឆ្នាំ២០២៥ របស់ក្រសួងរៀបចំដែនដី នគរូបនីយកម្ម និងសំណង់ នារសៀលថ្ងៃទី២៦ ខែវិច្ឆិកា ឆ្នាំ២០២៤ បានកោតសរសើរចំពោះថ្នាក់ដឹកនាំ ព្រមទាំងមន្ត្រីរាជការគ្រប់លំដាប់ថ្នាក់ នៃក្រសួងរៀបចំដែនដី នគរូបនីយកម្ម និងសំណង់ ដែលបាននិងកំពុងដោះស្រាយនូវបញ្ហាដែលកើតឡើងក្នុងវិស័យដីធ្លី នាពេលបច្ចុប្បន្ន ។
សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី បានមានប្រសាសសង្កត់ធ្ងន់ថា ការអនុវត្តនូវវិធានការនានាក្នុងការដោះស្រាយនូវបញ្ហាដែលកើតឡើងក្នុងវិស័យដីធ្លី របស់ក្រសួងរៀបចំដែនដីនគរូបនីយកម្ម និងសំណង់ នាពេលបច្ចុប្បន្ន បានចូលរួមចំណែកយ៉ាងសកម្មក្នុងការកាត់បន្ថយជាអតិបរមានូវបញ្ហាដែលមានចរិតជាភូមិសាស្ត្រសន្តិសុខនយោបាយ សេដ្ឋកិច្ច និងសង្គម ដែលអាចកើតចេញពីវិវាទដីធ្លី វិវាទបុរី បញ្ហានៅតំបន់បឹងទន្លេសាប និងតំបន់រមណីយដ្ឋានបេតិកភណ្ឌពិភពលោកអង្គរជាដើម។
សម្ដេចបានបន្តថា កិច្ចការនេះ បានរួមចំណែកយ៉ាងសំខាន់ជាមួយរាជរដ្ឋាភិបាល ក្នុងការដោះស្រាយបញ្ហាចម្រូងចម្រាស ក្នុង សង្គមកម្ពុជា និងឆ្លើយតបបានទៅនឹងស្ថានភាពរបស់ប្រជាជនយើង ស្របតាមទស្សនាទាន “ការចុះបញ្ជីដីបង្ហើយ សេវាគាប់ចិត្ត និងបរិយាកាសមិនមានវិវាទដីធ្លីនៅកម្ពុជា”៕
Account
Security
Favourite Content